I Pêtrôs 2:24 - Nau Brah Ndu Ngơi 2023

²⁴ Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

Bunong Bible Latin Script Cambodian dialect

²⁴ Brah Krist lĕ dôr jêh nau tih bân ta săk jăn Păng krêp ta si tâm rkăng, gay ma bân mâu hôm ôh geh nau tih, jêh ri gŭ ngao sŏng. Nau ji bân lĕ bah jêh, bân lĕ gŭ tâm di ma Kôranh Brah, tă bơh sôt rmanh Păng.

Bunong

²⁴ ឞ្រាស​ក្រីស  ​លែៈ​ទោរ​ជេស​នាវ​តីស​ឞ៝ន់​តា​ឆាក់​ជាន់​ពាង់​ក្រេប​តា​ឆី​តឹម​រាកាង់ គៃ​មា​ឞ៝ន់​មោ​ហោម​អោស​គែស​នាវ​តីស ជេសរី​គុ​ងាវ​ឆ៝ង់។ នាវ​ជី​ឞ៝ន់​លែៈ​ឞាស​ជេស ឞ៝ន់​លែៈ​គុ​តឹម​ទី​មា​កោរាញ​ឞ្រាស តាៈ​ឞើស​ឆោត​រាមាញ​ពាង់។

I Pêtrôs 2:24 ပူးပေါင်းရင်းမြစ်များ

Nau Ntơm 22:6

Y-Abraham sŏk long dŏng gŭch ndơ ƀư brah gŭch, dăp ta klơ nglik Y-Isăk, kon păng, bi păng nơm djôt ŭnh jêh ri pêh ta ti, jêh nây bar hê mbơ̆ kon hăn ndrel.

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 38:4

Yorlah nau djơh mhĭk gâp bun dăp hao rlau bôk gâp; Khân păng tŭn gâp ta klơ gâp tâm ban ma du ntil anh jâk.

Nau Ngluh Êjipt 28:38

Pŏk jê̆ nây mra gŭ ta ndăr kleng Y-Arôn jêh ri Y-Arôn mra tuy moh nau tih tât ma ndơ nhhơr kloh ueh bơh phung ƀon lan Israel hŏ nhhơr. Pŏk jê̆ nây mra gŭ ƀaƀơ ta ndăr kleng Y-Arôn, gay ma Brah Yêhôva dơn khân păng.

Nau Hôr 20:30

Lĕ sôt nau rmanh jêh ri khap ƀư ăn kloh nau mhĭk; Bi mâng rpăt lăp tâm ntŭk jru ndâp trôm nuih n'hâm.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Kan Lêvi 16:22

Be nây mra tuy tâm păng lĕ rngôch nau tih mhĭk phung Israel jêh ri bu mƀơk păng ta ntŭk rngot rklăk tâm bri rdah.

Kan Lêvi 22:9

Yor nây, ăn khân păng djôt prăp nau Gâp ntăm, lah mâu khân păng mra tuy nau tih jêh ri khĭt yorlah khân păng hŏ mưch rmot jêh lĕ ndơ nhhơr kloh ueh. Gâp jêng Brah Yêhôva, Nơm ƀư kloh ueh khân păng.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Nau Kơp Bunuyh 18:22

Ntơm bơh aơ tât ô klak, phung ƀon lan Israel mâu dơi văch dăch ôh Ngih Bok Nau Tâm Rƀŭn, klach lah khân păng geh nau tih jêh ri khĭt.

Nau Kơp Bunuyh 7:15

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ƀư ndơ ƀư brah gŭch;

Mathay 27:26

Pôri, Pilat mƀơk lơi Y-Barabas ăn ma khân păng, jêh ri bu dong Brah Yêsu, jêh nây jao Păng ma bu pâng kđĭn ta si tâm rkăng.

Mathay 5:20

Yorlah Gâp lah ma khân ay may gĭt: Tơlah nau sŏng srăng khân ay may mâu rlau nau sŏng srăng phung kôranh nchih samƀŭt jêh ri phung Pharisi, khân ay may mâu mra lăp ôh tâm ƀon bri hađăch klơ trôk.

Mathay 8:17

Tâm ban pônây, nau nơm mbơh lor Y-Êsai: “Păng yơh tuy jêh nau ji kuet he, Jêr ri anh lĕ rngôch nau ji he,” hŏ tât di ngăn.

Markôs 15:15

Yor Pilat ŭch ƀư maak ma phung ƀon lan, păng mƀơk Y-Barabas. Jêh ri ăn bu dong Brah Yêsu ma mâng, Pilat jao Brah Yêsu ăn khân păng djôt leo gay pâng kđĭn ta si tâm rkăng.

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 19:1

Nôk nây, Pilat đă bu dong Brah Yêsu ma mâng.

Kôranh Oh Mon 10:35

ƀiălah tâm lĕ ntil mpôl bunuyh, mbu nơm klach yơk ma Kôranh Brah jêh ri ƀư nau sŏng srăng, Păng dơn bunuyh nây.

Kôranh Oh Mon 10:39

Hên jêng phung mbơh lĕ nau Păng ƀư jêh tâm n'gor Yuđa jêh ri ta ƀon Yêrusalem. Bu hŏ yông Păng klơ si tâm rkăng gay nkhĭt lơi.

Kôranh Oh Mon 13:29

Tơlah khân păng hŏ ƀư tât di ngăn lĕ nau nchih ma Păng, jêh nây khân păng njŭr Păng tă bơh si tâm rkăng jêh ri tâp tâm môch.

Kôranh Oh Mon 5:30

Brah Ndu phung chô yau he hŏ ƀư ăn Brah Yêsu dâk rêh tay, jêng Nơm khân păng yông klơ si tâm rkăng jêh ri nkhĭt lơi.

Samƀŭt Pôl Njuăl Ăn Ma Phung Nsing Ta Ƀon Rôm 6:11

Pôri, khân ay may kơp hom khân may nơm khĭt jêh đah nau tih jêh ri dôl gŭ rêh ma Brah Ndu tâm Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:16

Khân may mâu gĭt hĕ tơlah khân may djôt leo săk jăn khân may nơm jêng dĭk gay tông bâr ma du huê bunuyh khân may hŏ jêng jêh dĭk ma bunuyh khân may tông bâr lĕ ƀơh? Mâu lah ƀư dĭk nau tih njŭn leo ma nau khĭt, mâu lah ƀư dĭk ma nau tông bâr njŭn leo ma nau sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 6:2

Mâu di kơt nây ôh! He khĭt jêh yor nau tih, mâm he dơi gŭ rêh tâm nau tih đŏng?

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 6:7

Yorlah mbu nơm khĭt jêh, klaih jêh bơh nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:6

Ƀiălah aƀaơ he klaih jêh bơh nau vay, khĭt jêh ma nau hŏ krŭng he, gay ma he pah kan tĭng nau mhe tă bơh Brah Huêng Ueh, mâu di tĭng nau ơm rplay samƀŭt ôh.

I Kôrintô 15:3

Gâp mbơh ma khân may nau dŭt khlay jêng nau gâp nơm sŏk dơn jêh, nây jêng Brah Krist khĭt jêh yor nau tih he tĭng nâm nau nchih jêh tâm Nau Brah Ndu Ngơi.

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Kôlôh 2:14

Păng chalơi jêh pŏk samƀŭt rnon tâm rdâng he đah lĕ nau vay tâm nchâp đah he. Păng mƀăr lơi ma nau pâng kđĭn păng ta si tâm rkăng.

Kôlôh 2:20

Tơlah khân may khĭt jêh ndrel Brah Krist, klaih bơh lĕ huêng brah ta neh ntu, mâm ƀư khân may ăt hôm rêh tâm ban khân may hôm jêng ndơ neh ntu? Mâm ƀư hôm tông lĕ nau vay:

Kôlôh 3:3

yorlah khân may khĭt jêh, nau rêh khân may pôn jêh ndrel ma Brah Krist tâm Brah Ndu.

ហេឞ្រើ 10:10

Tĭng nau ŭch mĭn nây, he geh nau kloh ueh ma nau nhhơr săk jăn Brah Yêsu Krist du tơ̆ nây dơm rĭng jêh.

ហេឞ្រើ 10:5

Yor nây, tơlah Brah Krist lăp tâm neh ntu, Păng lah pô aơ: “Kôranh Brah mâu ŭch ôh mpa ƀư brah, mâu đŏng ŭch ndơ nhhơr, Ƀiălah Kôranh Brah ndrăp lor jêh du săk jăn ma gâp.

ហេឞ្រើ 12:13

Ƀư hom ăn sŏng trong ma jâng khân may, gay ma bunuyh rvĕn mâu geh nau glet jâng, ƀiălah geh nau ƀư bah.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

Yakơ 5:16

Pôri, mbơh hom nau tih ndrăng nơm jêh ri tâm mbơh sơm ndrăng nơm gay ma khân may geh nau bah. Nau bunuyh sŏng srăng mbơh sơm, geh nau brah jêh ri geh nau tam ngăn.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.

Nau Tâm Mpơl 22:2

hoch ta nklang trong ƀon nây. Bar đah kơh dak krong geh tơm si nau rêh geh play jât ma bar yan, ăp khay geh play du tơ̆; jêh ri n'ha si nây prăp ma ƀư bah phung mpôl băl bunuyh.