I Pêtrôs 2:23 - Nau Brah Ndu Ngơi 2023

²³ Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

Bunong Bible Latin Script Cambodian dialect

²³ Bol lah bu rak suai Păng, Păng kŏ mâu plơng bu đŏng, bu jan nau jêr jŏt Păng, kŏ Păng mâu ôh thăm rmat bu, păng jao ma Kôranh Brah nơm phat dôih ta nar n'glĕ dŭt nau i bu jan djơh Păng nây, jêh ri Kôranh Brah nơm năk phat dôih ma nau sŏng.

Bunong

²³ ឞ៝ល​លាស​ឞូ​រាក​ឆ្វាយ​ពាង់ ពាង់​ក៝ៈ​មោ​ព្លើង​ឞូ​ដ៝ង់ ឞូ​ជាន​នាវ​ជេរ​ជ៝ត់​ពាង់ ក៝ៈ​ពាង់​មោ​អោស​ថាម់​រាមាត​ឞូ ពាង់​ជាវ​មា​កោរាញ​ឞ្រាស​នើម​ផាត​ទោយ្ស​តា​នារ​ងគ្លែៈ​ទុត​នាវ​អី​ឞូ​ជាន​អ្យើស​ពាង់​នៃ ជេសរី​កោរាញ​ឞ្រាស​នើម​នាក់​ផាត​ទោយ្ស​មា​នាវ​ឆ៝ង់។

I Pêtrôs 2:23 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 31:5

Gâp jao huêng gâp tâm ti Kôranh Brah; Ơ Brah Yêhôva jêng Brah Ndu nanê̆ ngăn, May hŏ chuai gâp jêh.

Nau Mprơ Ơm 37:5

Jao hom trong păng nơm ma Brah Yêhôva Jêh ri rnơm ma Păng jêh ri Păng yơh mra ƀư nau nây:

Nau Mprơ Ơm 7:11

Brah Ndu jêng Kôranh phat dôih sŏng, Jêng Brah Ndu ji nuih ăp nar đah phung mhĭk.

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Êsai 53:7

Bu tŭn jot Păng jêh ri ƀư rêh ni, Ƀiălah Păng mâu mâp hă ôh mbung Păng. Tâm ban ma du mlâm kon biăp bu têk ta ntŭk ƀư puăch, Tâm ban ma du mlâm kon biăp mlo tanăp nơm nkăp rsau, Păng mâu hă mbung ôh.

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Luka 23:46

Brah Yêsu nter dŭt dăng ngăn pô aơ: “Hơi Mbơ̆, Gâp jao huêng Gâp tâm ti Mbơ̆!” Păng ngơi lôch, Păng tăch n'hâm.

Luka 23:9

Yor nây, hađăch ôp Brah Yêsu âk ntil ngăn, ƀiălah Brah Yêsu mâu plơ̆ lah ôh.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Kôranh Oh Mon 4:29

Aƀaơ aơ, dăn Kôranh Brah sek uănh nau khân păng thăm rmat jêh ri ăn ma phung oh mon May mbơh nau May ngơi ma nau janh.

Kôranh Oh Mon 7:59

Dôl khân păng klŭp lŭ, Y-Êtiên mbơh sơm pô aơ: “Ơ Kôranh Brah jêng Brah Yêsu, dăn sŏk dơn huêng gâp.”

Kôranh Oh Mon 9:1

Rnôk nây, Y-Sôl hôm thăm jêh ri nkhĭt phung oh mon Kôranh Brah. Păng hăn ta kôranh ƀư brah toyh lơn,

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Êphêsô 6:9

Hơi phung kôranh, ăn khân may ƀư tâm ban lĕ đah khân păng, jêh ri lơi thăm rmat ma khân păng ôh. Khân may gĭt jêh khân may nơm jêh ri khân păng geh du huê kôranh ndrel tâm trôk, jêh ri Păng mâu gŭ du ding ma bu ôh.

II Têsalônik 1:5

Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

ហេឞ្រើ 12:3

Pôri, khân may mĭn hom ma Nơm dơn jêh nau tâm rdâng bơh phung tih ƀư ma Păng, gay ma khân may mâu dĭl mâu lah rdja nuih n'hâm ôh.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

I Pêtrôs 4:19

Pôri, phung dơn nau rêh ni tĭng nâm nau Brah Ndu ŭch, thoi đŏng ƀư nau ueh jêh ri jao huêng khân păng nơm ma Nơm Rhăk Njêng răp jăp.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.