I Pêtrôs 2:17 - Nau Brah Ndu Ngơi 2023

¹⁷ Yơk hom ma lĕ rngôch bunuyh, rŏng ma phung oh nâu tâm nau rnơm, klach yơk ma Brah Ndu, yơk ma hađăch.

Bunong Bible Latin Script Cambodian dialect

¹⁷ Ăn khân ay may yơk ma dâng lĕ bunuyh, ăn rŏng ma bunuyh i lĕ nsing, jêh ri klach yơk ma Kôranh Brah, ndrel ma yơk ma kađăch.

Bunong

¹⁷ អ៝ន់​ខាន់​អៃ​មៃ​យើក​មា​ទឹង​លែៈ​ឞូនុយ្ស អ៝ន់​រ៝ង់​មា​ឞូនុយ្ស​អី​លែៈ​ញឆីង ជេសរី​ក្លាច​យើក​មា​កោរាញ​ឞ្រាស នទ្រែល​មា​យើក​មា​កាដាច់។

I Pêtrôs 2:17 ပူးပေါင်းရင်းမြစ်များ

Nau Ntơm 20:11

Y-Abraham ơh: “Gâp ƀư pônây, yor gâp mĭn tâm n'gor aơ mâu mâp geh ôh bunuyh klach yơk ma Brah Ndu. Klăp lah khân păng mra nkhĭt gâp yor ur gâp.

Nau Ntơm 22:12

Tông mpăr lah: “Lơi ƀư nau mhĭk kon se nây jêh ri kŏ mâu đŏng ƀư du ntil nau ma păng. Aƀaơ aơ, Gâp gĭt ngăn may klach yơk ngăn ngên ma Brah Ndu, yorlah may mâu nhhuach ôh kon nguay may ma Gâp, nđâp lah knŏng du huê nây dơm.”

Nau Ntơm 42:18

Tât nar tal pe, Y-Yôsep lah ma khân păng: “Yorlah gâp klach yơk ma Brah Ndu, lah khân may ŭch rêh ăn khân may ƀư hom kơt aơ.

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Ngluh Êjipt 20:12

Yơk hom ma mê̆ mbơ̆ may, gay ma may dơi gŭ rêh jŏ klơ neh Yêhôva Brah Ndu ăn ma may.

Nau Hôr 1:7

Nau klach yơk ma Brah Yêhôva jêng tơm ma nau gĭt rbăng, Bi phung rluk tâm rmot ma nau blau mĭn jêh ri nau ntĭm nti.

Nau Hôr 23:17

Nuih n'hâm may lơi keh nach đah phung tih, Ƀiălah ăp nar klach yơk hom ma Brah Yêhôva.

Nau Hôr 24:21

Hơi kon gâp, klach yơk hom ma Brah Yêhôva jêh ri yơk ma hađăch; Lơi tâm rnglăp ôh đah phung tâm rdâng,

Nơm Nti 8:2

Gâp ntĭm djôt prăp hom nau ntrŭnh bơh hađăch ntăm, yorlah Brah Ndu geh sơm ton ma hađăch.

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Sakari 11:14

Jêh nây Gâp nkê̆ch lơi mâng jra tal bar, jêng mâng jra Nau Tâm Rnglăp, gay tâm nkhah lơi nau jêng oh nâu ta nklang Yuđa jêh ri Israel.

Mathay 22:21

Khân păng plơ̆ lah: “Sêsar.” Păng lah: “Pôri mplơ̆ sĭt hom ma Sêsar lĕ ndơ Sêsar, jêh ri mplơ̆ hom ma Brah Ndu lĕ ndơ Brah Ndu.”

Yôhan 13:35

Lah khân may tâm rŏng ndrăng khân may nơm, yor ri, lĕ rngôch bunuyh mra gĭt khân may jêng oh mon Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 12:10

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Samƀŭt Pôl Njuăl Ăn Ma Phung Nsing Ta Ƀon Rôm 13:7

Mplơ̆ hom ma lĕ rngôch bunuyh nau khân may nơm iang rnon: chê̆ hom pi ma nơm, ăn khân may nơm chê̆ hom; chê̆ kao play hom ma nơm, ăn khân may nơm chê̆; klach ma nơm khư klach; yơk ma nơm khư yơk.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Êphêsô 5:21

Yor klach yơk ma Brah Krist, tâm tông hom ndrăng nơm.

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

I Timôthê 6:1

Lĕ rngôch bunuyh gŭ tâm dâng mâng mbăk jêng dĭk ăn yơk ma phung kôranh khân păng tâm lĕ rngôch nau, gay ma bu mâu ngơi djơh ma amoh Brah Ndu jêh ri nau he ntĭm nti.

ហេឞ្រើ 13:1

Ăn djôt prăp mro nau rŏng ndrăng oh nâu.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:13

Yor Kôranh Brah, tông hom lĕ rngôch nau dơi kon bunuyh, mâu lah đah hađăch jêng bunuyh geh nau dơi toyh lơn,

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

I Samuel 15:30

Y-Sôl lah: “Gâp lĕ ƀư tih jêh, ƀiălah yơk hom ma gâp tanăp phung kôranh bu ranh phung ƀon lan gâp, jêh ri tanăp lĕ rngôch bunuyh ƀon lan Israel. Dăn may plơ̆ văch hom ndrel ma gâp, gay ăn gâp dơi yơk mbah ma Yêhôva Brah Ndu may.”