I Pêtrôs 2:12 - Nau Brah Ndu Ngơi 2023

¹² Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

Bunong Bible Latin Script Cambodian dialect

¹² Ăn khân ay may gŭ ngao sŏng ta nklang phung i mâu ôh nsing ma Brah Yêsu Krist, gay ma moh ndơ i bu ngơi nchơt khân ay may jan djơh, khân păng hôm say ndơ ueh khân ay may jan, jêh ri rnê Kôranh Brah ma ndơ ueh i nây ta nar Păng phat dôih dâng lĕ bunuyh.

Bunong

¹² អ៝ន់​ខាន់​អៃ​មៃ​គុ​ងាវ​ឆ៝ង់​តា​ងក្លាង​ផូង​អី​មោ​អោស​ញឆីង​មា​ឞ្រាស​យេឆូ​ក្រីស  គៃ​មា​ម៝ស​នទើ​អី​ឞូ​ងើយ​ញចើត​ខាន់​អៃ​មៃ​ជាន​អ្យើស ខាន់​ពាង់​ហោម​ឆៃ​នទើ​អ្វែស​ខាន់​អៃ​មៃ​ជាន ជេសរី​រានេ​កោរាញ​ឞ្រាស​មា​នទើ​អ្វែស​អី​នៃ​តា​នារ​ពាង់​ផាត​ទោយ្ស​ទឹង​លែៈ​ឞូនុយ្ស។

I Pêtrôs 2:12 ပူးပေါင်းရင်းမြစ်များ

Nau Mprơ Ơm 37:14

Phung mhĭk tŏk đao jêh ri van na Gay ma nkhĭt nơm o ach jêh ri nơm pưt kƀah, Gay ma nkhĭt phung hăn tĭng trong sŏng di.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Daniel 6:4

Pôri, phung kôranh toyh jêh ri phung kôranh nkual joi nau ngơi tih Y-Daniel tâm kan bri dak. Ƀiălah khân păng mâu dơi saơ du ntil nau tih ôh tâm păng mâu lah du ntil nau gay dơi nduyh, yorlah păng jêng răp jăp, mâu geh du ntil nau kue mâu lah geh tih ôh.

Mathay 10:25

Oh mon dơi jêng kôranh nơm nti, oh mon jêng nâm bu kôranh păng hŏ rĭng jêh. Kôranh ngih bu rnha jêng Bêlsêbul, rlau lơn ma phung tâm ngih nây!

Mathay 5:11

Ueh maak ngăn ma khân may tơlah yorlah Gâp bu suai rak, ƀư mhĭk, ngơi nchơt âk ntil nau mhĭk ma khân may.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Mathay 9:8

Phung ƀon lan saơ nau khlay nây klach da dê, jêh ri tâm rnê Brah Ndu, Nơm hŏ ăn nau dơi kơt nây ma bunuyh.

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Luka 19:44

Khân păng mra ƀư rai may jêh ri phung kon sau ta nklang may đŏng. Khân păng mâu mra ăn glo lŭ aơ gŭ ta klơ glo lŭ ri, yorlah may mâu gĭt ôh mông may geh nau khâl.”

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Yôhan 13:31

Jêh Y-Yuđas luh du, Brah Yêsu lah: “Aƀaơ Kon Bunuyh geh nau tâm rnê, jêh ri Brah Ndu geh nau tâm rnê tâm Kon Bunuyh.

Kôranh Oh Mon 15:14

Mâm Y-Simêôn hŏ nkoch êlor Brah Ndu chop khâl ma mpôl băl phung bu năch, gay ma sŏk luh tă bơh khân păng du phung ƀon lan ma amoh Păng.

Kôranh Oh Mon 24:13

Aƀaơ aơ, khân păng mâu dơi mpơl nau mbơh ma nau khân păng phong gâp tanăp may.

Kôranh Oh Mon 25:7

Tơlah Y-Pôl tât, phung Yuđa jŭr tă bơh ƀon Yêrusalem, gŭ jŭm păng jêh ri geh lĕ nau phong âk ngăn gay kât nau tih ma păng, ƀiălah khân păng mâu mpơl nau mbơh rah vah ôh.

Kôranh Oh Mon 28:22

Ƀiălah, hên ŭch gĭt mâm nau may mĭn, yorlah hên gĭt bu tâm rdâng đah mpôl nây lam ăp ntŭk.”

Samƀŭt Pôl Njuăl Ăn Ma Phung Nsing Ta Ƀon Rôm 12:17

Lơi sŏk nau mhĭk mplơ̆ nau mhĭk ma bu; gơih mĭn hom ƀư nau ueh tanăp lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Samƀŭt Pôl Njuăl Ăn Ma Phung Nsing Ta Ƀon Rôm 14:18

Mbu nơm pah kan ma Brah Krist tâm ban pônây ƀư maak nuih n'hâm Brah Ndu jêh ri bu yơk ma bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 15:9

jêh ri ƀư ăn phung bu năch tâm rnê Brah Ndu yor nau Păng yô̆ nđach. Tâm ban geh nau nchih: “Yor nây, Gâp mra tâm rnê ma Kôranh Brah ta nklang lĕ rngôch ntil mpôl bunuyh Jêh ri mprơ mât ton ma amoh Păng”

I Kôrintô 14:25

Lĕ nau pôn ndâp tâm nuih n'hâm khân păng mra tâm mpơl; khân păng mra chon mon yơk mbah ma Brah Ndu, jêh ri mbơh pô aơ: Brah Ndu dôl gŭ ndrel ma khân may ngăn ngên.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 13:7

Ƀiălah gâp mbơh sơm dăn ma Brah Ndu gay ma khân may mâu ƀư du ntil nau tih ôh, mâu di gay ma mpơl hên dơi geh nau di, ƀiălah gay ma khân may dơi ƀư lĕ nau ueh, nđâp tơlah bu uănh hên tâm ban mâu geh tât nau tâm nal.

II Kôrintô 8:21

Yorlah hên srôih ƀư nau ueh, mâu di knŏng tanăp Kôranh Brah ôh, ƀiălah nđâp tanăp bunuyh lĕ.

Êphêsô 2:3

Lĕ rngôch he gŭ tâm phung nây, hŏ geh tơ̆ he gŭ rêh tĭng lĕ nau nglay săk kơnh ŭch, tĭng groi lĕ nau nglay săk ŭch jêh ri nau mĭn. Pônây, tĭng nau ơm geh ta nglay săk, he jêng kon ma nau ji nuih tâm ban lĕ rngôch bunuyh êng.

Êphêsô 4:22

Pôri, khân may doh chalơi hom bunuyh ơm jêng ndơ nau rêh rnôk kăl e, ơm jêng tih mhĭk jêh yor lĕ nau kơnh ŭch mƀruh nchơt;

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.

I Têsalônik 4:12

pô nây, nau gŭ rêh khân may geh phung padih rnê, jêh ri mâu lĕ rnơm ma bu.

I Timôthê 2:2

ma phung hađăch, ma lĕ rngôch phung kôranh chiă uănh, gay ma he dơi gŭ rêh tâm nau mpăn rlêk, nau đăp mpăn tâm lĕ nau klach yơk jêh ri nau gĭt mleh.

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

ហេឞ្រើ 13:18

Mbơh sơm hom ma hên ƀă, yorlah hên gĭt năl n'hêl nanê̆ hê nơm geh nuih n'hâm sŏng ueh, ŭch gŭ ngao nau ueh rah vah tâm lĕ ntil ndơ.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

I Pêtrôs 2:15

Yorlah nau mĭn Brah Ndu ŭch ăn khân may ƀư nau ueh gay ƀư rklăk nau ngơi djơh tă bơh phung rluk mâl.

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

II Pêtrôs 3:11

Yorlah lĕ rngôch ndơ nĕ mra rai lôch kơt nĕ, pôri ăn khân may gŭ rêh nau rêh kloh ueh jêh ri blau yơk

Bu ur Rut 3:14

Pônây păng bê̆ch ta jâng păng tât ang jêh ri dâk ơm ôi gay bah bu gĭt, yorlah Y-Bôas mĭn tâm nuih n'hâm pô aơ: “Lơi ăn bu gĭt ôh ma du huê bu ur văch jêh ma ntŭk mprah ba.”