I Pêtrôs 2:11 - Nau Brah Ndu Ngơi 2023

¹¹ Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.

Bunong Bible Latin Script Cambodian dialect

¹¹ Ơ oh nô ta nau nsing i gâp rŏng, khân ay may i tâm ban ma bunuyh phung bu năch bri êng ta neh ntu dja, i tâm ban ma bunuyh i gŭ njơh ta neh ntu dja du ƀlât dơm, gâp dăn khân ay may hô ngăn, ăn khân ay may der hŏm bơh nau kơnh djơh, yorlah nau kơnh i nây tâm ban ma tâm rdâng đah khân ay may, ŭch nking khân ay may mâu ăn iăt nau Kôranh Brah ŭch.

Bunong

¹¹ អើ​អ៝ស​នោ​តា​នាវ​ញឆីង​អី​គ៝ប់​រ៝ង់ ខាន់​អៃ​មៃ​អី​តឹម​ឞាន​មា​ឞូនុយ្ស​ផូង​ឞូ​នាច់​ឞ្រី​អេង​តា​នែស​នតូ​អ្យា អី​តឹម​ឞាន​មា​ឞូនុយ្ស​អី​គុ​ញជើស​តា​នែស​នតូ​អ្យា​ទូ​ប្ល៝ត់​ទើម គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​ទែរ​ហ៝ម់​ឞើស​នាវ​កើញ​អ្យើស យ៝រ​លាស​នាវ​កើញ​អី​នៃ​តឹម​ឞាន​មា​តឹម​រាទ៝ង់​ដាស​ខាន់​អៃ​មៃ អុច​ងកីង​ខាន់​អៃ​មៃ​មោ​អ៝ន់​អ្យាត់​នាវ​កោរាញ​ឞ្រាស​អុច។

I Pêtrôs 2:11 ပူးပေါင်းရင်းမြစ်များ

Nau Ntơm 21:34

Y-Abraham gŭ jŏ nar tâm n'gor phung Philistin.

Nau Ntơm 23:4

“Gâp knŏng jêng du huê bunuyh bu năch rêh ta nklang phung khân may; dăn khân may ăn ma gâp du ntŭk ƀư môch tâm n'gor bri khân may, gay ma gâp dơi tâp drô ur gâp.”

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

Nau Mprơ Ơm 119:19

Gâp jêng bu năch ta neh ntu; Lơi dĭng pôn ma gâp tâm lĕ nau vay May ntăm.

Nau Mprơ Ơm 119:54

Nau vay dăp bơh May jêng nau gâp mprơ, Tâm nau rêh gâp jêng bu năch.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Kan Lêvi 15:18

Tơlah du huê bu klâu bê̆ch ndrel ma du huê bu ur, lĕ bar hê khân păng mra ŭm tâm dak jêh ri jêng ƀơ̆ ƀơch tât kêng măng.

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 7:23

ƀiălah gâp gĭt tâm săk jăn gâp du nau vay êng tâm lơh đah nau vay tâm nau mĭn gâp, nchâp gâp ƀư dĭk ma nau vay nau tih, jêng nau vay gŭ tâm săk jăn gâp.

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

II Kôrintô 5:20

Pôri, hên jêng nơm mbơh ma Brah Krist, Brah Ndu dŏng hên gay ntĭm nti. Hên vơl dăn ma khân may tâm amoh Brah Krist, ăn tâm nsĭr hom khân may đah Brah Ndu.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Êphêsô 2:19

Pônây, khân may mâu hôm jêng phung bu năch ôh mâu lĕ jêng bunuyh gŭ njưh đŏng, ƀiălah jêng phung ƀon ndrel ma phung kloh ueh jêh ri jêng phung bunuyh tâm rnăk vâl Brah Ndu;

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

ហេឞ្រើ 11:13

Lĕ rngôch phung bunuyh nây khĭt da dê jêh tâm nau chroh, ê hŏ sŏk dơn ôh lĕ nau Brah Ndu ton ma khân păng; knŏng uănh saơ jêh ri mbah lĕ nau nây ntơm bơh ngai, kơp săk khân păng nơm jêng bunuyh bu năch jêh ri bunuyh gŭ jăng jai ta neh ntu.

ហេឞ្រើ 6:9

Ơ phung oh nâu hên rŏng ngăn ngên, nđâp tơlah hên ngơi pônây, ƀiălah hên gĭt nanê̆ ma lĕ nau kan ueh lơn bơh phung oh nâu, jêng lĕ ndơ ndrel ma nau tâm rklaih.

Yakơ 4:1

Mbah tă luh lĕ nau tâm lơh, nau tâm djrel tâm phung khân may? Mâu di hĕ păng luh tă bơh nau nglay săk ŭch dôl tâm lơh tâm kô̆ săk jăn khân may?

I Pêtrôs 1:1

Y-Pêtrôs, kôranh oh mon Brah Yêsu Krist, nchih njuăl ma phung bunuyh nchah rai du gŭ tâm n'gor Pôntus, Galati, Kapadôs, Asi jêh ri Bithini, jêng phung Brah Ndu săch jêh

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

I Pêtrôs 4:12

Hơi phung gâp rŏng, tơlah ŭnh nau rlong uănh tât gay rlong uănh khân may, lơi dĭng hih rhâl nâm bu khân may nơm mâp du ntil nau êng ang.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.

II Pêtrôs 3:1

Hơi phung gâp rŏng, aơ jêng samƀŭt rơh bar gâp nchih ma khân may. Tâm lĕ bar samƀŭt, gâp nkah gay ŭch rlay tâm khân may geh du nau mĭn sŏng,