Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Pêtrôs 2:1 - Nau Brah Ndu Ngơi 2023

1 Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

အခန်းကိုကြည့်ပါ။ ကော်ပီ

Bunong Bible Latin Script Cambodian dialect

1 Lah ndri ăn khân ay may mƀăr lơi hŏm dâng lĕ ndơ djơh, mƀăr lơi nau mƀrôh ndơm ăp ntil, nuih n'hâm ndŏp mpôn, nuih n'hâm mâu nach, ndrel ma mƀăr lơi nau ngơi kek bu ăp ntil!

အခန်းကိုကြည့်ပါ။ ကော်ပီ

Bunong

1 លាស​នទ្រី​អ៝ន់​ខាន់​អៃ​មៃ​មអារ់​លើយ​ហ៝ម់​ទឹង​លែៈ​នទើ​អ្យើស មអារ់​លើយ​នាវ​មរោស​នទើម​អាប់​នតីល នូយ្ស​នហ៝ម់​នទ៝ប់​មពោន នូយ្ស​នហ៝ម់​មោ​នាច នទ្រែល​មា​មអារ់​លើយ​នាវ​ងើយ​កែក​ឞូ​អាប់​នតីល!

အခန်းကိုကြည့်ပါ။ ကော်ပီ




I Pêtrôs 2:1
50 ပူးပေါင်းရင်းမြစ်များ  

Nuih n'hâm phung mâu chroh rŏng ma nau ji nuih; Lah geh Păng kât se rvăk mâu đŏng nter gay ăn bu kơl an.


Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!


Njrăng hom mpiăt may bơh nau mhĭk, Jêh ri trôm mbung may bơh ngơi nau ndơm.


Lơi ta rngot may nơm yor phung ƀai ôh, Mâu dơi keh nach lĕ phung ƀư nau mhĭk.


Yorlah gâp saơ nau ndrŏng phung mhĭk Pôri gâp ji nuih ma phung sưr.


Nuih n'hâm đăp rmên jêng nau rêh ma săk jăn, Bi nau rmot ƀư rai tâm nting.


Lơi keh nach ôh đah phung mhĭk, Mâu lĕ ŭch gŭ ndrel ma khân păng.


Lơi hao ji nuih ôh yor phung ƀư mhĭk, Lơi keh nach ma phung janh ƀai;


Lơi keh nach ôh đah nơm djơh janh, Mâu đŏng tĭng ndô̆ trong păng;


Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.


Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”


Hơi phung bunuyh nuih n'hâm nklă! Di ngăn nau Y-Êsai mbơh lor jêh ma khân may pô aơ:


Khân may tâm ban lĕ, padih ƀư sŏng srăng tanăp bunuyh, ƀiălah tâm trôm khân may bêng ma nau djơh mhĭk jêh ri nuih n'hâm nklă.


tâm rmal păng âk ngăn, jêh ri ăn ma păng dơn nsum mrô nal ndrel ma phung geh nuih n'hâm nklă gŭ ta ntŭk mra geh nau nhĭm nhhiăng jêh ri nau rket sêk.”


Hơi bunuyh nuih n'hâm nklă! Lor lơn sŏk hom mâng ntur tă bơh trôm măt may, jêh nây may saơ rah vah gay sŏk ndruyh bơh măt oh nâu.”


Gĭt jêh nuih n'hâm nklă khân păng, Păng lah: “Mâm ƀư khân may rlong uănh Gâp? Djôt leo hom ma Gâp uănh du rêl đơniê.”


Rêh ni yơh ma khân may! Yorlah khân may nâm bu môch rngol jêh ri bu hăn jot ta klơ môch ƀiălah mâu gĭt năl ôh!”


Dôl nây, phung ƀon lan rgum ndrel âk rbăn bunuyh, kŏ tât tâm jot ndrăng băl nơm. Lor lơn Brah Yêsu ntơm ngơi ma phung oh mon Păng pô aơ: “Uănh njrăng hom ma ndrui phung Pharisi, jêng nau vay nuih n'hâm nklă.


Mâm ƀư may lah ma oh nâu may pô aơ: ‘Hơi oh nâu, ăn gâp sŏk lơi ndruyh tâm trôm măt may,’ bi may, mâu dơi saơ mâng ntur tâm trôm măt may nơm? Hơi bunuyh nuih n'hâm nklă, lor lơn sŏk hom mâng ntur tă bơh tâm trôm măt may, jêh nây may saơ rah vah gay sŏk ndruyh tă bơh trôm măt oh nâu.


Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”


Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;


Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.


Pôri, ăn he kah gĭt ndray rƀŭn Nau Găn, lơi dŏng ndrui ơm ôh, jêng ndrui nau djơh mhĭk jêh ri ƀai, ƀiălah ma piăng let mâu geh ndrui nau răp jăp jêh ri nau ngăn.


Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.


Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.


Yorlah nau hên mbơh nkoch mâu geh ôh luh bơh nau vĭ, mâu đŏng geh nau mĭn djơh mhĭk gay ndơm mƀruh bu.


Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.


Bu ur ranh kơt nây đŏng, ăn gŭ ngao ma nau kloh ueh, mâu ngơi mhĭk, mâu vay nhêt ndrănh. Ăn khân păng gĭt ntĭm nti ntil nau ueh jêh ri nau di


Pôri, yorlah he geh âk phung mbơh gŭ jŭm nâm bu ndâr tŭk toyh ngăn, ăn he mƀăr lơi lĕ ndơ ƀư jâk jêh ri nau tih kât nơih pơih, ƀiălah srôih nchuăt tâm nau tâm rlong bu pơk jêh ma he.


Pôri, chalơi hom lĕ nau ƀơ̆ ƀơch jêh ri lĕ nau djơh mhĭk dôl geh lam ntŭk, ăn khân may geh nuih n'hâm rdơ̆ rbăn rom dơn nau ngơi tăm jêh tâm phung khân may, jêng nau ngơi dơi tâm rklaih huêng khân may.


Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.


Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.


Mâu lah khân may mĭn jêng dơm dam nôk Nau Brah Ndu Ngơi lah: “Brah Huêng Ueh jêng Nơm Brah Ndu ƀư ăn gŭ tâm nuih n'hâm he, rŏng ma he kŏ tât geh nau ntôn?”


Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.


Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.


“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”


Yorlah: “Mbu nơm ŭch rŏng ma nau rêh Jêh ri saơ lĕ nar ueh, Nkân hom mpiăt păng nơm bơh nau mhĭk, Jêh ri trôm mbung păng lơi ngơi nau ndơm;


gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.


Dôl saơ khân may mâu hôm râng lăp tâm nau blă blơ nây đŏng, ri mơ khân păng hih rhâl jêh ri ngơi mhĭk ma khân may.


Tâm trôm mbung khân păng mâu mâp geh nau mƀruh ôh; khân păng jêng phung bunuyh mâu geh têl khap.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ