I Pêtrôs 1:8 - Nau Brah Ndu Ngơi 2023

⁸ Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

Bunong Bible Latin Script Cambodian dialect

⁸ Khân ay may mâu ôh vay say Păng, yơn ma khân ay may hôm rŏng Păng. Bol lah aƀaơ dja khân ay may mâu ôh say Păng kađôi, khân ay may hôm e nsing ma Păng đŏng, jêh ri geh nau răm maak dŭt hô ngăn, mâu hôm ôh blao ntât,

Bunong

⁸ ខាន់​អៃ​មៃ​មោ​អោស​វៃ​ឆៃ​ពាង់ យើន​មា​ខាន់​អៃ​មៃ​ហោម​រ៝ង់​ពាង់។ ឞ៝ល​លាស​អាបៃ​អ្យា​ខាន់​អៃ​មៃ​មោ​អោស​ឆៃ​ពាង់​កាដោយ ខាន់​អៃ​មៃ​ហោម​អែ​ញឆីង​មា​ពាង់​ដ៝ង់ ជេសរី​គែស​នាវ​រាម់​មអាក​ទុត​ហោ​ងាន់ មោ​ហោម​អោស​ឞ្លាវ​នតឹត‌

I Pêtrôs 1:8 ပူးပေါင်းရင်းမြစ်များ

Nau Mprơ Ueh 1:7

Hơi nơm gâp rŏng ma nuih n'hâm gâp, Dăn ăn gâp gĭt ta ntŭk may chiăp biăp, Ta ntŭk may ăn khân păng rlu nar nklang bôk; Moh yor gâp jêng nâm bu du huê bu ur nkŭm măt Kêng phung biăp phung băl may?

Nau Mprơ Ueh 5:16

Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 5:9

Hơi bu ur ueh rlau lơn tâm lĕ phung bu ur, Nơm ay rŏng geh ndơ rlau nơm êng đŏng? Nơm ay rŏng geh ndơ rlau nơm êng Dĭng ay vơl dăn ma hên nâm bu pônây?

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Yôhan 14:21

Mbu nơm geh nau vay Gâp jêh ri djôt prăp, nơm nây yơh rŏng ma Gâp. Mbu nơm rŏng ma Gâp Mbơ̆ Gâp mra rŏng ma păng, Gâp mra rŏng ma păng lĕ, jêh ri tâm mpơl Gâp nơm ma păng.”

Yôhan 14:24

Mbu nơm mâu rŏng ma Gâp, mâu djôt prăp nau Gâp ngơi ôh. Lĕ nau khân may gŭ iăt aƀaơ aơ, mâu di nau Gâp nti ôh, ƀiălah jêng nau Mbơ̆ nti jêng Nơm hŏ njuăl Gâp văch.

Yôhan 16:22

Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may.

Yôhan 20:29

Brah Yêsu lah: “Di lĕ yorlah may saơ jêh Gâp, rĭ dĭng may chroh? Ueh maak ngăn ma phung bunuyh mâu mâp saơ, ƀiălah chroh jêh!”

Yôhan 8:42

Brah Yêsu lah ma khân păng: “Lah Brah Ndu jêng Mbơ̆ khân may, khân may rŏng lĕ ma Gâp; yorlah Gâp luh tă bơh Brah Ndu jêh ri văch tă bơh Păng, yor Gâp mâu văch êng Gâp nơm ôh, ƀiălah Brah Ndu yơh hŏ njuăl Gâp.

Kôranh Oh Mon 16:34

Kôranh ndrung jă bar hê khân păng lăp tâm ngih păng jêh ri nkra nau sông sa ma khân păng. Păng ndrel ma rnăk vâl răm maak ngăn, yorlah hŏ chroh jêh ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

II Kôrintô 1:22

Păng yơh tâp pŏng Păng ta klơ he, jêh ri ăn Brah Huêng Ueh Păng gŭ tâm nuih n'hâm he gay ƀư ndơ ma nau mbơh.

II Kôrintô 12:4

bu chông păng tât ta Parađi, ta nây păng tăng lĕ nau mâu dơi mbơh, jêh ri mâu đŏng geh nơm dơi ngơi.

II Kôrintô 4:18

yorlah hên mâu gơih mĭn ma lĕ nau dơi saơ, ƀiălah gơih mĭn ma lĕ nau mâu dơi saơ. Yorlah lĕ nau dơi saơ knŏng jêng ƀât lât, ƀiălah lĕ nau mâu dơi saơ ôh jêng n'ho ro.

II Kôrintô 5:7

yorlah he chuat hăn ma nau chroh, mâu di ma măt saơ ôh.

II Kôrintô 9:15

Lah ueh ma Brah Ndu, yor nau Păng ăn ma he mâu blau kơp!

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 3:19

jêh ri dơi gĭt năl nau rŏng Brah Krist, jêng nau rŏng rlau lơn ma lĕ rngôch nau gĭt rbăng, gay ma khân may bêng ler lĕ ntil ndơ âk rmeh bơh Brah Ndu.

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

Philip 1:25

Chroh n'hêl nanê̆ nau aơ, gâp gĭt ma gâp mra hôm gŭ rêh jêh ri hôm gŭ ndrel đah lĕ rngôch khân may gay kơl khân may hao toyh jêh ri răm maak tâm nau chroh.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

ហេឞ្រើ 11:1

Nau chroh jêng nau mbơh nkoch ma lĕ ndơ he dôl kâp gân, jêng nau mbơh ma lĕ nau he mâu blau saơ ôh.

ហេឞ្រើ 11:27

Yor ma nau chroh, păng du tă bơh n'gor Êjipt mâu klach ma nau hađăch ji nuih ôh; yorlah păng srôih nâm bu păng hŏ saơ jêh Nơm bu mâu blau saơ.

I Pêtrôs 1:6

Răm maak hom ma nau nây, nđâp tơlah aƀaơ aơ khân may hôm anh dơn nau rngot rvê tâm ƀât lât tâm âk ngăn nau rlong uănh;

I Pêtrôs 2:7

Pônây, ma khân may jêng phung chroh jêh, Păng jêng khlay; ƀiălah ma phung mâu chroh, pô ri: “Lŭ phung ƀư ngih mƀăr lơi jêh, Plơ̆ jêng lŭ njônh ngih,”

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.