I Pêtrôs 1:25 - Nau Brah Ndu Ngơi 2023

²⁵ Ƀiălah nau ngơi Kôranh Brah ăt hôm ƀaƀơ n'ho ro.” Nau ngơi nĕ jêng Nau Mhe Mhan Ueh mbơh jêh ma khân may.

Bunong Bible Latin Script Cambodian dialect

²⁵ Yơn ma nau ngơi Kôranh Brah hôm ƀaƀơ n'ho ro’. Nau ngơi Kôranh Brah i nây jêng nau mhe mhan ueh i lĕ bu mbơh nkoch ăn ma khân ay may nây nơh.

Bunong

²⁵ យើន​មា​នាវ​ងើយ​កោរាញ​ឞ្រាស​ហោម​បាបើ​នហ៝​រ៝»។ នាវ​ងើយ​កោរាញ​ឞ្រាស​អី​នៃ​ជេង​នាវ​មហែ​មហាន​អ្វែស​អី​លែៈ​ឞូ​មឞើស​ងក៝ច​អ៝ន់​មា​ខាន់​អៃ​មៃ​នៃ​នើស។

I Pêtrôs 1:25 ပူးပေါင်းရင်းမြစ်များ

Nau Mprơ Ơm 102:12

Ƀiălah Brah Yêhôva ơi, May gŭ ta sưng hađăch n'ho ro, Nau kah gĭt ndray May hôm mro mrăng bơh rnôk aơ tât rnôk ri.

Nau Mprơ Ơm 102:26

Trôk neh mra rai lôch, ƀiălah Kôranh Brah ăt hôm n'ho ro; Khân păng mra mŭnh sat nâm bu kho ao. May mra tâm rgâl khân păng nâm bu du blah ao jêh ri bu mra tâm rgâl.

Nau Mprơ Ơm 119:89

Ơ Brah Yêhôva, nau may ngơi gŭ nâp Ƀaƀơ klơ trôk.

Êsai 40:6

Geh bâr lah: “Nter hom!” Jêh ri geh nter plơ̆ lah: “Moh nau gâp mra nter?” “Lĕ rngôch bunuyh jêng tâm ban ma gơ̆, Lĕ rngôch nau ueh păng jêng tâm ban ma kao gơ̆ tâm mir.

Êsai 40:8

Gơ̆ kro, kao rŭng, Ƀiălah nau Kôranh Brah he gŭ nâp n'ho ro!”

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Luka 16:17

Trôk neh rlau lôch dơh lơn ma nau jut lơi du rplay samƀŭt dŭt jê̆ tâm nau vay.

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

I Kôrintô 2:2

Yorlah ta nklang khân may, gâp hŏ tâm nal mâu ŭch gĭt moh nau êng ôh knŏng Yêsu Krist, jêh ri Brah Yêsu Krist bu pâng ta si tâm rkăng.

Êphêsô 2:17

Lah ndrĭ, Păng văch jêh mbơh nkoch nau đăp mpăn ma khân may jêng phung gŭ ngai, jêh ri nau đăp mpăn ma phung gŭ dăch.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Titus 1:3

jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

ហេឞ្រើ 6:5

mâp chiăm jêh nau ueh tâm nau ngơi Brah Ndu, jêh ri nau brah ma rnôk rô̆ mra tât;

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

II Pêtrôs 1:19

Yor ma nau nây, nau mbơh lor hên geh lơ hô ngơi rah vah lơn. Ăn khân may rkêng tôr iăt ma nau aơ nâm bu ŭnh kađen sol ang tâm ntŭk ngo, kŏ tât mpơl nôk nar jêh ri mănh mbing ôi luh tâm nuih n'hâm khân may.

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.