I Pêtrôs 1:12 - Nau Brah Ndu Ngơi 2023

¹² Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

Bunong Bible Latin Script Cambodian dialect

¹² Yơn ma Kôranh Brah lĕ mbơh ma khân păng, nau i khân păng mbơh nkoch nây nơh, mâu ôh geh nau khlay ăn ma khân păng nơm, jêng geh nau khlay ăn ma bân. Aƀaơ dja mpôl i mbơh nkoch nau mhe mhan ueh, lĕ mbơh nkoch jêh dâng lĕ nau i nây ăn ma khân ay may ta nau dơi Brah Huêng Ueh i kloh ueh i Kôranh Brah nơm đă hăn tă bơh kalơ trôk. Bol lah phung tông păr kŏ ŭch gĭt vât nau i nây hô ngăn đŏng.

Bunong

¹² យើន​មា​កោរាញ​ឞ្រាស​លែៈ​មឞើស​មា​ខាន់​ពាង់ នាវ​អី​ខាន់​ពាង់​មឞើស​ងក៝ច​នៃ​នើស មោ​អោស​គែស​នាវ​ខ្លៃ​អ៝ន់​មា​ខាន់​ពាង់​នើម ជេង​គែស​នាវ​ខ្លៃ​អ៝ន់​មា​ឞ៝ន់។ អាបៃ​អ្យា​មពោល​អី​មឞើស​ងក៝ច​នាវ​មហែ​មហាន​អ្វែស លែៈ​មឞើស​ងក៝ច​ជេស​ទឹង​លែៈ​នាវ​អី​នៃ​អ៝ន់​មា​ខាន់​អៃ​មៃ​តា​នាវ​ទើយ​ឞ្រាស​ហ្វេង​អ្វែស​អី​ក្ល៝ស​អ្វែស​អី​កោរាញ​ឞ្រាស​នើម​ដាៈ​ហាន់​តាៈ​ឞើស​កាលើ​ត្រោក។ ឞ៝ល​លាស​ផូង​តោង​ពារ់​ក៝ៈ​អុច​គឹត​វ៝ត់​នាវ​អី​នៃ​ហោ​ងាន់​ដ៝ង់។

I Pêtrôs 1:12 ပူးပေါင်းရင်းမြစ်များ

Nau Ngluh Êjipt 25:20

Bar chêrubim mra lĭ bar đah nting năr nkŭm ndrŭp nau yô̆. Phung chêrubim tâm thâng muh măt, uănh ndrel mpeh ta ndrŭp nau yô̆ an.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Êsai 32:15

Kŏ tât Brah tă bơh klơ nkhŭt ăn ma he, Bri rdah plăch jêng đang tơm sa play, Bu uănh ta đang tơm sa play tâm ban ma bri krŏng.

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Daniel 10:1

Năm rơh pe rnôk rô̆ hađăch Sirus chiă uănh, bri dak Persi, geh du nau tâm mpơl ma Y-Daniel, ntơ amoh Y-Beltisasar. Nau nây nanê̆ ngăn, mbơh ma nau tâm lơh toyh. Y-Daniel gĭt rbăng nau nây jêh ri gĭt năl nau khlay ma nau tâm saơ nây.

Daniel 12:13

Bi may, ăn mât răp jăp kŏ tât rnôk nglĕ dŭt. May mra dơi rlu jêh ri tât lĕ nar nglĕ dŭt, may mra dâk tâm drăp ndơn ma may.”

Daniel 12:9

Bunuyh nây plơ̆ lah: “Ơ Y-Daniel, lơi mĭn rvê êng, yorlah lĕ nau ngơi aơ nchăng jêh, jêh ri tâp pŏng jêh kŏ tât rnôk nglĕ dŭt.

Daniel 2:19

Măng nây, nau ndâp dơi mpơl ăn ma Y-Daniel tâm du nau tâm saơ. Y-Daniel tâm rnê ma Brah Ndu klơ trôk.

Daniel 2:22

Păng nơm yơh tâm mpơl lĕ nau jru ndâp ngăn; Păng gĭt lĕ nau tât geh tâm nau ngo Jêh ri nau ang gŭ ndrel ma păng.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Luka 15:10

Kơt nây đŏng, Gâp lah ma khân may, phung tông mpăr Brah Ndu mra răm maak ma du huê bunuyh tih rmal nau tih.”

Luka 2:26

Brah Huêng Ueh mbơh jêh ma păng gĭt lor pô aơ păng mâu mra khĭt ôh êlor saơ Brah Krist Kôranh Brah.

Luka 9:6

Pôri, phung kôranh oh mon luh hăn, rgăn âk ƀon jê̆, mbơh nkoch Nau Mhe Mhan Ueh lam ntŭk jêh ri ƀư bah bunuyh ji.

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Kôranh Oh Mon 10:44

Dôl Y-Pêtrôs ngơi, Brah Huêng Ueh jŭr ta lĕ rngôch phung gŭ iăt nau nti nây.

Kôranh Oh Mon 16:10

Nôk Y-Pôl saơ nau tâm saơ nây, ƀât lât hên joi nau rgăn ta n'gor Masêđôn, yorlah hên gĭt Kôranh Brah kuăl jêh hên mbơh nkoch Nau Mhe Mhan Ueh ta nây.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Kôranh Oh Mon 4:8

Nôk nây Y-Pêtrôs, bêng ma Brah Huêng Ueh, lah pô aơ: “Hơi phung kôranh chiă uănh jêh ri phung kôranh bu ranh!

Kôranh Oh Mon 8:25

Jêh nau hŏ mbơh nkoch jêh ri nti lah nau Kôranh Brah ngơi, Y-Pêtrôs ndrel ma Y-Yôhan plơ̆ sĭt ta ƀon Yêrusalem, ƀă hăn ƀă nti lah Nau Mhe Mhan Ueh tâm âk ƀon jê̆ jê̆ phung Samari.

Samƀŭt Pôl Njuăl Ăn Ma Phung Nsing Ta Ƀon Rôm 1:15

Yor ri, ma lĕ nuih n'hâm gâp ŭch mbơh nkoch Nau Mhe Mhan Ueh ma khân may, phung gŭ ta ƀon Rôm đŏng.

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

I Kôrintô 2:10

Ƀiălah Brah Ndu tâm mpơl jêh lĕ nau nây ma he bơh Brah Huêng Ueh. Yorlah Brah Huêng Ueh gĭt rah vah lĕ ntil ndơ, nđâp ma lĕ nau khlay ndâp Brah Ndu.

II Kôrintô 1:22

Păng yơh tâp pŏng Păng ta klơ he, jêh ri ăn Brah Huêng Ueh Păng gŭ tâm nuih n'hâm he gay ƀư ndơ ma nau mbơh.

II Kôrintô 6:6

tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

Galati 1:12

yorlah gâp mâu mâp dơn jêh ri mâu lĕ mâp nti Nau Mhe Mhan Ueh nây tă bơh du huê bunuyh, ƀiălah tă bơh nau Yêsu Krist tâm mpơl.

Galati 1:16

maak nuih n'hâm mpơl Kon Păng ma gâp, gay gâp nkoch mbơh Nau Mhe Mhan Ueh ma Kon Păng ta nklang phung bu năch, pôri ƀât lât gâp mâu hôm tâm nchră đah kon bunuyh ôh.

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

I Têsalônik 2:9

Hơi phung oh nâu, nanê̆ khân may hôm kah gĭt ma nau jâk jêr jêh ri nau dŭt hŏt hên; tâm dôl mbơh nkoch Nau Mhe Mhan Ueh Brah Ndu ma khân may, hên pah kan măng nâm nar gay mâu ăn jêng nau jâk ôh ma du huê tâm phung khân may.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

ហេឞ្រើ 11:13

Lĕ rngôch phung bunuyh nây khĭt da dê jêh tâm nau chroh, ê hŏ sŏk dơn ôh lĕ nau Brah Ndu ton ma khân păng; knŏng uănh saơ jêh ri mbah lĕ nau nây ntơm bơh ngai, kơp săk khân păng nơm jêng bunuyh bu năch jêh ri bunuyh gŭ jăng jai ta neh ntu.

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.

ហេឞ្រើ 4:2

Yorlah Nau Mhe Mhan Ueh mbơh nkoch ma he jêh, tâm ban ma khân păng lĕ; ƀiălah nau ngơi khân păng tăng jêh mâu geh nau khlay ma khân păng ôh, yorlah tâm nôk gŭ iăt nau nây, khân păng mâu dơn nau nây nđâp ma nau chroh.

I Pêtrôs 1:25

Ƀiălah nau ngơi Kôranh Brah ăt hôm ƀaƀơ n'ho ro.” Nau ngơi nĕ jêng Nau Mhe Mhan Ueh mbơh jêh ma khân may.

I Pêtrôs 4:6

Yor nau nây, Nau Mhe Mhan Ueh bu mbơh nkoch jêh ma phung khĭt, gay ma jêh phat dôih tĭng kon bunuyh tâm nglay săk, khân păng gŭ rêh tâm huêng tĭng nâm Brah Ndu.

Nau Tâm Mpơl 5:11

Gâp uănh, jêh ri tăng bâr âk phung tông mpăr jŭm sưng hađăch, phung mpa rêh jêh ri phung kôranh bu ranh. Geh âk rbăn, rmưn rsen tông mpăr