I Nau Rêh Jêng 9:17 - Nau Brah Ndu Ngơi 2023

¹⁷ Phung gak mpông pêr geh: Y-Salum, Y-Akup, Y-Talmôn, Y-Ahiman, jêh ri oh nâu khân păng; Y-Salum jêng kôranh.

I Nau Rêh Jêng 9:17 ပူးပေါင်းရင်းမြစ်များ

II Phung Hađăch 7:10

Khân păng hăn ro, kuăl phung tahan gak mpông ƀon, jêh ri mbơh nau nây: “Hên geh hăn tât ta pôih tahan phung Aram, mâu saơ du huê gŭ ta nây jêh ri ăt mâu tăng nteh n'găr lĕ. Hên knŏng saơ phung seh jêh ri seh bri hôm kât ta n'gâng, bi lĕ ngih bok chalơi ăt hôm nâm bu saơm.”

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

I Nau Rêh Jêng 9:16

Y-Ôbadia, kon Y-Sêmaya, sau Y-Galal, se Y-Jêduthun; Y-Bêrêkia, kon Y-Asa, sau Y-Êlkana, jêng nơm gŭ tâm lĕ ƀon jê̆ jê̆ phung Nêtôphat.

I Nau Rêh Jêng 9:18

N'ho tât ma aƀaơ khân păng gŭ gak tâm mpông pêr hađăch ta mpeh luh nar; bi kăl e, chô yau khân păng jêng phung mât mray mpông ngih bok phung Lêvi.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Êsra 2:42

Phung kon sau phung mât njrăng mpông pêr geh: phung kon sau Y-Salum, phung kon sau Y-Ater, phung kon sau Y-Talmôn, phung kon sau Y-Akup, phung kon sau Y-Hatita, jêh ri phung kon sau Y-Sôbai, lĕ rngôch jêng du rhiăng pe jât ma sĭn nuyh.

Nêhêmi 11:19

Phung gak mpông pêr jêng Y-Akup, Y-Talmôn jêh ri phung oh nâu khân păng, dơi geh du rhiăng pơh jât ma bar nuyh.