I Nau Rêh Jêng 9:1 - Nau Brah Ndu Ngơi 2023

¹ Pôri bu nchih amoh tâm ndrom samƀŭt lĕ rngôch phung Israel tĭng nâm ndŭl mpôl khân păng; jêh ri nau nây bu hŏ nchih jêh tâm ndrom samƀŭt phung hađăch Israel. Bu njŭn leo phung Yuđa jêng bu nă tâm n'gor bri Babilôn yor nau khân păng mâu geh gŭ răp jăp ôh.

I Nau Rêh Jêng 9:1 ပူးပေါင်းရင်းမြစ်များ

I Phung Hađăch 14:19

Lĕ rngôch nau kan êng Y-Jêrôbôam ƀư, jêng nau tâm lơh jêh ri kan păng chiă uănh, bu hŏ nchih da dê tâm ndrom samƀŭt nau rêh jêng ma phung hađăch Israel.

II Phung Hađăch 24:14

Hađăch nhŭp lĕ rngôch bunuyh ƀon lan Yêrusalem hăn jêng bu nă, nđâp lĕ rngôch phung kôranh tahan jêh ri lĕ tahan janh ktang, lĕ rngôch jêng du rmưn bunuyh. Hađăch nhŭp đŏng lĕ rngôch phung trah meh jêh ri phung kan chiăr, mâu geh du huê hôm klen ôh, knŏng phung ƀon lan o ach lơn tâm n'gor bri.

II Phung Hađăch 24:15

Păng njŭn leo Y-Jêhôjakin ma ƀon Babilôn ndrel ma mê̆ hađăch, phung ur hađăch, phung kôranh bu char, phung geh nau ktang lơn tâm n'gor bri,

II Phung Hađăch 24:16

nđâp ma pơh rbăn bunuyh tahan, lĕ rngôch jêng phung dăng janh jêh ri geh nau dơi hăn tâm lơh, jêh ri du rbăn phung trah meh, phung kan chiăr. Nây jêng phung hađăch Babilôn nhŭp jêh ri veng tât ta Babilôn.

I Nau Rêh Jêng 8:40

Phung kon bu klâu Y-Ulam jêng phung tahan janh ktang, geh blau pănh na. Khân păng geh âk kon sau jêh ri âk bunuyh, rnoh kơp jêng du rhiăng prăm jât nuyh. Lĕ rngôch phung nây jêng phung kon sau Benjamin.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Êsra 2:1

Aơ jêng phung gŭ tâm n'gor Yuđa, jêng phung Y-Nêbukatnetsar, hađăch Babilôn, hŏ veng leo jêng bu nă ta Babilôn. Khân păng plơ̆ sĭt ma Yêrusalem jêh ri n'gor Yuđa, ăp nơm sĭt ta ƀon khân păng nơm.

Êsra 2:59

Aơ jêng phung plơ̆ sĭt tă bơh Têl-Mêla, Têl-Harsa, Kêrup, Adan, jêh ri Imer, ƀiălah khân păng mâu gĭt rah vah ôh noi deh jêh ri ntil mpôl khân păng jêng phung Israel mâu lah mâu:

Nêhêmi 11:1

Phung kôranh chiă uănh tâm phung ƀon lan gŭ ta ƀon Yêrusalem jêh ri phung ƀon lan hôm e tâm nchroh gay tâm phung jât nuyh geh du huê nuyh gŭ ta ƀon Yêrusalem jêng ƀon kloh ueh, bi sĭn nuyh ri gŭ tâm lĕ ƀon êng êng.

Nêhêmi 7:5

Brah Ndu gâp nsŭk nsôr nuih n'hâm gâp kuăl rgum phung ndrŏng, phung kôranh chiă uănh jêh ri phung ƀon lan, ăn nchih amoh tĭng nâm noi deh khân păng. Gâp dơi joi du ndrom samƀŭt noi deh phung hŏ plơ̆ sĭt tâm n'gor tal lor jêh ri tâm nây gâp saơ bu nchih pô aơ:

Nêhêmi 7:64

Phung nây joi amoh khân păng tâm ndrom samƀŭt noi deh ƀiălah mâu saơ ôh, yor nây bu ngluh lơi tă bơh nau kan kôranh ƀư brah yorlah kơp khân păng jêng ƀơ̆ ƀơch.

Êsai 3:2

Păng mra sŏk lơi phung janh ktang jêh ri tahan, Kôranh phat dôih jêh ri nơm mbơh lor, Nơm rƀên jêh ri kôranh bu ranh,

Yêrêmi 13:19

Lĕ ƀon Nêgep bu nchueng jŭm da dê jêh Mâu geh bunuyh rklaih ăn khân păng. Lĕ rngôch phung Yuđa bu ƀư jêng bu nă, Lĕ rngôch bu nhŭp rdu.

Yêrêmi 39:9

Kôranh phung tahan gak jêng Y-Nêbusaradan nhŭp lĕ rngôch phung ƀon lan hôm klen tâm ƀon, phung hŏ lăp, jêh ri phung ƀon lan hôm klen tâm ƀon nây, djôt leo njêng bu nă tâm bri Babilôn.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.