I Nau Rêh Jêng 6:8 - Nau Brah Ndu Ngơi 2023

⁸ Y-Ahitup jêng mbơ̆ Y-Sadôk; Y-Sadôk jêng mbơ̆ Y-Ahimas;

I Nau Rêh Jêng 6:8 ပူးပေါင်းရင်းမြစ်များ

II Samuel 15:27

Hađăch lah tâm ban lĕ lah ma kôranh ƀư brah Y-Sadôk: “Pônây, plơ̆ sĭt hom ma ƀon ma nau đăp mpăn, ndrel ma bar hê kon bu klâu khân may: Y-Ahimas, kon may, jêh ri Y-Jônathan, kon Y-Abiathar.

II Samuel 17:15

Rnôk nây, Y-Husai lah ma bar hê kôranh ƀư brah Y-Sadôk jêh ri Y-Abiathar: “Y-Ahitôpel geh nchră kơt aơ kơt aơ ma Y-Apsalôm jêh ri ma phung bu ranh Israel, ƀiălah gâp lĕ nchră đŏng kơt ri kơt ri.

II Samuel 17:17

Y-Jônathan jêh ri Y-Ahimas gŭ kâp ma nau mhe ta Ên-Rôgel, khân păng mâu hăn lăp tâm ƀon yorlah klach bu saơ. Du huê oh mon bu ur hăn văch mbơh ma bar hê ăn khân păng gay khân păng mbơh tay ma hađăch Đavit.

II Samuel 17:20

Phung oh mon Y-Apsalôm tât ta ngih bu ur nây jêh ri ôp: “Ta ntŭk Y-Ahimas jêh ri Y-Jônathan?” Bu ur nây plơ̆ lah: “Khân păng lĕ rgăn dak n'hor jêh.” Khân păng joi ƀiălah mâu dơi saơ, pôri khân păng plơ̆ sĭt ma ƀon Yêrusalem.

II Samuel 18:19

Y-Ahimas, kon bu klâu Y-Sadôk, lah: “Ăn gâp nchuăt mbơh nau maak ma hađăch pô aơ Brah Yêhôva tâm rklaih jêh hađăch tă bơh ti phung rlăng păng.”

II Samuel 18:22

Y-Ahimas, kon bu klâu Y-Sadôk, lah tay ma Y-Jôap: “Kđôi moh nau tât, ăn gâp nchuăt tĭng pakơi Y-Kus.” Y-Jôap ôp: “Hơi kon, mâm ƀư may ŭch nchuăt hăn? May mâu mra geh nau nkhôm ôh yor nau mbơh nây.”

II Samuel 20:25

Y-Sêva jêng kôranh nchih samƀŭt; Y-Sadôk jêh ri Y-Abiathar jêng phung kôranh ƀư brah.

II Samuel 8:17

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; jêh ri Y-Sêraya jêng kôranh nchih samƀŭt;

I Phung Hađăch 1:34

Ta nây, kôranh ƀư brah Y-Sadôk jêh ri nơm mbơh lor Y-Nathan, tŏ dak ƀâu kah ma păng ƀư hađăch phung Israel. Khân may uh nŭng hom, jêh nây nter lah pô aơ:

I Phung Hađăch 1:44

Hađăch đă kôranh ƀư brah Y-Sadôk, nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit hăn tĭng Y-Salômôn; khân păng chông păng hao ncho seh bri hađăch.

I Phung Hađăch 1:8

Ƀiălah kôranh ƀư brah Y-Sadôk, Y-Bênaya kon Y-Jêhôida, nơm mbơh lor Y-Nathan, Y-Simei, Y-Rei, jêh ri phung tahan janh ktang Y-Đavit mâu ŭch tĭng mpeh Y-Adônija.

I Phung Hađăch 2:35

Hađăch njêng Y-Bênaya, kon bu klâu Y-Jêhôida, jêng kôranh chiă uănh tahan ntrok ma Y-Jôap, jêh ri hađăch njêng Y-Sadôk jêng kôranh ƀư brah ntrok ma Y-Abiathar.

I Nau Rêh Jêng 12:28

Y-Sadôk, jêng du tahan ndăm janh ktang, jêh ri bar jât ma bar nuyh êng tâm noi deh păng jêng kôranh chiă uănh.

I Nau Rêh Jêng 24:3

Y-Đavit ndrel ma Y-Sadôk, jêng noi deh Y-Êlêasar, jêh ri Y-Ahimêlek, jêng noi deh Y-Ithamar, tâm pă phung kon sau Y-Arôn jêng âk mbŭch tĭng nâm kan khân păng pah.

I Nau Rêh Jêng 6:7

Y-Mêraiôt jêng mbơ̆ Y-Amaria; Y-Amaria jêng mbơ̆ Y-Ahitup;

I Nau Rêh Jêng 6:9

Y-Ahimas jêng mbơ̆ Y-Asaria; Y-Asaria jêng mbơ̆ Y-Jôhanan;

II Nau Rêh Jêng 31:10

Y-Asaria, kôranh ƀư brah toyh jêng noi deh Y-Sadôk, plơ̆ lah ma hađăch pô aơ: “Ntơm bơh nar phung ƀon lan djôt ndơ nhhơr tâm ngih Brah Yêhôva, mâu knŏng hên tŏng sông sa ƀiălah geh âk ndơ rmeh, yorlah Brah Yêhôva hŏ ăn jêh nau ueh uĭn ma ƀon lan Păng. Aơ jêng mbŭch hôm e rmeh.”