I Nau Rêh Jêng 6:34 - Nau Brah Ndu Ngơi 2023

³⁴ Y-Samuel kon Y-Êlkana, Y-Êlkana kon Y-Jêrôham, Y-Jêrôham kon Y-Êliêl, Y-Êliêl kon Y-Tôa,

I Nau Rêh Jêng 6:34 ပူးပေါင်းရင်းမြစ်များ

I Nau Rêh Jêng 23:13

Phung kon Y-Amram jêng Y-Arôn jêh ri Y-Môis; Y-Arôn jêh ri noi deh păng bu rnglah êng gay prăp ma kan nhhơr lĕ ndơ dŭt kloh ueh, jêh ri n'ho ro gŭch ndơ ƀâu kah, pah kan tanăp măt Brah Yêhôva, jêh ri sŏk amoh Păng gay ăn nau ueh uĭn ma phung ƀon lan kŏ tât ƀaƀơ n'ho ro.

I Nau Rêh Jêng 24:1

Tâm phung kon sau Y-Arôn bu pă jêng âk mbŭch. Phung kon bu klâu Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

I Nau Rêh Jêng 24:19

Aơ jêng lĕ mbŭch khân păng gay lăp pah kan tâm ngih Brah Yêhôva tĭng nâm nau vay nal Y-Arôn, chô yau khân păng, ntĭnh jêh ma khân păng, di tĭng nâm Yêhôva Brah Ndu Israel ntĭnh jêh ma păng.

I Nau Rêh Jêng 6:33

Nây jêng phung pah kan nđâp ma phung kon sau khân păng: Tâm phung kon sau Y-Kôhat geh Y-Hêman jêng nơm mprơ, kon Y-Yôel, Y-Yôel kon Y-Samuel,

I Nau Rêh Jêng 6:35

Y-Tôa kon Y-Sup, Y-Sup kon Y-Êlkana, Y-Êlkana kon Y-Mahat, Y-Mahat kon Y-Amasai,

II Nau Rêh Jêng 29:11

Ơ phung kon bu klâu gâp ơi, lơi ta brơl rlach ôh! Yorlah Brah Yêhôva hŏ săch jêh khân may jêng oh mon Păng gay gŭ dâk panăp Păng, pah kan jêh ri su ndơ ƀâu kah ma Păng.”

Nau Ngluh Êjipt 28:1

“Tă bơh tâm phung ƀon lan Israel, ăn may săch Y-Arôn, nâu may, jêh ri phung kon bu klâu păng jêng Y-Nadap, Y-Abihu, Y-Êlêasar, jêh ri Y-Ithamar, ăn pah kan ndơ ƀư brah ma Gâp.

Nau Ngluh Êjipt 30:7

Ăp ôi, lah Y-Arôn nkra ŭnh kađen, păng mra su ndơ ƀâu kah ta klơ nơng ƀư brah.

Kan Lêvi 1:7

Phung kôranh ƀư brah jêng phung kon sau Y-Arôn mra dơm ŭnh ta klơ nơng ƀư brah jêh ri bun long ta klơ ŭnh.

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 16:17

Tâm nôk kôranh ƀư brah lăp tâm Ntŭk Dŭt Kloh Ueh gay ƀư nau rƀŭn chuai nau tih, lơi ăn geh du huê ôh gŭ tâm trôm Ngih Bok Nau Tâm Rƀŭn kŏ tât păng luh du. Tâm ban pônây, păng ƀư nau rƀŭn chuai nau tih ma păng nơm, ma ngih păng jêh ri ma lĕ rngôch phung Israel tâm rƀŭn.

Kan Lêvi 16:19

jêh ri sŏk nglau ti nsrih mham pơh tơ̆ ta klơ nơng ƀư brah gay ƀư kloh jêh ri ƀư kloh ueh nơng ƀư brah tă bơh lĕ nau mâu kloh phung ƀon lan Israel.”

I Samuel 1:1

Geh du huê bunuyh ƀon tơm ta Ramathaim Sôphim, tâm bri klơ dor Êphraim, amoh Y-Êlkana, kon bu klâu Y-Jêrôham, sau Y-Êlihu, se Y-Tôhu, săn Y-Sup, mpôl Êphraim.