I Nau Rêh Jêng 6:32 - Nau Brah Ndu Ngơi 2023

³² Khân păng pah kan ma nau mprơ tanăp Ngih Bok tâm rƀŭn, kŏ tât tơlah hađăch Salômôn ndâk lôch jêh ngih Brah Yêhôva tâm ƀon Yêrusalem; khân păng pah kan tĭng nâm di tâm ndăch.

I Nau Rêh Jêng 6:32 ပူးပေါင်းရင်းမြစ်များ

I Nau Rêh Jêng 6:10

Y-Jôhanan jêng mbơ̆ Y-Asaria, jêng bunuyh pah kan kôranh ƀư brah tâm ngih brah Y-Salômôn hŏ ndâk tâm ƀon Yêrusalem.

I Nau Rêh Jêng 6:31

Aơ jêng phung bunuyh Y-Đavit dơm kan mprơ tâm ngih Brah Yêhôva, jêh bu tung Hip Nau Tâm Rnglăp gŭ ta nây.

I Nau Rêh Jêng 6:33

Nây jêng phung pah kan nđâp ma phung kon sau khân păng: Tâm phung kon sau Y-Kôhat geh Y-Hêman jêng nơm mprơ, kon Y-Yôel, Y-Yôel kon Y-Samuel,

I Nau Rêh Jêng 9:33

Aơ jêng phung geh nau kan mprơ; phung jêng kôranh tâm noi deh tâm phung Lêvi, gŭ tâm jrô ngih brah, jêh ri mâu hôm ƀư lĕ nau kan êng yorlah khân păng pah kan nar nđâp măng.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

II Nau Rêh Jêng 35:15

Phung mprơ jêng kon sau Y-Asap, gŭ ta ntŭk khân păng nơm da dê, tĭng nâm nau vay Y-Đavit, Y-Asap, Y-Hêman, jêh ri Y-Jêduthun nơm tâm saơ ma hađăch, hŏ ntăm. Phung chiă mpông pêr gŭ ta ăp mpông, mâu ŭch trơn ôh bơh kan khân păng, yorlah oh nâu khân păng jêng phung Lêvi, ndrăp nkra ndơ dŏng ăn khân păng.

Êsra 6:18

Khân păng njêng phung kôranh ƀư brah jêh ri phung Lêvi tĭng nâm mpôl khân păng, gay pah kan ma Brah Ndu ta Yêrusalem, di nâm bu hŏ nchih tâm ndrom samƀŭt Y-Môis.

Êsêkiêl 40:44

Mpeh padih mpông pêr tâm trôm, geh jrô gay ăn phung mprơ ntŭk nkual meng mpeh mpông pêr pa lơ, rlet mpeh pa dâng. Ăt geh du mlâm jrô đŏng mpeh luh nar, rlet mpeh pa lơ.