I Nau Rêh Jêng 6:31 - Nau Brah Ndu Ngơi 2023

³¹ Aơ jêng phung bunuyh Y-Đavit dơm kan mprơ tâm ngih Brah Yêhôva, jêh bu tung Hip Nau Tâm Rnglăp gŭ ta nây.

I Nau Rêh Jêng 6:31 ပူးပေါင်းရင်းမြစ်များ

II Samuel 6:17

Pônây, khân păng djôt leo Hip Nau Tâm Rnglăp Brah Yêhôva lăp dơm ta nklang ngih bok Y-Đavit hŏ ndâk jêh; jêh nây Y-Đavit nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

I Phung Hađăch 8:4

jêh ri khân păng djôt leo Hip Nau Tâm Rnglăp Brah Yêhôva hăn, ndrel ma Ngih Bok Nau Tâm Rƀŭn, jêh ri lĕ rngôch lĕ ndơ dŏng kloh ueh gŭ tâm Ngih Bok. Lĕ kôranh ƀư brah jêh ri phung Lêvi tung lĕ ndơ nây.

I Nau Rêh Jêng 15:1

Y-Đavit ndâk ngih ma păng nơm tâm ƀon Đavit lôch jêh, păng ndrăp nkra du ntŭk jêh ri ndâk du mlâm ngih bok ma Hip Nau Tâm Rnglăp Brah Ndu.

I Nau Rêh Jêng 15:25

Pôri, Y-Đavit jêh ri phung bu ranh Israel jêh ri phung kôranh ma du rbăn nuyh tahan hăn hao ngih Y-Ôbet-Êđôm, hăn vơt Hip Nau Tâm Rnglăp Brah Yêhôva plơ̆ sĭt tâm nau răm maak.

I Nau Rêh Jêng 15:27

Y-Đavit jêh ri lĕ rngôch phung Lêvi tung Hip Nau Tâm Rnglăp, phung mprơ jêh ri kôranh ma phung mprơ jêng Y-Kênania nsoh da dê ao jâr bok mhay rhên. Y-Đavit nsoh tay êphôt ƀư ma bok mhay.

I Nau Rêh Jêng 6:30

kon Y-Usa jêng Y-Simêa; kon Y-Simêa jêng Y-Hagia; kon Y-Hagia jêng Y-Asaya.

I Nau Rêh Jêng 6:32

Khân păng pah kan ma nau mprơ tanăp Ngih Bok tâm rƀŭn, kŏ tât tơlah hađăch Salômôn ndâk lôch jêh ngih Brah Yêhôva tâm ƀon Yêrusalem; khân păng pah kan tĭng nâm di tâm ndăch.

I Nau Rêh Jêng 9:33

Aơ jêng phung geh nau kan mprơ; phung jêng kôranh tâm noi deh tâm phung Lêvi, gŭ tâm jrô ngih brah, jêh ri mâu hôm ƀư lĕ nau kan êng yorlah khân păng pah kan nar nđâp măng.

Êsra 3:10

Tơlah phung ƀư mon mbon ngih Brah Yêhôva, phung kôranh ƀư brah nsoh ao khân păng jêh ri djôt nŭng, bi ma phung Lêvi, kon sau Y-Asap djôt ching ndrup tâm nchâm dâk ta nây gay tâm rnê ma Brah Yêhôva tĭng nâm bu nau Y-Đavit, hađăch phung Israel, hŏ ntăm jêh.

Nau Mprơ Ơm 132:14

Păng lah: “Aơ jêng ntŭk Gâp gŭ rlu ƀaƀơ n'ho ro; Gâp mra gŭ ta nây yorlah Gâp ŭch jêh kơt nĕ.

Nau Mprơ Ơm 132:8

Ơ Brah Yêhôva, gơnh lăp ta ntŭk May rlu Ndrel Hip Nau Tâm Rnglăp bêng nau brah May!

Êsêkiêl 40:44

Mpeh padih mpông pêr tâm trôm, geh jrô gay ăn phung mprơ ntŭk nkual meng mpeh mpông pêr pa lơ, rlet mpeh pa dâng. Ăt geh du mlâm jrô đŏng mpeh luh nar, rlet mpeh pa lơ.