I Nau Rêh Jêng 6:3 - Nau Brah Ndu Ngơi 2023

³ Phung kon Y-Amram jêng Y-Arôn, Y-Môis jêh ri H'Miriam. Phung kon Y-Arôn jêng Y-Nadap, Y-Abihu, Y-Êlêasar, jêh ri Y-Ithamar.

I Nau Rêh Jêng 6:3 ပူးပေါင်းရင်းမြစ်များ

I Nau Rêh Jêng 15:10

ma noi deh Y-Usiêl geh Y-Aminadap jêng kôranh ndŭl mpôl, ndrel ma phung oh nâu păng, geh du rhiăng jât ma bar nuyh.

I Nau Rêh Jêng 23:12

Phung kon Y-Kôhat jêng Y-Amram, Y-Ishar, Y-Hêbron, jêh ri Y-Usiêl, lĕ rngôch jêng puăn bunuyh.

I Nau Rêh Jêng 23:13

Phung kon Y-Amram jêng Y-Arôn jêh ri Y-Môis; Y-Arôn jêh ri noi deh păng bu rnglah êng gay prăp ma kan nhhơr lĕ ndơ dŭt kloh ueh, jêh ri n'ho ro gŭch ndơ ƀâu kah, pah kan tanăp măt Brah Yêhôva, jêh ri sŏk amoh Păng gay ăn nau ueh uĭn ma phung ƀon lan kŏ tât ƀaƀơ n'ho ro.

I Nau Rêh Jêng 24:22

tâm phung kon sau Ishar geh Y-Sêlômôt; tâm phung kon sau Y-Sêlômôt geh Y-Jahat;

I Nau Rêh Jêng 6:2

Phung kon Y-Kôhat jêng Y-Amram, Y-Ishar, Y-Hêbron, jêh ri Y-Usiêl.

I Nau Rêh Jêng 6:4

Y-Êlêasar jêng mbơ̆ Y-Phinêas; Y-Phinêas jêng mbơ̆ Y-Abisua;

Nau Ngluh Êjipt 15:20

Aƀaơ, bu ur H'Miriam nơm mbơh lor, ruh Y-Arôn, ta ti djôt du mlâm gâr jê̆, jêh ri lĕ rngôch phung bu ur tĭng ndô̆ păng djôt gâr jê̆ da dê jêh ri pâl ntalơ̆.

Nau Ngluh Êjipt 2:4

Ruh kon se nây gŭ ngai ngai gay ma n'gơr uănh oh păng.

Nau Ngluh Êjipt 2:7

Ruh kon se jê̆ nây ngơi đah kon bu ur Pharaôn: “klăp lah gâp dơi sâm joi du huê bunuyh sâm mpu tâm phung bu ur me Hêbrơ, gay mât kon se ma ay dơi đŏng bơh?”

Nau Ngluh Êjipt 24:1

Brah Ndu lah ma Y-Môis: “May jêh ri Y-Arôn, Y-Nadap jêh ri Y-Abihu nđâp pơh jât kôranh bu ranh phung Israel hao hom ndrel ma Brah Yêhôva, jêh ri gŭ bơh ngai dĭng yơk mbah.

Nau Ngluh Êjipt 28:1

“Tă bơh tâm phung ƀon lan Israel, ăn may săch Y-Arôn, nâu may, jêh ri phung kon bu klâu păng jêng Y-Nadap, Y-Abihu, Y-Êlêasar, jêh ri Y-Ithamar, ăn pah kan ndơ ƀư brah ma Gâp.

Nau Ngluh Êjipt 6:20

Y-Amram nđăp H'Jôkêbet, oh bu ur mbơ̆ păng nơm; jêh ri păng deh ăn ma sai păng bar hê kon jêng Y-Arôn jêh ri Y-Môis. Y-Amram dơi rêh du rhiăng pe jât mpơh năm.

Nau Ngluh Êjipt 6:23

Y-Arôn nđăp Y-Êlisêba, kon bu ur Y-Aminadap, oh Y-Nahsôn, bu ur nây deh ăn ma păng puăn lông kon jêng Y-Nadap, Y-Abihu, Y-Êlêasar, jêh ri Y-Ithamar.

Kan Lêvi 10:1

Bar hê kon bu klâu Y-Arôn jêng Y-Nadap jêh ri Y-Abihu, ăp nơm khân păng djôt khăl gŭch ƀâu kah, dơm ŭnh rnga tâm păng jêh nây dơm ndơ ƀâu kah ta klơ jêh ri nhhơr du ntil ŭnh êng tanăp Brah Yêhôva, jêng nau Brah Yêhôva mâu mâp ntăm ôh ma khân păng.

Kan Lêvi 10:12

Y-Môis lah ma Y-Arôn jêh ri ma bar hê kon bu klâu păng hôm e jêng Y-Êlêasar jêh ri Y-Ithamar: “Sŏk hom kô̆ ndơ ƀư brah rnih môi hôm e lah jêh ăn ŭnh sa nhhơr ma Brah Yêhôva ƀư jêng ƀănh mâu geh ndrui jêh ri sa păng ta meng nơng ƀư brah, yorlah nĕ jêng ndơ dŭt kloh ueh.

Kan Lêvi 10:16

Dôl Y-Môis ôp ma Y-Êlêasar jêh ri Y-Ithamar, hŏ be nkuăng dŏng ƀư ndơ ƀư brah chuai nau tih, jêh ri saơ bu hŏ gŭch jêh păng. Pôri Y-Môis ji nuih ma Y-Êlêasar jêh ri Y-Ithamar jêng bar hê kon bu klâu Y-Arôn hôm e, jêh ri lah:

Mika 6:4

Gâp njŭn leo jêh may du luh bơh n'gor bri Êjipt, Hŏ chuai jêh may du luh bơh ngih jêng bu nă Jêh ri hŏ prơh jêh Y-Môis, Y-Arôn, H'Miriam Văch panăp măt may.