I Nau Rêh Jêng 5:25 - Nau Brah Ndu Ngơi 2023

²⁵ Ƀiălah khân păng ƀư tih đah Brah Ndu ma phung chô yau khân păng, jêh ri tăch khân păng nơm ma phung brah phung ƀon lan tâm n'gor nây, Brah Ndu ƀư rai jêh tanăp khân păng.

I Nau Rêh Jêng 5:25 ပူးပေါင်းရင်းမြစ်များ

II Phung Hađăch 15:19

Hađăch Asiri jêng Y-Pul hăn văch rvan n'gor. Y-Mênahem ăn ma Y-Pul pe rmưn kilô prăk, gay ma păng kơl ăn nâp ƀon bri hađăch tâm ti păng.

I Nau Rêh Jêng 5:24

Aơ jêng kôranh tâm ndŭl mpôl tâm noi deh khân păng: Y-Êpher, Y-Isi, Y-Êliêl, Y-Asriêl, Y-Yêrêmi, Y-Hôdavia, jêh ri Y-Jahdiêl; khân păng jêng phung tahan janh ktang geh nau janh nanh jêh ri geh lư n'găr.

I Nau Rêh Jêng 9:1

Pôri bu nchih amoh tâm ndrom samƀŭt lĕ rngôch phung Israel tĭng nâm ndŭl mpôl khân păng; jêh ri nau nây bu hŏ nchih jêh tâm ndrom samƀŭt phung hađăch Israel. Bu njŭn leo phung Yuđa jêng bu nă tâm n'gor bri Babilôn yor nau khân păng mâu geh gŭ răp jăp ôh.

Nau Ngluh Êjipt 34:15

Mâu dơi ƀư nau tâm rnglăp đah phung ƀon lan gŭ tâm n'gor nây, klach lah tơlah khân păng ƀư nau văng tĭr đah lĕ brah jêh ri ƀư brah ma lĕ brah khân păng jêh nây jă khân may jêh ri khân may mra sa ndơ khân păng ƀư brah ma rup brah.

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Ndrom Samƀŭt bơh Ôsê 9:1

Hơi Israel, lơi ta răm rhơn ôh! Lơi maak ir ôh nâm bu phung mpôl băl êng. Yorlah may hŏ ƀư jêh nau ka n'hong, chalơi Brah Ndu may. May ŭch jêh ma nau prăk nkhôm du huê bu ur ka n'hong Ta lĕ rngôch ntŭk mprah ba.

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”

Phung Kôranh Phat Dôih 2:12

chalơi Brah Yêhôva Brah Ndu phung chô yau, jêng Nơm hŏ njŭn leo du chô yau khân păng luh bơh n'gor Êjipt. Khân păng hăn tĭng phung brah êng, brah phung ƀon lan gŭ jŭm khân păng, jêh ri chon mbah ma phung brah nây ƀư ăn Brah Yêhôva ji nuih.

Phung Kôranh Phat Dôih 2:17

Ƀiălah khân păng mâu ŭch iăt đŏng nau ngơi phung kôranh phat dôih yorlah khân păng ƀư nau văng tĭr đah phung brah êng jêh ri chon mbah panăp phung brah nây. Khân păng gơnh chalơi trong phung chô yau khân păng hŏ hăn jêh, mâu kơt tĭng ôh phung chô yau khân păng djôt prăp lĕ nau vay Brah Yêhôva ntăm.

Phung Kôranh Phat Dôih 8:33

Jêh Y-Gidêôn khĭt, phung ƀon lan Israel plơ̆ tay ƀư tih văng tĭr ma phung brah Baal jêh ri yơk mbah ma Baal-Bêrit jêng brah khân păng.