I Nau Rêh Jêng 5:17 - Nau Brah Ndu Ngơi 2023

¹⁷ Lĕ rngôch phung nây bu nchih jêh amoh tâm ndrom samƀŭt ƀoi yau tâm rnôk hađăch Jôtham bri dak Yuđa, jêh ri tâm rnôk hađăch Jêrôbôam bri dak Israel.

I Nau Rêh Jêng 5:17 ပူးပေါင်းရင်းမြစ်များ

II Phung Hađăch 14:16

Y-Jôas khĭt hăn gŭ ndrel ma phung chô yau păng, jêh ri bu tâp păng ta ƀon Samari ndrel ma phung hađăch Israel. Jêh ri Y-Jêrôbôam, kon păng, gŭ ta sưng hađăch chiă uănh thoi ntrok păng.

II Phung Hađăch 14:23

Tâm năm rơh jât ma prăm rnôk rô̆ Y-Amasia, kon Y-Jôas, hađăch Yuđa chiă uănh geh Y-Jêrôbôam, kon Y-Jôas, ntơm ƀư hađăch Israel ta ƀon Samari. Păng chiă uănh puăn jât ma puăn năm.

II Phung Hađăch 14:28

Mâu di hĕ lĕ kan êng Y-Jêrôbôam, lĕ nau păng ƀư jêh, nau ktang păng, nau păng hŏ lơh jêh ri nau păng sŏk sĭt tay ƀon Damas jêh ri ƀon Hamat tă bơh phung Yuđa mplơ̆ ma phung Israel, bu hŏ nchih da dê tâm ndrom samƀŭt nau rêh jêng ma phung hađăch Israel?

II Phung Hađăch 15:32

Tâm năm rơh bar rnôk rô̆ Y-Pêka, kon Y-Rêmalia, hađăch Israel chiă uănh, geh Y-Jôtham, kon Y-Usia, hađăch Yuđa hao gŭ ta sưng hađăch.

II Phung Hađăch 15:5

Brah Yêhôva rmal ma hađăch, ƀư ăn păng geh nau ji phŭng kŏ tât nar păng khĭt; păng gŭ rêh du huê păng tâm du ngih êng. Y-Jôtham, kon hađăch, pah kan tâm ngih hađăch jêh ri chiă uănh phung ƀon lan tâm bri.

I Nau Rêh Jêng 5:7

Phung oh nâu Y-Bêera tĭng mpôl păng, di nâm bu hŏ nchih kơp tâm ndrom samƀŭt ƀoi yau jêng: Y-Jêiêl ƀư kôranh, jêh ri Y-Sakari,

II Nau Rêh Jêng 27:1

Nôk hao jêng hađăch, Y-Jôtham geh bar jât ma prăm năm jêh ri păng chiă uănh jât ma prao năm ta ƀon Yêrusalem. Amoh mê̆ păng jêng H'Jêrusa, kon bu ur Y-Sadôk.