I Nau Rêh Jêng 5:1 - Nau Brah Ndu Ngơi 2023

¹ Yorlah Y-Ruben, kon bu klâu bôk rah ma Y-Israel, ƀư ƀơ̆ sưng bê̆ch mbơ̆ păng, yor ri nau dơi kon bôk rah bu jao jêh ma phung kon Y-Yôsep, jêng kon Y-Israel. Yor ri, bu mâu nchih păng tâm noi deh tâm ban kon bu klâu bôk rah.

I Nau Rêh Jêng 5:1 ပူးပေါင်းရင်းမြစ်များ

Nau Ntơm 25:23

Brah Yêhôva lah: Bar bri dak dôl gŭ tâm ndŭl ay, Jêh ri bar ntil phung ƀon lan luh tă bơh ndŭl ay mra tâm pă; Phung ƀon lan aơ dăng lơn đah phung ƀon lan ri, Jêh ri nơm toyh mra pah kan ma nơm jê̆.

Nau Ntơm 25:31

Y-Yakôb lah: “Nâu tăch nau dơi jêng kon bu klâu bôk rah ma oh lor mơ.”

Nau Ntơm 29:32

H'Lêa ntreo jêh ri deh du huê kon bu klâu, amoh păng Y-Ruben jêh ri lah: “Brah Yêhôva uănh jêh ma nau rngot gâp, aƀaơ sai gâp mra rŏng ma gâp.”

Nau Ntơm 35:22

Tâm rnôk Y-Israel gŭ ta n'gor nây, Y-Ruben hăn bê̆ch ndrel ma H'Bilha, ur yông mbơ̆ păng. Y-Israel tăng nau nây.

Nau Ntơm 46:8

Aơ jêng amoh phung kon Y-Israel, jêng Y-Yakôb jêh ri noi deh păng, lĕ tât ta Êjipt: Y-Ruben jêng kon bu klâu bôk rah Y-Yakôb.

Nau Ntơm 48:5

Aƀaơ aơ, bar hê kon bu klâu bu hŏ deh ăn ma may tâm Êjipt êlor gâp hăn tât ma may, jêng Y-Êphraim jêh ri Y-Manasê, mra jêng kon gâp tâm ban ma Y-Ruben jêh ri Y-Simêôn.

I Nau Rêh Jêng 2:1

Aơ jêng phung kon bu klâu Y-Israel: Y-Ruben, Y-Simêôn, Y-Lêvi, Y-Yuđa, Y-Isakar, Y-Sabulôn,

I Nau Rêh Jêng 26:10

Y-Hôsa, bơh noi Y-Mêrari, geh đŏng phung kon: Y-Simri jêng kôranh nđâp lah păng mâu jêng kon bôk rah, yorlah mbơ̆ păng njêng păng jêng kon bôk rah;

Nau Ngluh Êjipt 6:14

Aơ jêng kôranh ndŭl mpôl tâm lĕ noi deh ƀon lan Israel. Phung kon bu klâu Y-Ruben, kon bu klâu bôk rah Y-Israel, jêng: Y-Hanŏk, Y-Palu, Y-Hêsron, jêh ri Y-Karmi. Nây jêng ndŭl mpôl Y-Ruben.

Kan Lêvi 18:8

Lơi bê̆ch nsum đah ăp ur mbơ̆ may; yor ƀư kơt nây jêng bêk prêng ma mbơ̆ may.

Kan Lêvi 20:11

Tơlah mbu nơm bê̆ch ndrel đah ur mbơ̆ păng nơm, jêng hŏ ƀư bêk mbơ̆ păng, lĕ khân păng bar hê bu mra nkhĭt lơi, mham khân păng mra nkhŭt tay ta khân păng nơm.

Nau Kơp Bunuyh 1:5

Aơ jêng amoh săk phung mra kâp kơl khân may: Ndŭl mpôl Ruben geh Y-Êlisur, kon bu klâu Y-Sêdur;

Nau Kơp Bunuyh 16:1

Y-Kôra, kon bu klâu Y-Ishar, sau Y-Kôhat, se Y-Lêvi, têk Y-Dathan jêh ri Y-Abiram, phung kon bu klâu Y-Êliap, jêh ri Y-Ôn, kon bu klâu Y-Pêlet, phung sau Y-Ruben,

Nau Kơp Bunuyh 26:5

Kon sau Y-Ruben, kon bu klâu bôk rah ma Y-Israel. Phung kon bu klâu Y-Ruben glom geh: Y-Hanŏk deh luh ndŭl mpôl Hanŏk; Y-Palu deh luh ndŭl mpôl Palu;

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

Nau Vay Nkah Tay 21:17

Ăn sai nây dơn kon bu klâu bơh bu ur păng mâu rŏng ôh jêng kon bu klâu bôk rah jêh ri pă âk lơn ma păng lĕ drăp ndơ păng geh, yorlah nây jêng kao play lor bơh n'hâm suan păng, rĭ dĭng păng geh nau dơi jêng kon bu klâu bôk rah.”

Nau Vay Nkah Tay 27:20

‘Di ma rak rtăp ma nơm bê̆ch ndrel đah ur yông mbơ̆ păng, yorlah păng ƀư bêk ma mbơ̆ păng!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 33:17

Păng geh nau rnam tâm ban ma ndrôk nkuăng păng deh dak bôk, Ma bar đah nke dăng ktang ndrôk bri! Păng dŏng nke nây dong cha lôt lĕ rngôch ntil mpôl bunuyh, Kŏ tât ta phung ƀon lan gŭ dŭt bôl neh ntu; Nây jêng âk rmưn tahan Êphraim, Âk rbăn nuyh Manasê.”

Kôlôh 1:15

Păng yơh jêng rup ma Brah Ndu mâu dơi saơ, jêng Nơm deh lor lơn ma lĕ rngôch mpa rhăk njêng.

Yôsuê 14:6

Rnôk nây, phung kon sau Y-Yuđa hăn văch ma Y-Yôsuê ta Gilgal, jêh ri Y-Kalep, kon bu klâu Y-Jêphunê, phung Kênisit, lah ma păng pô aơ: “May gĭt nau Brah Yêhôva ngơi jêh ma Y-Môis, bunuyh Brah Ndu, ta Kadês Barnê tât ma may jêh ri gâp.