I Nau Rêh Jêng 4:10 - Nau Brah Ndu Ngơi 2023

¹⁰ Y-Jabes kuăl mbơh sơm ma Brah Ndu Israel, lah pô aơ: “Ơ, dăn Kôranh Brah ăn nau ueh uĭn lăng âk ngăn ma kon, pơk an huy n'har bri gâp. Dăn ti Kôranh Brah sâm kơl gâp, king gâp bơh lĕ rngôch nau mhĭk, gay ma gâp klaih bơh nau rêh ni!” Brah Ndu ăn ma păng di ngăn nau păng mbơh sơm dăn jêh.

I Nau Rêh Jêng 4:10 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 12:8

Bơh ntŭk nây, păng hăn tât ta nkual klơ dor yôk mpeh luh nar Bêthel, jêh nây ndâk ngih bok ta vah vang Bêthel mpeh nhâp nar, jêh ri Ai mpeh luh nar. Păng ndâk đŏng ta nây du mlâm nơng ƀư brah ăn ma Brah Yêhôva jêh ri kuăl mbơh sơm ma amoh Brah Yêhôva.

Nau Ntơm 28:20

Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh,

Nau Ntơm 28:21

jêh ri ăn ma gâp geh nau đăp mpăn plơ̆ sĭt ma ngih mbơ̆ gâp, pôri Brah Yêhôva mra jêng Brah Ndu gâp.

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

Nau Ntơm 32:27

Bunuyh nây ôp: “Mâm moh săk may?” Păng nsĭt lah: “Amoh gâp Y-Yakôb.”

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Ntơm 33:20

Ta aơ, Y-Yakôb ndâk du mlâm nơng ƀư brah jêh ri rnha amoh jêng Êl Êlôhê Israel.

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

I Nau Rêh Jêng 16:8

Mprơ tâm rnê hom ma Brah Yêhôva, jêh ri kuăl mbơh sơm ma amoh Păng, Mbơh hom nau kan Păng ta nklang phung mpôl băl bunuyh!

I Nau Rêh Jêng 4:11

Y-Kêlup, oh Y-Suah, jêng mbơ̆ Y-Mêhir, chô yau Y-Êstôn.

I Nau Rêh Jêng 4:9

Y-Jabes geh nau bu yơk lơn ma phung oh nâu păng; mê̆ păng ntơ amoh păng jêng Y-Jabes, yorlah pô aơ: “Gâp deh ma păng đah nau rêh ni.”

Ndrom Samƀŭt bơh Yôp 12:4

Gâp dôl jêng nau gơm ăn ma mĭt jiăng, Nđâp lah gâp hŏ kuăl mbơh sơm ma Brah Ndu jêh ri Păng plơ̆ lah ma gâp; Bunuyh răp jăp n'hêl nê̆ jêng nkhơng nau gơm mưch ăn ma neh ntu!

Nau Mprơ Ơm 119:173

Ăn ti May rgong gâp, Yorlah gâp hŏ săch tĭng lĕ nau May ntăm.

Nau Mprơ Ơm 121:7

Brah Yêhôva mra mât mray may bơh lĕ rngôch nau mhĭk. Păng mra mât mray nau rêh may.

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 21:4

Păng dăn ma Kôranh Brah ăn nau rêh, jêh ri Kôranh Brah ăn jêh ma păng, Kŏ tât ăn ma păng năm khay jŏ jong n'ho ro.

Nau Mprơ Ơm 51:12

Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Mprơ Ơm 51:8

May mra ăn gâp tăng nau maak răm, hâk maak Gay lĕ nting nđăng May hŏ nkê̆ch jêh dơi geh nau hâk răm.

Nau Mprơ Ơm 55:16

Ƀiălah gâp mra kuăl mbơh sơm dăn ma Brah Ndu, Jêh ri Brah Yêhôva mra rklaih gâp.

Nau Mprơ Ơm 65:2

Ơ Kôranh Brah jêng Nơm gŭ iăt nau mbơh sơm! Lĕ rngôch nglay săk mra văch ta May da dê.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

Nau Hôr 30:8

Dăn ăn nau mhĭk jêh ri nau mƀruh du ngai đah gâp; Lơi ăn gâp o ach mâu lah kuăng ndrŏng, Dăn ăn gâp ndơ sông sa tŏng ma dŏng;

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:17

Phung o ach jêh ri phung pưt kƀah joi dak nhêt Ƀiălah mâu geh ôh, Mpiăt khân păng sơh yor ji hir. Ƀiălah Gâp jêng Brah Yêhôva mra dơn nau khân păng; Gâp jêng Brah Ndu Israel mâu mra chalơi khân păng ôh.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Mathay 26:75

Y-Pêtrôs kah gĭt tay nau Brah Yêsu lah jêh: “Êlor ta iăr ndrau, may mra dun ma Gâp pe tơ̆.” Jêh nây păng hăn luh, nhĭm rngot ngăn.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Luka 19:42

“Ŭch ngăn, ta nar aơ, may dơi gĭt lĕ nau ƀư nau đăp mpăn ma may! Ƀiălah aƀaơ lĕ nau nây pôn ndâp bơh măt may.

Yôhan 10:28

Gâp ăn ma khân păng nau rêh n'ho ro, khân păng mâu mra roh rai ôh, jêh ri mâu geh nơm pit sŏk khân păng bơh ti Gâp.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 3:20

Brah Ndu jêng Nơm pah kan tâm he ma nau brah Păng, dơi ƀư rlau lơn âk râk ma lĕ nau he mbơh sơm dăn mâu lah he mĭn ŭch.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!

I Samuel 1:17

Y-Êli lah: “Hăn sĭt đăp rmên ma ngih ay, dăn ma Brah Ndu phung Israel dơn nau ay hŏ mbơh sơm ma Păng!”

I Samuel 1:20

Dôl tâm năm nây lĕ, H'Anna hŏ ntreo jêh ri păng deh du huê kon bu klâu, păng ntơ amoh jêng Y-Samuel, yorlah păng lah: “Gâp hŏ dăn jêh păng tă bơh Brah Yêhôva.”

I Samuel 1:26

Păng lah: “Hơi kôranh gâp! Gâp sŏk nau rêh may gay ton pô aơ, gâp jêng bu ur nơm dâk jêh ta aơ, êp kêng may, gay mbơh sơm ma Brah Yêhôva.

I Samuel 1:27

Gâp hŏ mbơh sơm gay geh kon se jê̆ aơ, jêh ri Brah Yêhôva hŏ dơn jêh nau gâp mbơh sơm ma Păng.