I Nau Rêh Jêng 3:2 - Nau Brah Ndu Ngơi 2023

² kon rơh pe jêng Y-Apsalôm, mê̆ păng jêng H'Maka, kon bu ur Y-Talmai, hađăch n'gor Gêsur; kon rơh puăn jêng Y-Adônija, mê̆ păng jêng H'Hagit;

I Nau Rêh Jêng 3:2 ပူးပေါင်းရင်းမြစ်များ

II Samuel 13:1

Jêh nau nây geh tât nau aơ: Y-Apsalôm, kon bu klâu Y-Đavit, geh du huê oh bu ur ueh ngăn, amoh H'Tamar. Y-Amnôn, kon bu klâu Y-Đavit, rŏng ma păng.

II Samuel 13:38

Pônây, Y-Apsalôm nchuăt du tât ta n'gor Gêsur, jêh ri gŭ ta nây pe năm.

II Samuel 14:23

Jêh nây Y-Jôap dâk hăn trong, tât ta n'gor Gêsur jêh ri leo Y-Apsalôm plơ̆ sĭt ma ƀon Yêrusalem.

II Samuel 14:32

Y-Apsalôm plơ̆ lah ma Y-Jôap: “Aơ, gâp prơh bunuyh kuăl may văch ta aơ, gay ma gâp dơi prơh may hăn mbơh ma hađăch: ‘Mâm ƀư dĭng gâp plơ̆ sĭt tă bơh n'gor Gêsur? Ueh lơn gâp ăt hôm gŭ ta nây.’ Pôri aƀaơ, gâp ŭch hăn tanăp hađăch. Tơlah gâp geh nau tih, ăn păng nkhĭt gâp.”

II Samuel 15:8

Yorlah dôl gâp gŭ ta n'gor Gêsur tâm n'gor Aram, oh mon hađăch ƀư jêh nau ton pô aơ: ‘Tơlah Brah Yêhôva djôt leo gâp plơ̆ sĭt ma ƀon Yêrusalem, rnôk nây gâp mra pah kan Brah Yêhôva.’”

II Samuel 18:14

Y-Jôap lah: “Gâp mâu hôm geh mông ma may kơt nĕ ôh.” Jêh nây păng sŏk pe mlâm tak tâm ti, hăn tât ntâp tâm play nuih Y-Apsalôm dôl păng hôm rêh jêh ri yông ta klơ tơm n'ho.

II Samuel 18:18

Y-Apsalôm dôl hôm rêh, păng ndâk jêh ma păng nơm du mlâm gâng tâm rlŭng Ngih Hađăch nâm du ntŭk ndray ma păng nơm, yorlah păng lah: “Gâp mâu geh kon bu klâu thoi ma amoh gâp.” Jêh nây păng sŏk amoh păng nơm dơm ta gâng nây; gâng nây ăt hôm rnha jêng ntŭk ndray Y-Apsalôm kŏ tât ta nar aơ.

II Samuel 18:33

Hađăch phit nuih n'hâm hâu ngăn, hăn hao tâm jrô ta klơ mpông ƀon jêh ri nhĭm. Dôl păng chuat păng lah: “Hơi Y-Apsalôm, kon bu klâu gâp, kon bu klâu gâp! Y-Apsalôm, kon bu klâu gâp! Ueh lơn gâp khĭt ntrok may! Hơi Y-Apsalôm, kon bu klâu gâp, kon bu klâu gâp!”

II Samuel 3:3

kon rơh bar jêng Y-Chêliap, kon bơh H'Abigêl, ur drô Y-Nabal ta yôk Karmel; kon rơh pe jêng Y-Apsalôm, kon bơh H'Maka, kon bu ur Y-Talmai, hađăch n'gor Gêsur;

II Samuel 3:4

kon rơh puăn jêng Y-Adônija, kon bơh H'Hagit; kon rơh prăm jêng Y-Sêphatia, kon bơh H'Abital;

I Phung Hađăch 1:5

Rnôk nây Y-Adônija, kon bu klâu H'Hagit, n'hao êng păng nơm pô aơ: “Gâp mra jêng hađăch.” Păng ndrăp ma păng nơm du bôk ndeh, seh tâm lơh, jêh ri prăm jât nuyh nchuăt panăp păng.

I Phung Hađăch 1:6

Mbơ̆ păng mâu mâp buay lơi ôh păng ma nau ôp: “Mâm ƀư may ƀư pônây?” Y-Adônija jêng du huê bu klâu ueh ngăn jêh ri bu deh ma păng groi Y-Apsalôm.

I Phung Hađăch 2:22

Ƀiălah hađăch Salômôn plơ̆ lah ma mê̆: “Mâm ƀư mê̆ dăn ăn H'Abisak, bunuyh Sunamit, ma Y-Adônija? Mâm dĭng ay mâu dăn ƀon bri hađăch aơ ăn ma păng, yorlah păng jêng nâu gâp! Mâm dĭng ay mâu dăn ăn păng kôranh ƀư brah Y-Abiathar jêh ri Y-Jôap, phung kon bu klâu H'Sêruya ma păng!”

I Nau Rêh Jêng 2:23

Phung Gêsur jêh ri phung Siri pit in ƀon Jar jêh ri ƀon Kênat, ndrel ma lĕ n'gor jŭm glom geh prao jât ƀon. Lĕ rngôch phung nây jêng phung kon sau Y-Makir, mbơ̆ Y-Gilêat.

I Nau Rêh Jêng 3:1

Aơ jêng phung kon Y-Đavit bu deh ma păng tâm ƀon Hêbron: Kon bu klâu bôk rah jêng Y-Amnôn, kon bơh H'Ahinôam, bu ur Jesrêel; kon rơh bar jêng Y-Daniel, kon bơh H'Abigêl, bu ur ƀon Karmel;

I Nau Rêh Jêng 3:3

kon rơh prăm jêng Y-Sêphatia, mê̆ păng jêng H'Abital; kon rơh prao jêng Y-Itrêam, mê̆ păng jêng H'Êgla, ur Y-Đavit.

Yôsuê 13:13

Ƀiălah phung ƀon lan Israel mâu mprơh ôh phung Gêsur jêh ri phung Makatit. Yor ri, phung Gêsurit jêh ri phung Makatit hôm gŭ vah vang phung Israel kŏ tât ta nar aơ.