I Nau Rêh Jêng 3:15 - Nau Brah Ndu Ngơi 2023

¹⁵ Phung kon bu klâu Y-Jôsia: Y-Jôhanan jêng kon bu klâu bôk rah, Y-Jêhôjakim jêng kon rơh bar, Y-Sêdêkia jêng kon rơh pe, Y-Salum jêng kon rơh puăn.

I Nau Rêh Jêng 3:15 ပူးပေါင်းရင်းမြစ်များ

II Phung Hađăch 23:31

Y-Jôacha ntơm jêng hađăch ta lah geh bar jât ma pe năm, jêh ri păng chiă uănh pe khay ta ƀon Yêrusalem. Amoh mê̆ păng jêng H'Hamutal, kon bu ur Y-Yêrêmi ta Lipna.

II Phung Hađăch 23:34

Pharaôn Nêkô njêng Y-Êliakim, du huê kon Y-Jôsia, gŭ ta sưng hađăch chiă uănh thoi ntrok mbơ̆ păng; Pharaôn rgâl amoh Y-Êliakim jêng Y-Jêhôjakim. Ƀiălah bu nhŭp Y-Jôacha djôt leo sĭt ma n'gor bri Êjipt jêh ri păng khĭt ta nây.

II Phung Hađăch 24:17

Hađăch Babilôn njêng Y-Matania, kônh va Y-Jêhôjakin, ƀư hađăch ntrok păng, jêh ri rgâl amoh săk Y-Matania jêng Y-Sêdêkia.

I Nau Rêh Jêng 3:14

kon Y-Manasê jêng Y-Amôn, kon Y-Amôn jêng Y-Jôsia.

I Nau Rêh Jêng 3:16

Phung kon bu klâu Y-Jêhôjakim jêng Y-Jêkônia jêh ri Y-Sêdêkia.

II Nau Rêh Jêng 36:1

Phung ƀon lan tâm bri aơ njêng Y-Jôacha, kon bu klâu Y-Jôsia, ƀư hađăch ntrok mbơ̆ păng ta ƀon Yêrusalem.

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

Yêrêmi 1:3

jêh ri tâm du bông rô̆ Y-Jêhôjakim chiă uănh, kon bu klâu Y-Jôsia, hađăch Yuđa, kŏ tât lôch năm rơh jât ma nguay rô̆ hađăch Sêdêkia, kon bu klâu Y-Jôsia, hađăch Yuđa, dôl phung ƀon lan ƀon Yêrusalem ƀư bu nă tâm khay rơh prăm.

Yêrêmi 22:11

Yorlah Yêhôva lah ma Y-Salum, kon bu klâu Y-Jôsia hađăch Yuđa, nơm chiă uănh thoi ntrok mbơ̆ păng jêng Y-Jôsia, jêh ri jêng bunuyh hŏ du jêh bơh ntŭk aơ nâm bu pô aơ: ‘Hađăch nây mâu mra plơ̆ ta nĕ đŏng ôh,

Yêrêmi 22:18

Yor nây, ma nau Y-Jêhôjakim, kon bu klâu Y-Jôsia, hađăch Yuđa, Brah Yêhôva lah: “Bu mâu mra nhĭm vơl ôh ma păng: ‘Ơ nâu, nâu gâp ơi!’ mâu lah ‘Ơ yuh, yuh gâp ơi!’ Bu mâu lĕ klâng rngot ma păng: ‘Ơ kôranh, kôranh gâp!’ Mâu lah ‘Ơ nau chrêk rmah, nau chrêk rmah păng!’

Yêrêmi 24:8

Brah Yêhôva lah: ‘Ƀiălah, tâm ban bunuyh ƀư ma play rvi mhĭk, mhĭk kŏ tât bu mâu dơi sa ôh, pônây lĕ ăt Gâp mra ƀư ma Y-Sêdêkia, hađăch Yuđa, phung kôranh, phung ƀon lan hôm e klen bơh Yêrusalem dôl gŭ tâm bri aơ, jêh ri phung dôl hôm gŭ rêh ntŭk bri Êjipt pônây lĕ.

Yêrêmi 26:1

Dôl Y-Jêhôjakim, kon bu klâu Y-Jôsia, hađăch Yuđa, ntơm chiă uănh, geh nau lah tă bơh Brah Yêhôva.

Yêrêmi 37:1

Y-Sêdêkia, kon bu klâu Y-Jôsia, nơm Y-Nêbukatnetsar hađăch Babilôn ntăm ƀư jêng hađăch n'gor Yuđa ntrok an ma Y-Jêhôjakin, kon bu klâu Y-Jêhôjakim.