I Nau Rêh Jêng 3:1 - Nau Brah Ndu Ngơi 2023

¹ Aơ jêng phung kon Y-Đavit bu deh ma păng tâm ƀon Hêbron: Kon bu klâu bôk rah jêng Y-Amnôn, kon bơh H'Ahinôam, bu ur Jesrêel; kon rơh bar jêng Y-Daniel, kon bơh H'Abigêl, bu ur ƀon Karmel;

I Nau Rêh Jêng 3:1 ပူးပေါင်းရင်းမြစ်များ

II Samuel 13:1

Jêh nau nây geh tât nau aơ: Y-Apsalôm, kon bu klâu Y-Đavit, geh du huê oh bu ur ueh ngăn, amoh H'Tamar. Y-Amnôn, kon bu klâu Y-Đavit, rŏng ma păng.

II Samuel 13:29

Pôri, lĕ phung oh mon Y-Apsalôm ƀư ma Y-Amnôn di tĭng nâm nau Y-Apsalôm hŏ ntĭnh jêh. Rnôk nây, lĕ rngôch phung kon bu klâu hađăch dâk da dê, ăp nơm ncho seh bri păng nchuăt du.

II Samuel 3:1

Ngih Y-Đavit jêh ri ngih Y-Sôl tâm lơh mro jŏ năng nar; Y-Đavit lơ nar lơ ktang, bi ngih Y-Sôl lơ nar lơ huơi.

II Samuel 5:13

Jêh Y-Đavit hăn luh tă bơh Hêbron, hađăch sŏk đŏng ur jêh ri phung ur yông ta Yêrusalem; khân păng deh đŏng phung kon bu ur jêh ri kon bu klâu ma Y-Đavit.

I Nau Rêh Jêng 2:55

Lĕ ndŭl mpôl phung blau nchih samƀŭt gŭ ta ƀon Jabes jêng ndŭl mpôl Tirat, ndŭl mpôl Simêat, jêh ri ndŭl mpôl Sukat. Nây jêng phung Kênit, noi deh ma Y-Hamat, chô yau ma ngih Rêkap.

I Nau Rêh Jêng 28:5

Brah Yêhôva ăn jêh ma gâp geh âk kon bu klâu; tâm lĕ rngôch phung kon bu klâu gâp, Păng săch jêh Y-Salômôn, kon gâp, ăn gŭ ta sưng hađăch ƀon bri hađăch Brah Yêhôva chiă uănh phung Israel.

I Nau Rêh Jêng 3:2

kon rơh pe jêng Y-Apsalôm, mê̆ păng jêng H'Maka, kon bu ur Y-Talmai, hađăch n'gor Gêsur; kon rơh puăn jêng Y-Adônija, mê̆ păng jêng H'Hagit;

Yôsuê 15:56

Jesrêel, Jokdam, Sanôa,

I Samuel 27:3

Y-Đavit jêh ri phung tĭng ndô̆ păng gŭ ndrel ma Y-Akis ta Gat, ăp nơm leo nđâp ur kon păng. Y-Đavit geh bar hê ur tĭng ndrel, amoh jêng H'Ahinôam bơh Jesrêel, jêh ri H'Abigêl, alor nây jêng ur drô Y-Nabal bơh Karmel.