I Nau Rêh Jêng 29:9 - Nau Brah Ndu Ngơi 2023

⁹ Phung ƀon lan hâk răm ngăn yorlah nau phung nây ăn jêh ma nuih n'hâm lŏng jêh ri lĕ nuih n'hâm nhhơr ma Brah Yêhôva. Hađăch Đavit răm maak tâm ban đŏng.

I Nau Rêh Jêng 29:9 ပူးပေါင်းရင်းမြစ်များ

I Phung Hađăch 8:61

Pôri, ăn khân may sŏk lĕ nuih n'hâm răp jăp đah Brah Yêhôva jêng Brah Ndu he, chuat hăn tâm lĕ nau vay dăp, jêh ri djôt prăp nau vay Păng ntăm tĭng nâm khân may hŏ ƀư nar aơ.”

II Phung Hađăch 12:5

ăn phung kôranh ƀư brah sŏk dơn rnoh prăk nây tă bơh phung nhhơr gay nkra tay lĕ ntŭk bluh sat tâm ngih brah.”

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

II Nau Rêh Jêng 17:16

jêh nây tât Y-Amasia, kon bu klâu Y-Sikri, jêng bunuyh nđơr êng pah kan ma Brah Yêhôva, păng chiă uănh bar rsen bunuyh tahan janh ktang.

II Nau Rêh Jêng 24:10

Lĕ rngôch phung kôranh jêh ri lĕ rngôch phung ƀon lan hâk răm da dê, djôt leo prăk pi chê̆ tâm hip kŏ tât bêng hip.

II Nau Rêh Jêng 31:8

Lah Y-Hêsêkia jêh ri phung kôranh văch tât jêh ri uănh saơ âk mbŭch bu bun ndơ nhhơr, khân păng tâm rnê ma Brah Yêhôva jêh ri ăn nau ueh uĭn ma phung ƀon lan Israel.

Êsra 1:6

Lĕ rngôch phung chiau meng khân păng kơl ndơ ma khân păng, lĕ ndơ ƀư ma prăk, ma mah, drăp ndơ, mpô mpa rong, jêh ri ndô ndơ khlay, nđâp ma lĕ ndơ nhhơr êng êng.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Ngluh Êjipt 35:29

Lĕ rngôch phung ƀon lan Israel, lĕ rngôch bu ur nđâp bu klâu, geh nuih n'hâm sŭk nsôr ŭch nhhơr moh ntil ndơ tâm lĕ nau kan Brah Yêhôva hŏ ntĭnh jêh ma Y-Môis, ŭch da dê tât nhhơr ma Brah Yêhôva.

Luka 15:6

Jêh ri tât ta ngih, păng kuăl phung mĭt jiăng jêh ri phung chiau meng tât jêh ri lah: ‘Maak hom ndrel ma gâp, yorlah gâp hŏ joi saơ jêh biăp gâp roh.’

Yôhan 15:11

Gâp lah lĕ nau aơ ma khân may, gay ma nau răm maak Gâp gŭ tâm khân may, jêh ri nau răm maak khân may dơi nŭm rĭng.

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 8:3

Yorlah gâp mbơh nkoch ma khân păng hŏ nđơr êng riu prăk tĭng nâm nau khân păng geh, jêh ri ƀư rlau ma nau geh đŏng,

Philip 4:1

Pônây, hơi phung oh nâu gâp rŏng ngăn, jêng phung mĭt jiăng jêh ri klâng rvê, jêng nau maak jêh ri đon hađăch ma gâp, gŭ nâp hom tâm Kôranh Brah!

Philip 4:10

Gâp răm maak ngăn tâm Kôranh Brah, yorlah nau nglĕ dŭt, khân may mĭn rvê ma gâp. Ngăn khân may ăt mĭn rvê, ƀiălah mâu geh mông găl tâm mpơl ôh.

Phung Kôranh Phat Dôih 5:9

Nuih n'hâm gâp rŏng ma phung kôranh chiă uănh Israel, Nđâp ma lĕ nơm tâm phung ƀon lan ŭch sân săk khân păng nơm. Tâm rnê ngăn ma Brah Yêhôva!