I Nau Rêh Jêng 29:3 - Nau Brah Ndu Ngơi 2023

³ Yorlah nuih n'hâm gâp rŏng ma ngih Brah Ndu gâp, pôri lĕ nau gâp ndrăp nkra jêh ma ngih brah kloh ueh, gâp ăt nhhơr đŏng ma ngih Brah Ndu lĕ rngôch ndơ ma mah jêh ri ma prăk jêng ndơ gâp,

I Nau Rêh Jêng 29:3 ပူးပေါင်းရင်းမြစ်များ

II Phung Hađăch 12:4

Y-Jôas lah ma phung kôranh ƀư brah pô aơ: “Lĕ rngôch prăk bu djôt ƀư ndơ ƀư brah kloh ueh ma ngih Brah Yêhôva, jêng rnoh prăk chuai nau rêh ma ăp nơm chê̆ pi tĭng nâm nau vay nal nôk bu kơp rnoh bunuyh, jêh ri prăk phung ƀon lan nhhơr tâm ngih Brah Yêhôva ma nuih n'hâm lŏng;

I Nau Rêh Jêng 21:24

Hađăch Đavit lah ma Y-Ôrnan: “Mâu ôh, gâp ŭch rvăt păng di rnoh khlay; yorlah gâp mâu ŭch sŏk ôh ndơ may nhhơr ma Brah Yêhôva, mâu đŏng nhhơr ôh du ndơ ƀư brah gŭch mâu huach ôh ndơ rvăt.”

I Nau Rêh Jêng 29:2

Gâp ndrăp nkra lĕ nau ktang ăn ma ngih Brah Ndu gâp, mah prăp ma ndơ ƀư đah mah, prăk prăp ma ndơ ƀư đah prăk, kông prăp ma ndơ ƀư đah kông, loih prăp ma ndơ ƀư đah loih, tơm si prăp ma ndơ ƀư đah tơm si; rơm ndrăp âk lŭ ônik, lŭ khlay gay kach, lŭ khlay nchrat ang, lŭ khlay geh âk ntil dak, jêh ri lĕ ntil lŭ khay, jêh ri lŭ marbrơ nglang âk ngăn.

I Nau Rêh Jêng 29:4

jêng sĭn jât tân mah Ôphir, jêh ri bar rhiăng jât tân prăk kloh gay prăp ndop lĕ mpir ngih brah;

Nau Mprơ Ơm 26:8

Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Mprơ Ơm 84:1

Ơ Brah Yêhôva ma phung tahan, Ntŭk May gŭ khư rŏng ngăn,

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Nau Ngluh Êjipt 25:2

“Lah hom ma phung ƀon lan Israel nhhơr ndơ ma Gâp. Khân may sŏk dơn ndơ nhhơr bơh lĕ rngôch mbu geh nuih n'hâm nhhơr.

Luka 7:5

yorlah păng rŏng ma phung ƀon lan he, jêh ri ndâk ngih rƀŭn ăn he.”