I Nau Rêh Jêng 28:8 - Nau Brah Ndu Ngơi 2023

⁸ Pôri aƀaơ, tanăp lĕ rngôch phung Israel, jêng phung tâm rƀŭn Brah Yêhôva, Brah Ndu he gŭ iăt, gâp ntĭnh ma khân may joi hom jêh ri djôt prăp lĕ nau vay Yêhôva Brah Ndu ntăm khân may, gay ma khân may sŏk dơn n'gor ueh aơ jêh ri ăn tay ma phung kon sau khân may ƀư drăp ndơn n'ho ro.

I Nau Rêh Jêng 28:8 ပူးပေါင်းရင်းမြစ်များ

I Nau Rêh Jêng 28:7

Tơlah păng ton thoi djôt prăp lĕ nau vay ntăm jêh ri nau Gâp ntrŭnh nâm bu nar aơ, Gâp mra ƀư ăn ƀon bri hađăch păng nâp n'ho ro.’

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Êsra 9:12

Yor ri, lơi ăn văng ôh phung kon bu ur khân may đah phung kon bu klâu khân păng, mâu lĕ dơi sŏk phung kon bu ur khân păng đah phung kon bu klâu khân may. Mâu đŏng joi nau ndrŏng mâu lah nau đăp mpăn bơh khân păng, gay khân may dơi jêng ktang, sa kao play tâm n'gor, jêh ri gay n'gor nây ăn ma phung kon khân may ƀư drăp ndơn n'ho ro.’

Nau Mprơ Ơm 119:27

Ăn gâp gĭt rbăng trong nau vay ntăm bơh May, Pôri gâp mra gŭ mĭn ma lĕ nau kan khlay May.

Nau Mprơ Ơm 119:4

May hŏ ntăm jêh nau vay ntăm bơh May ma hên Gay ma hên njrăng djôt prăp.

Nau Mprơ Ơm 119:44

Gâp mra tông prăp mro nau vay May Kŏ tât ƀaƀơ n'ho ro.

Nau Ngluh Êjipt 23:13

Ăn may blau njrăng lĕ nau Gâp lah jêh ma may. Mâu dơi nkah tay ôh tât amoh phung brah êng, mâu đŏng ăn bu tăng nau nây tă bơh trôm mbung may lah amoh phung brah nây.”

Nau Hôr 13:22

Bunuyh ueh ăn drăp ndơn ma kon sau păng nơm, Ƀiălah drăp ndơ phung geh nau tih prăp ma bunuyh sŏng srăng.

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Êsai 34:16

Joi hom tâm ndrom samƀŭt Brah Yêhôva jêh ri rŏ: Tâm phung mpô mpa bri nây, mâu mra pưt du ntil, Mâu geh du mlâm pưt nkuăng mâu lah me ôh. Yorlah mbung Brah Yêhôva ntăm jêh nau nây, Jêh ri Brah Păng tâm rƀŭn jêh lĕ khân păng.

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Nau Vay Nkah Tay 27:1

Y-Môis nđâp ma phung kôranh bu ranh Israel ntĭnh ma phung ƀon lan: “Djôt prăp hom lĕ rngôch nau vay ntăm bơh gâp ntĭnh ma khân may nar aơ.

Nau Vay Nkah Tay 29:10

Nar aơ, lĕ rngôch khân may phung kôranh phung ndŭl mpôl, phung kôranh bu ranh, phung kôranh chiă uănh, lĕ rngôch phung bu klâu tâm phung Israel,

Nau Vay Nkah Tay 29:15

ƀiălah đah lĕ rngôch phung gŭ râng ta aơ ndrel ma he nar aơ tanăp măt Brah Ndu he, tâm ban đŏng nđâp ma lĕ phung mâu gŭ ôh ta aơ ndrel ma he nar aơ.

Nau Vay Nkah Tay 4:1

“Hơi phung Israel, aƀaơ aơ gŭ iăt hom lĕ nau vay dăp jêh ri lĕ nau vay gâp ƀư nti khân may. Djôt prăp hom lĕ nau nây gay ma khân may dơi rêh gay lăp dơn n'gor Yêhôva Brah Ndu phung chô yau khân may ăn ma khân may jêng drăp ndơn.

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’

Nau Vay Nkah Tay 5:32

Pôri, ăn khân may njrăng ƀư dĭng lĕ nau kan di mâm bu Yêhôva Brah Ndu khân may hŏ ntĭm nti; khân may mâu dơi ôh teng pa ma mâu lah pa chiau.

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Yôsuê 24:20

Tơlah khân may chalơi Brah Yêhôva jêh ri pah kan ma phung brah bu năch, Păng mra plơ̆ sĭt tay ƀư mhĭk jêh ri ƀư rai khân may, nđâp lah lĕ ƀư lor jêh nau yô̆ ma khân may.”