I Nau Rêh Jêng 28:7 - Nau Brah Ndu Ngơi 2023

⁷ Tơlah păng ton thoi djôt prăp lĕ nau vay ntăm jêh ri nau Gâp ntrŭnh nâm bu nar aơ, Gâp mra ƀư ăn ƀon bri hađăch păng nâp n'ho ro.’

I Nau Rêh Jêng 28:7 ပူးပေါင်းရင်းမြစ်များ

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 3:14

Tơlah may chuat hăn tâm trong Gâp, djôt prăp lĕ nau vay dăp jêh ri lĕ nau vay Gâp ntăm, tâm ban mbơ̆ may jêng Y-Đavit hŏ chuat hăn, Gâp mra ăn ma may dơi rêh jŏ năm.”

I Phung Hađăch 8:61

Pôri, ăn khân may sŏk lĕ nuih n'hâm răp jăp đah Brah Yêhôva jêng Brah Ndu he, chuat hăn tâm lĕ nau vay dăp, jêh ri djôt prăp nau vay Păng ntăm tĭng nâm khân may hŏ ƀư nar aơ.”

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

I Nau Rêh Jêng 28:10

Aƀaơ aơ, njrăng hom, yorlah Brah Yêhôva săch jêh may ăn may ndâk du mlâm ngih brah prăp ma ntŭk kloh ueh Păng. Dăng ktang hom, jêh ri ƀư nau nây!”

I Nau Rêh Jêng 28:8

Pôri aƀaơ, tanăp lĕ rngôch phung Israel, jêng phung tâm rƀŭn Brah Yêhôva, Brah Ndu he gŭ iăt, gâp ntĭnh ma khân may joi hom jêh ri djôt prăp lĕ nau vay Yêhôva Brah Ndu ntăm khân may, gay ma khân may sŏk dơn n'gor ueh aơ jêh ri ăn tay ma phung kon sau khân may ƀư drăp ndơn n'ho ro.

Nau Mprơ Ơm 132:12

Tơlah phung kon may djôt prăp nau Gâp tâm rnglăp Jêh ri nau Gâp ntĭnh mra nti ma khân păng, Pôri phung kon khân păng Mra gŭ ta sưng hađăch may tât n'ho ro.”

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.