I Nau Rêh Jêng 28:5 - Nau Brah Ndu Ngơi 2023

⁵ Brah Yêhôva ăn jêh ma gâp geh âk kon bu klâu; tâm lĕ rngôch phung kon bu klâu gâp, Păng săch jêh Y-Salômôn, kon gâp, ăn gŭ ta sưng hađăch ƀon bri hađăch Brah Yêhôva chiă uănh phung Israel.

I Nau Rêh Jêng 28:5 ပူးပေါင်းရင်းမြစ်များ

I Phung Hađăch 1:13

Hăn hom mpơl măt tanăp hađăch Đavit jêh ri lah pô aơ: ‘Hơi hađăch, kôranh gâp! Mâu di hĕ hađăch lĕ sơm ton đah oh mon bu ur may pô aơ: “Kon bu klâu may jêng Y-Salômôn nanê̆ mra chiă uănh thoi ntrok may jêh ri păng mra gŭ ta sưng hađăch gâp?” Pônây, mâm dĭng Y-Adônija ƀư đŏng hađăch?’

I Phung Hađăch 1:20

Hơi hađăch jêng kôranh gâp! Lĕ rngôch măt phung Israel rle uănh ma may, kâp uănh ma may mbơh ma khân păng gĭt mbu nơm mra gŭ ta sưng hađăch gay chiă uănh thoi ntrok may.

I Phung Hađăch 1:30

Di nâm gâp hŏ sŏk amoh Yêhôva Brah Ndu phung Israel sơm ton jêh ma may pô aơ: ‘N'hêl nanê̆ kon bu klâu may jêng Y-Salômôn mra chiă uănh thoi ntrok gâp, păng mra gŭ ta sưng hađăch ntrok gâp’, pônây ro nar aơ, gâp mra ƀư nau nây.”

I Phung Hađăch 1:35

‘Hađăch Salômôn mro mrăng!’ Khân may mra hăn hao tĭng pakơi hađăch, jêh nây hađăch mra văch gŭ ta sưng hađăch gâp, chiă uănh ntrok gâp. Nây jêng nơm gâp hŏ njêng jêh ƀư hađăch phung Israel jêh ri phung Yuđa.”

I Phung Hađăch 2:15

Păng ngơi: “Nanê̆ ay hŏ gĭt pô aơ ƀon bri hađăch aơ jêng ndơ gâp, jêh ri lĕ rngôch phung Israel gŭ kâp gâp da dê chiă uănh. Ƀiălah ƀon bri hađăch hŏ jêng ndơ oh gâp, yorlah nây jêng nau mĭn ŭch tă bơh Brah Yêhôva.

I Phung Hađăch 8:20

Aƀaơ aơ, Brah Yêhôva hŏ ƀư jêng ngăn jêh nau Păng hŏ ton, yorlah gâp hŏ chiă uănh thoi ntrok Y-Đavit, mbơ̆ gâp, jêh ri gŭ ta sưng hađăch Israel di tĭng nâm Brah Yêhôva hŏ ntăm jêh. Gâp hŏ ndâk jêh ngih brah nây ma amoh Brah Yêhôva, jêng Brah Ndu Phung Israel.

I Nau Rêh Jêng 17:14

Gâp mra ƀư ăn nâp păng tâm ngih Gâp jêh ri tâm ƀon bri hađăch Gâp n'ho ro; sưng hađăch păng mra dơi nâp mro mrăng.’”

I Nau Rêh Jêng 23:1

Tơlah Y-Đavit hŏ ranh jêh ri năm jŏ jêh, păng njêng Y-Salômôn, kon bu klâu păng, jêng hađăch chiă uănh phung Israel.

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

I Nau Rêh Jêng 29:23

Nôk nây, Y-Salômôn gŭ ta sưng hađăch Brah Yêhôva, ƀư hađăch ntrok Y-Đavit, mbơ̆ păng. Păng dơi ndrŏng ngăn ngên jêh ri lĕ rngôch phung Israel tông da dê ma nau păng ntăm.

I Nau Rêh Jêng 29:28

Hađăch khĭt, ranh jŏ rêh jêh ri geh nau mpay tâm nau rêh păng, ma nau ndrŏng jêh ri geh nau bu yơk. Y-Salômôn, kon bu klâu păng, gŭ ta sưng hađăch chiă uănh ntrok păng.

II Nau Rêh Jêng 9:8

Mât ton ma Yêhôva Brah Ndu may, yorlah Nơm hŏ maak nuih n'hâm n'gân may gŭ ta sưng hađăch gay mât uănh ăn ma Yêhôva Brah Ndu may! Yorlah Brah Ndu may rŏng ma phung ƀon lan Israel, ŭch ăn ma phung ƀon lan aơ dơi nâp ƀaƀơ n'ho ro, ri dĭng Păng hŏ njêng jêh may ƀư hađăch ma khân păng, gay ƀư tĭng nau di jêh ri nau sŏng.”

Nau Vay Nkah Tay 17:15

Tơlah pônây ăn khân may dăp du huê hađăch Yêhôva Brah Ndu khân may mra săch gay chiă uănh khân may. Hađăch nây jêng nơm tă bơh nklang khân may, mâu dơi dăp ôh du huê bu năch chiă uănh khân may, nơm mâu jêng ôh oh nâu khân may.