I Nau Rêh Jêng 28:20 - Nau Brah Ndu Ngơi 2023

²⁰ Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

I Nau Rêh Jêng 28:20 ပူးပေါင်းရင်းမြစ်များ

I Phung Hađăch 6:38

Tât năm jât ma nguay, di tâm khay Bul, ntĭt jêng khay rơh pham, nau mbor kan ndâk njêng ngih brah nây ƀư lôch jêh di tĭng nâm lĕ kô̆ tâm rup bu hŏ nchih jêh ri nau veh jêh. Y-Salômôn hŏ ndâk ngih brah nây tâm pơh năm.

I Nau Rêh Jêng 22:13

Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

I Nau Rêh Jêng 28:10

Aƀaơ aơ, njrăng hom, yorlah Brah Yêhôva săch jêh may ăn may ndâk du mlâm ngih brah prăp ma ntŭk kloh ueh Păng. Dăng ktang hom, jêh ri ƀư nau nây!”

II Nau Rêh Jêng 19:11

Aơ, kôranh ƀư brah toyh Y-Amaria mra mât uănh lĕ nau kan prăp ma Brah Yêhôva; bi Y-Sêbadia, kon Y-Ismaêl, kôranh chiă uănh ndŭl mpôl phung Yuđa, mra mât uănh lĕ kan prăp ma hađăch. Geh đŏng phung kôranh phung Lêvi mra pah kan kơl khân may. Nâp nuih n'hâm hom jêh ri pah kan hom! Brah Yêhôva gŭ ndrel ma phung sŏng.”

Êsra 10:4

Ƀư hom, yorlah kan aơ jêng kan may, jêh ri hên mra kâp kơl may; ăn may janh nănh nuih jêh ri ƀư hom nau aơ!”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Ndrom Samƀŭt bơh Agê 1:13

Y-Agê, nơm mbơh bơh Brah Yêhôva, mbơh Nau Mhe Mhan Ueh Brah Yêhôva ma phung ƀon lan pô aơ: “Brah Yêhôva lah: ‘Gâp nơm gŭ ndrel ma khân may.’”

Ndrom Samƀŭt bơh Agê 2:4

Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Nau Vay Nkah Tay 31:6

Ăn dăng ktang jêh ri janh nănh! Lơi ta klach, lơi ir krit tanăp măt phung ƀon lan nây, yorlah Yêhôva Brah Ndu khân may yơh hăn ndrel ma khân may. Păng mâu mra tâm nkhah ôh bơh ma khân may, mâu lĕ chalơi khân may!”

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”