I Nau Rêh Jêng 26:28 - Nau Brah Ndu Ngơi 2023

²⁸ Lĕ rngôch ndơ nơm geh nau tâm saơ Y-Samuel, Y-Sôl (kon Y-Kis), Y-Apner (kon Y-Ner), jêh ri Y-Jôap (kon H'Sêruya), hŏ prăp êng ma nau kloh ueh, ndrel ma lĕ rngôch ndơ kloh ueh êng gŭ tâm dâng nau mât uănh Y-Sêlômôt jêh ri phung oh nâu păng da dê.

I Nau Rêh Jêng 26:28 ပူးပေါင်းရင်းမြစ်များ

I Nau Rêh Jêng 26:27

Khân păng prăp êng kloh ueh lĕ ndơ hŏ pit sŏk tâm nau tâm lơh, gay nhhơr ma nau nkra ngih Brah Yêhôva.

I Nau Rêh Jêng 26:29

Tâm noi phung Ishar, bu dơm Y-Kênania jêh ri phung kon păng jêng phung kôranh jêh ri phung kôranh phat dôih gay chiă ma lĕ nau kan phung ƀon lan Israel.

I Nau Rêh Jêng 28:12

Păng jao đŏng ma Y-Salômôn lĕ samƀŭt rup Brah Huêng Ueh ăn ma hađăch gĭt ma nhuang ngih Brah Yêhôva, ma lĕ rngôch jrô văr jŭm, ma lĕ jay prăp drăp khlay ngih Brah Ndu, jêh ri ma lĕ jay prăp ndơ kloh ueh;

I Samuel 17:55

Tâm nôk Y-Sôl saơ Y-Đavit hăn tâm lơh đah phung Philistin, păng ôp ma Y-Apner, kôranh ma phung tahan: “Ơ Y-Apner, mbu kon bu klâu ndăm rah aơ?” Y-Apner lah: “Hơi hađăch! Tĭng n'hâm may hôm rêh, gâp mâu gĭt ôh.”

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)