I Nau Rêh Jêng 26:26 - Nau Brah Ndu Ngơi 2023

²⁶ Y-Sêlômôt jêh ri phung oh nâu păng sâm dơn mât uănh lĕ rngôch ndơ kloh ueh, hađăch Đavit, phung kôranh ndŭl mpôl, phung kôranh chiă uănh toyh ma du rbăn nuyh jêh ri ma du rhiăng nuyh, jêh ri phung kôranh ma phung tahan hŏ prăp êng ma nau kloh ueh.

I Nau Rêh Jêng 26:26 ပူးပေါင်းရင်းမြစ်များ

II Samuel 8:11

Lĕ ndơ nây tâm ban lĕ, hađăch Đavit nhhơr prăp kloh ueh ma Brah Yêhôva, nâm bu păng hŏ nhhơr prăp prăk jêh ri mah bơh phung mpôl bunuyh păng hŏ tŭn jot:

I Nau Rêh Jêng 18:11

Hađăch Đavit prăp êng ma nau kloh ueh ma Brah Yêhôva lĕ ndơ dŏng nây ndrel ma prăk jêh ri mah păng pit in jêh bơh lĕ rngôch phung ntil mpôl bunuyh bơh phung Êđôm, phung Môap, phung Ammôn, phung Philistin, jêh ri phung Amalek.

I Nau Rêh Jêng 22:14

Aơ, gâp hŏ anh jêh hŏt rgănh âk ngăn gay ndrăp nkra ma ngih brah Brah Yêhôva pe rmưn tân mah, pe rmưn tân prăk; bi kông jêh ri ro loih mâu hôm dơi njing ôh, yorlah geh âk ir. Gâp tâm ban đŏng ndrăp nkra jêh tơm si jêh ri lŭ, ƀiălah may ntop đŏng ma ndơ aơ.

I Nau Rêh Jêng 26:25

Phung oh nâu Y-Sêbuel, jêng phung kon sau Y-Êliêser, geh Y-Rêhabia, kon Y-Êliêser; Y-Êsai, kon Y-Rêhabia; Y-Jôram, kon Y-Êsai; Y-Sikri, kon Y-Jôram, jêh ri Y-Sêlômôt, kon Y-Sikri.

I Nau Rêh Jêng 26:27

Khân păng prăp êng kloh ueh lĕ ndơ hŏ pit sŏk tâm nau tâm lơh, gay nhhơr ma nau nkra ngih Brah Yêhôva.

I Nau Rêh Jêng 28:21

Aơ, lĕ mpôl phung kôranh ƀư brah jêh ri phung Lêvi ndrăp jêh ƀư lĕ rngôch kan tâm ngih Brah Ndu. Tâm ăp nau kan, may geh đŏng phung blau kan maak nuih n'hâm kơl ma may ƀư lĕ kan. Lĕ rngôch phung kôranh jêh ri lĕ rngôch bunuyh ƀon lan mra tông tĭng nau ntăm may.”

I Nau Rêh Jêng 9:14

Tâm phung Lêvi geh Y-Sêmaya, kon bu klâu Y-Hasup; sau Y-Asrikam, se Y-Hasabia; lĕ rngôch jêng noi deh Y-Mêrari;

II Nau Rêh Jêng 23:8

Phung Lêvi jêh ri lĕ rngôch phung Yuđa ƀư tĭng nâm lĕ nau kôranh ƀư brah Y-Jêhôida ntĭnh jêh. Ăp nơm mât mray phung băl păng, nđâp lah phung ntơm tâm pah kan nar saƀat mâu lah phung ƀư lôch jêh pah kan tâm nar saƀat, yorlah kôranh ƀư brah Y-Jêhôida mâu ăn sĭt rlu ôh.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

Êsra 2:42

Phung kon sau phung mât njrăng mpông pêr geh: phung kon sau Y-Salum, phung kon sau Y-Ater, phung kon sau Y-Talmôn, phung kon sau Y-Akup, phung kon sau Y-Hatita, jêh ri phung kon sau Y-Sôbai, lĕ rngôch jêng du rhiăng pe jât ma sĭn nuyh.

Nêhêmi 12:45

Khân păng nđâp ma phung mprơ jêh ri phung gak njrăng mpông pêr jêng phung pah kan Brah Ndu jêh ri kan nau ƀư kloh, tĭng nâm nau ntăm tă bơh Y-Đavit jêh ri Y-Salômôn, kon bu klâu păng.