I Nau Rêh Jêng 25:6 - Nau Brah Ndu Ngơi 2023

⁶ Lĕ rngôch phung nây gŭ tâm dâng nau dơi mât uănh mbơ̆ khân păng gay ƀư kan mprơ tâm ngih Brah Yêhôva ma rgu dang nteh ăn huy, gong rêng jêh ri gong rêng loih, gay pah kan tâm ngih Brah Ndu. Y-Asap, Y-Jêduthun, jêh ri Y-Hêman gŭ tâm dâng nau dơi hađăch.

I Nau Rêh Jêng 25:6 ပူးပေါင်းရင်းမြစ်များ

II Samuel 6:5

Y-Đavit jêh ri lĕ rngôch ngih Israel kdŏ mprơ tanăp Brah Yêhôva ma lĕ ntil gong ƀư ma si sêdar, gong rêng, gong rêng loih, gâr jê̆, ndơ kreh lât ma nglau ti jêh ri ching ndrup tâm nchâm.

I Phung Hađăch 10:12

Hađăch sŏk tơm si rte nây ƀư jrŏng gâng ma ngih Brah Yêhôva jêh ri ngih hađăch, ƀư gong rêng loih jêh ri gong rêng ma phung mprơ. Ntơm bơh nây kŏ tât nar aơ, mâu geh ôh bu djôt leo tât Yêrusalem mâu lah rnoh tơm si rte âk kơt nĕ.

I Nau Rêh Jêng 15:16

Tâm ban đŏng Y-Đavit ntĭnh ma phung kôranh Lêvi ăn dơm kan phung oh nâu khân păng jêng phung mprơ mra kreh gong rêng, uh n'hôm, rgu nteh dang ăn huy gay geh bâr nteh hâk răm.

I Nau Rêh Jêng 15:19

Phung mprơ jêng Y-Hêman, Y-Asap, jêh ri Y-Êthan geh kan rgu dang nteh ma kông;

I Nau Rêh Jêng 15:22

Y-Kênania jêng kôranh ma phung Lêvi mpât mprơ geh kan leo nau mprơ, yorlah păng gĭt vât kan nây.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

II Nau Rêh Jêng 20:28

Khân păng sĭt ma ƀon Yêrusalem jêh ri tât ta ngih Brah Yêhôva tâm bâr gong rêng, uh n'hôm jêh ri bâr nŭng.

II Nau Rêh Jêng 23:13

Păng uănh saơ hađăch gŭ dâk klơ knưl ta mpông ntŭk lăp, kôranh chiă uănh toyh jêh ri phung bunuyh uh nŭng gŭ dâk êp kêng hađăch, bi lĕ rngôch phung ƀon lan tâm n'gor hâk răm uh nŭng da dê, jêh ri phung mprơ ndrel lĕ ntil gong tâm rnê da dê. Saơ pônây, H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr!”

II Nau Rêh Jêng 29:13

bơh phung noi Y-Êlisaphan geh Y-Simri jêh ri Y-Jêiêl; bơh phung noi Y-Asap geh Y-Sakari jêh ri Y-Matania;

II Nau Rêh Jêng 29:25

Hađăch dơm phung Lêvi tâm ngih Brah Yêhôva djôt dang, gong rêng jêh ri n'hôm, tĭng nâm nau vay ntrŭnh bơh Y-Đavit, jêh ri Y-Gat, jêng nơm geh nau tâm saơ ma hađăch, jêh ri bơh nơm mbơh lor Y-Nathan ntăm; yorlah nau ntrŭnh nây luh bơh Brah Yêhôva dŏng bâr mbung phung nơm mbơh lor Păng ntĭm nti.

Nêhêmi 11:17

Bi Y-Matania, kon bu klâu Y-Mika, sau Y-Sapdi, se Y-Asap, jêng kôranh gai ma nau kan tâm rnê Kôranh Brah dôl mông mbơh sơm; geh đŏng Y-Bakbukia, jêng nơm tal bar tâm phung oh nâu khân păng jêh ri Y-Apda, kon bu klâu Y-Samua, sau Y-Galal, se Y-Jêduthun.

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 12:46

Yorlah rnôk kăl e, rô̆ Y-Đavit jêh ri Y-Asap, hŏ geh phung kôranh mât uănh phung mprơ jêh ri nchih nau mprơ tâm rnê, tâm rnê lah ueh ma Brah Ndu.

Nau Mprơ Ơm 68:25

Phung mprơ hăn lor, phung kreh gong rêng tĭng groi kơi, Tâm nklang jêng phung bu ur dong gâr jê̆ goh gâr.

Êphêsô 5:19

Ăn khân may dŏng nau mprơ ơm, samƀŭt nau mprơ, jêh ri lĕ nau mprơ tâm pă uănh; mprơ, tâm rnê hom ma Kôranh Brah ma lĕ nuih n'hâm.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.