I Nau Rêh Jêng 25:1 - Nau Brah Ndu Ngơi 2023

¹ Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

I Nau Rêh Jêng 25:1 ပူးပေါင်းရင်းမြစ်များ

I Phung Hađăch 10:12

Hađăch sŏk tơm si rte nây ƀư jrŏng gâng ma ngih Brah Yêhôva jêh ri ngih hađăch, ƀư gong rêng loih jêh ri gong rêng ma phung mprơ. Ntơm bơh nây kŏ tât nar aơ, mâu geh ôh bu djôt leo tât Yêrusalem mâu lah rnoh tơm si rte âk kơt nĕ.

II Phung Hađăch 3:15

Ƀiălah aƀaơ ri, njŭn leo ma gâp du huê blau kreh gong rêng.” Ăp tơ̆ nơm nây kreh gong rêng, ti Brah Yêhôva gŭ ta klơ Y-Êlisê.

I Nau Rêh Jêng 12:28

Y-Sadôk, jêng du tahan ndăm janh ktang, jêh ri bar jât ma bar nuyh êng tâm noi deh păng jêng kôranh chiă uănh.

I Nau Rêh Jêng 13:8

Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 23:2

Y-Đavit rgum lĕ rngôch phung kôranh chiă uănh Israel ndrel ma phung kôranh ƀư brah jêh ri phung Lêvi.

I Nau Rêh Jêng 25:2

Phung kon bu klâu Y-Asap geh: Y-Sakur, Y-Yôsep, Y-Nêthania, jêh ri Y-Asarêla. Phung kon bu klâu Y-Asap pah kan tâm dâng nau dơi păng leo, bi ma Y-Asap nơm nau mbơh lor tâm dâng nau dơi hađăch gai.

I Nau Rêh Jêng 25:3

Tâm phung kon Y-Jêduthun geh Y-Gêdalia, Y-Sêri, Y-Êsai, Y-Hasabia, Y-Matithia, jêh ri Y-Simei; lĕ rngôch jêng prao nuyh pah kan tâm dâng nau dơi mbơ̆ khân păng jêng Y-Jêduthun, Y-Jêduthun nơm mbơh lor ndrel ma nau uh n'hôm ma nau tâm rnê jêh ri mât ton ma Brah Yêhôva.

I Nau Rêh Jêng 25:9

Tâm nchroh tal nguay di ma Y-Yôsep tâm noi deh Y-Asap; tơ̆ bar di ma Y-Gêdalia, ndrel ma phung oh nâu jêh ri phung kon păng, lĕ rngôch jêng jât ma bar nuyh;

I Nau Rêh Jêng 6:16

Phung kon Y-Lêvi jêng Y-Gersôm, Y-Kôhat, jêh ri Y-Mêrari.

I Nau Rêh Jêng 6:33

Nây jêng phung pah kan nđâp ma phung kon sau khân păng: Tâm phung kon sau Y-Kôhat geh Y-Hêman jêng nơm mprơ, kon Y-Yôel, Y-Yôel kon Y-Samuel,

I Nau Rêh Jêng 6:39

Oh Y-Hêman jêng Y-Asap pah kan mpeh pa ma păng. Y-Asap kon Y-Bêrêkia, Y-Bêrêkia kon bu klâu Y-Simêa,

I Nau Rêh Jêng 6:44

Phung kon sau Y-Mêrari, oh nâu khân păng, pah kan mpeh pa chiau da dê, nây jêng Y-Êthan kon Y-Kisi, Y-Kisi kon Y-Apdi, Y-Apdi kon Y-Maluk,

I Nau Rêh Jêng 9:33

Aơ jêng phung geh nau kan mprơ; phung jêng kôranh tâm noi deh tâm phung Lêvi, gŭ tâm jrô ngih brah, jêh ri mâu hôm ƀư lĕ nau kan êng yorlah khân păng pah kan nar nđâp măng.

II Nau Rêh Jêng 23:1

Tâm năm rơh pơh, Y-Jêhôida sŏk nau dăng ktang gay jă phung kôranh chiă uănh toyh ma du rhiăng bunuyh tahan jêng: Y-Asaria, kon Y-Jêrôham; Y-Ismaêl, kon Y-Jôhanan; Y-Asaria, kon Y-Ôbet; Y-Maseya, kon Y-Adaya; jêh ri Y-Êlisaphat, kon Y-Sikri. Păng ƀư nau tâm rnglăp đah phung nây.

II Nau Rêh Jêng 23:13

Păng uănh saơ hađăch gŭ dâk klơ knưl ta mpông ntŭk lăp, kôranh chiă uănh toyh jêh ri phung bunuyh uh nŭng gŭ dâk êp kêng hađăch, bi lĕ rngôch phung ƀon lan tâm n'gor hâk răm uh nŭng da dê, jêh ri phung mprơ ndrel lĕ ntil gong tâm rnê da dê. Saơ pônây, H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr!”

II Nau Rêh Jêng 23:18

Tĭng nâm di tâm ndăch Y-Đavit hŏ dơm tâm ngih Brah Yêhôva, Y-Jêhôida jao nau pah kan tâm ngih Brah Yêhôva ma phung kôranh ƀư brah jêng noi Lêvi, gay khân păng nhhơr lĕ ndơ ƀư brah gŭch ma Brah Yêhôva tĭng nâm nau nchih jêh tâm ndrom samƀŭt nau vay Y-Môis, jêh ri mprơ tâm nau hâk răm tĭng nâm nau Y-Đavit hŏ tâm nal jêh.

II Nau Rêh Jêng 23:9

Kôranh ƀư brah Y-Jêhôida sŏk tak, khêl jê̆ jêh ri toyh hađăch Đavit dơm tâm ngih Brah Ndu ăn ma phung kôranh chiă uănh toyh ma rhiăng bunuyh tahan.

II Nau Rêh Jêng 29:13

bơh phung noi Y-Êlisaphan geh Y-Simri jêh ri Y-Jêiêl; bơh phung noi Y-Asap geh Y-Sakari jêh ri Y-Matania;

II Nau Rêh Jêng 29:14

bơh phung noi Y-Hêman geh Y-Jêhiêl jêh ri Y-Simei; bơh phung noi Y-Jêduthun geh Y-Sêmaya jêh ri Y-Usiêl.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

II Nau Rêh Jêng 34:12

Lĕ phung pah kan nây răp jăp da dê. Phung Lêvi chiă uănh phung pah kan nây geh Y-Jahat jêh ri Y-Ôbadia, jêng noi deh Y-Mêrari; Y-Sakari jêh ri Y-Mêsulam jêng noi deh Y-Kôhat nđâp ma phung Lêvi êng, lĕ rngôch blau ăp ntil ndơ kreh mpât mprơ da dê.

II Nau Rêh Jêng 35:15

Phung mprơ jêng kon sau Y-Asap, gŭ ta ntŭk khân păng nơm da dê, tĭng nâm nau vay Y-Đavit, Y-Asap, Y-Hêman, jêh ri Y-Jêduthun nơm tâm saơ ma hađăch, hŏ ntăm. Phung chiă mpông pêr gŭ ta ăp mpông, mâu ŭch trơn ôh bơh kan khân păng, yorlah oh nâu khân păng jêng phung Lêvi, ndrăp nkra ndơ dŏng ăn khân păng.

II Nau Rêh Jêng 5:12

jêh ri lĕ mpôl mprơ tâm phung Lêvi, jêng Y-Asap, Y-Hêman, Y-Jêduthun ndrel kon bu klâu jêh ri oh nâu khân păng, nsoh bok ao ma bok mhay rhên, djôt rgu dang nteh ăn huy, gong rêng loih, jêh ri gong rêng gŭ mpeh luh nar nơng ƀư brah ndrel ma du rhiăng bar jât nuyh phung kôranh ƀư brah jêng phung uh nŭng.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Êsra 2:41

Phung mprơ geh: phung kon sau Y-Asap, lĕ rngôch jêng du rhiăng bar jât ma pham nuyh.

Êsra 6:18

Khân păng njêng phung kôranh ƀư brah jêh ri phung Lêvi tĭng nâm mpôl khân păng, gay pah kan ma Brah Ndu ta Yêrusalem, di nâm bu hŏ nchih tâm ndrom samƀŭt Y-Môis.

Nêhêmi 11:17

Bi Y-Matania, kon bu klâu Y-Mika, sau Y-Sapdi, se Y-Asap, jêng kôranh gai ma nau kan tâm rnê Kôranh Brah dôl mông mbơh sơm; geh đŏng Y-Bakbukia, jêng nơm tal bar tâm phung oh nâu khân păng jêh ri Y-Apda, kon bu klâu Y-Samua, sau Y-Galal, se Y-Jêduthun.

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 12:27

Tâm nar nau rƀŭn nhhơr lĕ mpêr ƀon Yêrusalem, bu prơh bunuyh kuăl phung Lêvi gŭ lam ntŭk, gay leo khân păng hăn rlet ƀon Yêrusalem, gay râng nau rƀŭn nhhơr tâm nau hâk răm, geh nau tâm rnê jêh ri bâr mprơ tâm rnê nđâp ma bâr ching ndrup tâm nchâm, gong rêng jêh ri gong rêng kreh.

Nau Mprơ Ơm 81:2

Sŏk hom ma bâr mprơ jêh ri goh gâr jê̆, Kreh gong rêng găl jêh ri uh rlet.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Êsêkiêl 40:44

Mpeh padih mpông pêr tâm trôm, geh jrô gay ăn phung mprơ ntŭk nkual meng mpeh mpông pêr pa lơ, rlet mpeh pa dâng. Ăt geh du mlâm jrô đŏng mpeh luh nar, rlet mpeh pa lơ.

I Samuel 10:5

Jêh nau nây, may mra tât ta Gibêat Êlôhim, ta nây geh du pôih tahan phung Philistin. Tơlah lĕ lăp jêh tâm ƀon, may mra mâp du mpôl mbơh lor tă bơh ntŭk prêh klơ hăn jŭr, djôt gong rêng, gâr jê̆, n'hôm, jêh ri gong rêng loih hăn lor jêh ri khân păng mra mbơh lor.