I Nau Rêh Jêng 24:6 - Nau Brah Ndu Ngơi 2023

⁶ Kôranh nchih samƀŭt Y-Sêmaya, kon Y-Nêthanel, tâm ndŭl mpôl Lêvi, nchih amoh khân păng tâm samƀŭt tanăp hađăch jêh ri phung kôranh chiă uănh, tanăp phung kôranh ƀư brah Y-Sadôk, Y-Ahimêlek kon Y-Abiathar, jêh ri tanăp phung kôranh tâm noi deh ma phung kôranh ƀư brah jêh ri phung Lêvi. Bu nchroh n'hôr du noi deh tâm phung kon sau Y-Êlêasar jêh nây tât ma noi deh tâm phung kon sau Y-Ithamar.

I Nau Rêh Jêng 24:6 ပူးပေါင်းရင်းမြစ်များ

I Phung Hađăch 4:3

Y-Êlihôrep jêh ri Y-Ahija, phung kon bu klâu Y-Sisa, jêng phung nchih samƀŭt; Y-Jêhôsaphat, kon bu klâu Y-Ahilut, jêng nơm kâp nchih prăp nau tât;

I Nau Rêh Jêng 18:16

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; Y-Sêraya jêng kôranh nchih samƀŭt.

I Nau Rêh Jêng 23:24

Aơ jêng phung kon sau Y-Lêvi tĭng nâm ndŭl mpôl khân păng, jêng kôranh tâm noi deh bu nchih amoh khân păng tĭng amoh săk ăp nơm, ntơm bơh bar jât năm leo klơ; khân păng pah kan tâm ngih Brah Yêhôva.

I Nau Rêh Jêng 24:31

Tâm ban đŏng phung oh nâu khân păng, jêng phung kon sau Y-Arôn, khân păng nchroh n'hôr tanăp hađăch Đavit, Y-Sadôk, Y-Ahimêlek, jêh ri tanăp phung kôranh tâm noi deh phung kôranh ƀư brah jêh ri phung Lêvi. Kôranh tâm noi deh tâm ban đŏng oh mpô̆t khân păng dơi nchroh n'hôr da dê.

I Nau Rêh Jêng 24:7

Tâm nchroh ntơm saơm di ma Y-Jêhôyarip, tơ̆ bar di ma Y-Jêdaya,

II Nau Rêh Jêng 34:13

Khân păng uănh đŏng phung tung mbăk jêh ri chiă uănh đơ phung pah kan ƀư ăp nau kan. Tâm phung Lêvi, geh phung jêng kôranh nchih samƀŭt, phung kôranh jêh ri phung chiă uănh mpông pêr.

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nêhêmi 8:1

Rnôk nây, lĕ rngôch phung ƀon lan tâm rƀŭn ndrel nâm bu du huê nuyh, ta nkual toyh tanăp ƀon mpông pêr Dak. Khân păng lah ma Y-Êsra jêng kôranh nchih samƀŭt djôt leo ndrom samƀŭt nau vay Y-Môis; nây jêng nau vay Brah Yêhôva hŏ ntĭm nti jêh ma phung Israel.

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Mathay 8:19

Du huê kôranh nchih samƀŭt hăn tât gay lah ma Păng: “Hơi Nơm Nti, ta ntŭk Nơm Nti hăn, gâp mra hăn tĭng ta nây.”

Markôs 2:26

Tâm rô̆ Y-Abiathar ƀư kôranh ƀư brah toyh lơn, Y-Đavit hŏ lăp tâm ngih Brah Ndu jêh ri sa piăng let nhhơr jêh ri ăn ma phung bunuyh hăn tĭng păng sa đŏng, nđâp lah piăng let nây knŏng ăn phung kôranh ƀư brah dơm dơi vay sa.”