I Nau Rêh Jêng 24:3 - Nau Brah Ndu Ngơi 2023

³ Y-Đavit ndrel ma Y-Sadôk, jêng noi deh Y-Êlêasar, jêh ri Y-Ahimêlek, jêng noi deh Y-Ithamar, tâm pă phung kon sau Y-Arôn jêng âk mbŭch tĭng nâm kan khân păng pah.

I Nau Rêh Jêng 24:3 ပူးပေါင်းရင်းမြစ်များ

II Samuel 20:25

Y-Sêva jêng kôranh nchih samƀŭt; Y-Sadôk jêh ri Y-Abiathar jêng phung kôranh ƀư brah.

II Samuel 8:17

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; jêh ri Y-Sêraya jêng kôranh nchih samƀŭt;

I Phung Hađăch 2:35

Hađăch njêng Y-Bênaya, kon bu klâu Y-Jêhôida, jêng kôranh chiă uănh tahan ntrok ma Y-Jôap, jêh ri hađăch njêng Y-Sadôk jêng kôranh ƀư brah ntrok ma Y-Abiathar.

I Nau Rêh Jêng 15:11

Y-Đavit kuăl jă phung kôranh ƀư brah Y-Sadôk, Y-Abiathar, jêh ri phung Lêvi jêng Y-Uriêl, Y-Asaya, Y-Yôel, Y-Sêmaya, Y-Êliêl, jêh ri Y-Aminadap.

I Nau Rêh Jêng 16:39

Hađăch dơm đŏng kôranh ƀư brah Y-Sadôk jêh ri phung oh nâu păng jêng phung kôranh ƀư brah pah kan panăp Ngih Bok Brah Yêhôva tâm ntŭk prêh klơ ta Gibêôn;

I Nau Rêh Jêng 18:16

Y-Sadôk, kon Y-Ahitup, jêh ri Y-Ahimêlek, kon Y-Abiathar, jêng phung kôranh ƀư brah; Y-Sêraya jêng kôranh nchih samƀŭt.

I Nau Rêh Jêng 24:31

Tâm ban đŏng phung oh nâu khân păng, jêng phung kon sau Y-Arôn, khân păng nchroh n'hôr tanăp hađăch Đavit, Y-Sadôk, Y-Ahimêlek, jêh ri tanăp phung kôranh tâm noi deh phung kôranh ƀư brah jêh ri phung Lêvi. Kôranh tâm noi deh tâm ban đŏng oh mpô̆t khân păng dơi nchroh n'hôr da dê.

I Nau Rêh Jêng 24:4

Yorlah tâm phung kon sau Y-Êlêasar geh âk lơn phung kôranh tâm noi deh ma đah phung kon sau Y-Ithamar, pôri khân păng tâm pă nâm bu pô aơ: Phung kon sau Y-Êlêasar geh jât ma prao nuyh phung kôranh tâm noi deh, jêh ri phung kon sau Y-Ithamar geh pham nuyh kôranh tâm noi deh.

I Nau Rêh Jêng 24:6

Kôranh nchih samƀŭt Y-Sêmaya, kon Y-Nêthanel, tâm ndŭl mpôl Lêvi, nchih amoh khân păng tâm samƀŭt tanăp hađăch jêh ri phung kôranh chiă uănh, tanăp phung kôranh ƀư brah Y-Sadôk, Y-Ahimêlek kon Y-Abiathar, jêh ri tanăp phung kôranh tâm noi deh ma phung kôranh ƀư brah jêh ri phung Lêvi. Bu nchroh n'hôr du noi deh tâm phung kon sau Y-Êlêasar jêh nây tât ma noi deh tâm phung kon sau Y-Ithamar.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

I Samuel 21:1

Y-Đavit hăn tât ta ƀon Nôp, tâm mâp ma kôranh ƀư brah Y-Ahimalek. Y-Ahimalek hăn văch tâm mâp ma Y-Đavit, klach sâr jêh ri ôp: “Mâm ƀư may hăn êng du huê mâu geh nuyh hăn ndrel ma may?”