I Nau Rêh Jêng 23:4 - Nau Brah Ndu Ngơi 2023

⁴ Tâm phung nây, geh bar rmưn puăn rbăn bunuyh mra mât uănh nau kan tâm ngih Brah Yêhôva, prao rbăn bunuyh mra jêng phung kôranh jêh ri phung kôranh phat dôih,

I Nau Rêh Jêng 23:4 ပူးပေါင်းရင်းမြစ်များ

I Nau Rêh Jêng 6:48

Phung oh nâu khân păng jêng phung Lêvi êng, bu dơm kan jêh ma lĕ rngôch kan ngih bok tâm Ngih Bok Brah Ndu.

II Nau Rêh Jêng 19:8

Y-Jôsaphat săch đŏng tâm phung Lêvi, kôranh ƀư brah jêh ri phung kôranh ndŭl mpôl Israel, dơm khân păng ta Yêrusalem, gay phat dôih yor ma Brah Yêhôva jêh ri dăp nkra lĕ nau dôih. Khân păng plơ̆ sĭt ta Yêrusalem da dê.

II Nau Rêh Jêng 23:18

Tĭng nâm di tâm ndăch Y-Đavit hŏ dơm tâm ngih Brah Yêhôva, Y-Jêhôida jao nau pah kan tâm ngih Brah Yêhôva ma phung kôranh ƀư brah jêng noi Lêvi, gay khân păng nhhơr lĕ ndơ ƀư brah gŭch ma Brah Yêhôva tĭng nâm nau nchih jêh tâm ndrom samƀŭt nau vay Y-Môis, jêh ri mprơ tâm nau hâk răm tĭng nâm nau Y-Đavit hŏ tâm nal jêh.

II Nau Rêh Jêng 34:13

Khân păng uănh đŏng phung tung mbăk jêh ri chiă uănh đơ phung pah kan ƀư ăp nau kan. Tâm phung Lêvi, geh phung jêng kôranh nchih samƀŭt, phung kôranh jêh ri phung chiă uănh mpông pêr.

Nêhêmi 11:22

Nơm chiă uănh phung Lêvi ta ƀon Yêrusalem jêng Y-Usi, kon bu klâu Y-Bani, sau Y-Hasabia, se Y-Matania, săn Y-Mika, tâm noi deh Y-Asap jêng phung mprơ, pah kan tâm ngih Brah Ndu.

Nêhêmi 11:9

Y-Yôel, kon bu klâu Y-Sikri, ƀư kôranh ƀon khân păng, bi Y-Yuđa, kon bu klâu Y-Hasênua ƀư kôranh groi kôranh ƀon.

Êsêkiêl 44:24

Tơlah geh nau tâm rlăch, khân păng jêng kôranh phat dôih, jêh ri phat dôih tĭng nâm nau vay Gâp. Khân păng mra djôt prăp nau vay Gâp jêh ri nau vay dăp Gâp tâm lĕ rngôch nar năng tâm rƀŭn Gâp jêh ri prăp dơi jêng kloh ueh lĕ nar saƀat Gâp.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Nau Vay Nkah Tay 16:18

“Ăn khân may sâm dơm kôranh phat dôih jêh ri kôranh chiă uănh ma lĕ ndŭl mpôl tâm lĕ ƀon Yêhôva Brah Ndu khân may mra ăn ma khân may. Khân păng mra phat dôih phung ƀon lan ma nau sŏng.