I Nau Rêh Jêng 23:31 - Nau Brah Ndu Ngơi 2023

³¹ Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

I Nau Rêh Jêng 23:31 ပူးပေါင်းရင်းမြစ်များ

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

I Nau Rêh Jêng 23:30

Ăp ôi jêh ri kêng mhaơ, khân păng mra dâk ta nây tâm rnê jêh ri mât ton ma Brah Yêhôva.

II Nau Rêh Jêng 24:14

Lah ƀư lôch jêh, khân păng leo prăk hôm e rmeh tât tanăp măt hađăch jêh ri Y-Jêhôida. Bu dŏng prăk nây ƀư lĕ ndơ dŏng ma ngih Brah Yêhôva, jêng lĕ ndơ dŏng prăp ma nau yơk mbah jêh ri nhhơr ndơ ƀư brah gŭch, kachok jêh ri lĕ ndơ dŏng ma mah jêh ri prăk. Lôch nau rêh Y-Jêhôida, bu nhhơr ƀaƀơ ndơ ƀư brah gŭch ta ngih Brah Yêhôva.

Kan Lêvi 23:24

“Ăn may ntăm hom ma phung ƀon lan Israel pô aơ: ‘Lơ nguay khay pơh jêng nar ăn ma khân may rlu, jêng du nar ndray đah tăng uh bâr nŭng, jêh ri geh du nau tâm rƀŭn kloh ueh.

Kan Lêvi 23:39

Kơt nây, ta nar jât ma prăm khay pơh, lôch jêh khân may pĕ play bơh neh, ăn khân may djôt prăp du nau rƀŭn ăn ma Brah Yêhôva tâm pơh nar. Nar tal nguay mra jêng nar rlu jêh ri nar tal pham, lôch jêh nau rƀŭn ăt jêng nar rlu đŏng.

Nau Kơp Bunuyh 10:10

Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,