I Nau Rêh Jêng 23:30 - Nau Brah Ndu Ngơi 2023

³⁰ Ăp ôi jêh ri kêng mhaơ, khân păng mra dâk ta nây tâm rnê jêh ri mât ton ma Brah Yêhôva.

I Nau Rêh Jêng 23:30 ပူးပေါင်းရင်းမြစ်များ

I Nau Rêh Jêng 23:29

nâm bu ndrăp nkra piăng let nhhơr, rnih môi dŏng ƀư ndơ ƀư brah rnih môi, ƀănh n'hơ mâu geh ndrui, lĕ ndơ gŭch ta klơ mpĭt, ndơ ƀư brah pot dak ngi ôlive, jêh ri lĕ ndơ veh.

I Nau Rêh Jêng 23:31

Ăp nar saƀat, nar rƀŭn khay mhe, jêh ri lĕ nar rƀŭn toyh, khân păng kơl mro nhhơr tanăp măt Brah Yêhôva lĕ ndơ ƀư brah gŭch, nhhơr ƀaƀơ ma Brah Yêhôva tĭng nâm nau vay ma ndơ ƀư brah.

I Nau Rêh Jêng 23:5

puăn rbăn bunuyh mât njrăng mpông pêr, jêh ri puăn rbăn bunuyh tâm rnê ma Brah Yêhôva ma gong Y-Đavit hŏ ƀư jêh prăp ma kan tâm rnê Kôranh Brah.

I Nau Rêh Jêng 9:27

Dôl măng, khân păng bê̆ch văr jŭm ngih Brah Ndu, yorlah khân păng geh nau kan gak; ăp ôi, khân păng geh nau kan pơk mpông pêr.

I Nau Rêh Jêng 9:33

Aơ jêng phung geh nau kan mprơ; phung jêng kôranh tâm noi deh tâm phung Lêvi, gŭ tâm jrô ngih brah, jêh ri mâu hôm ƀư lĕ nau kan êng yorlah khân păng pah kan nar nđâp măng.

II Nau Rêh Jêng 31:2

Hađăch Hêsêkia ndâk tay nau dăp ma phung Lêvi, tĭng nâm nau kan ăp nơm gay nhhơr ndơ ƀư brah gŭch jêh ri ndơ ƀư brah ma nau đăp mpăn, jêh ri pah kan, lah ueh, mprơ tâm rnê Păng ta lĕ ntŭk mpông pêr ngih Brah Yêhôva.

Nau Tâm Mpơl 14:3

Khân păng mprơ du nau mprơ mhe tanăp sưng hađăch, tanăp puăn mlâm mpa rêh jêh ri phung kôranh bu ranh. Mâu geh bunuyh dơi nti nau mprơ nây, knŏng phung du rhiăng puăn jât ma puăn rbăn, phung bu hŏ chuai jêh bơh neh ntu.