I Nau Rêh Jêng 23:25 - Nau Brah Ndu Ngơi 2023

²⁵ Yorlah Y-Đavit lah pô aơ: “Yêhôva Brah Ndu phung Israel ăn jêh nau đăp mpăn ma phung ƀon lan Păng, jêh ri Păng gŭ tâm ƀon Yêrusalem n'ho ro,

I Nau Rêh Jêng 23:25 ပူးပေါင်းရင်းမြစ်များ

II Samuel 7:1

Tơlah hađăch hŏ gŭ tâm ngih păng nơm, Brah Yêhôva hŏ rklaih jêh hađăch tă bơh lĕ rngôch phung rlăng gŭ văr jŭm păng jêh ri ăn ma păng geh nau đăp mpăn,

II Samuel 7:11

jêng nâm bu nôk Gâp njêng phung kôranh phat dôih chiă uănh phung ƀon lan Israel Gâp. Gâp hŏ rklaih may tă bơh lĕ rngôch phung rlăng jêh ri ăn nau đăp mpăn ma may. Rlau lơn ma nây, Brah Yêhôva lah pô aơ Păng mra ndâk ma may du nau chiă uănh.

I Phung Hađăch 8:13

Ƀiălah gâp ndâk jêh ma May du ngih brah toyh ueh ngăn ngên, Du ntŭk prăp ma May gŭ n'ho ro.”

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Nau Rêh Jêng 22:18

“Mâu di hĕ Yêhôva Brah Ndu khân may gŭ ndrel ma khân may? Păng ăn jêh ma khân may nau đăp mpăn puăn mpeh. Yorlah Păng jao jêh phung gŭ ta n'gor tâm ti gâp, jêh ri n'gor aơ hŏ lăp jêh tanăp Brah Yêhôva jêh ri phung ƀon lan Păng.

II Nau Rêh Jêng 23:18

Tĭng nâm di tâm ndăch Y-Đavit hŏ dơm tâm ngih Brah Yêhôva, Y-Jêhôida jao nau pah kan tâm ngih Brah Yêhôva ma phung kôranh ƀư brah jêng noi Lêvi, gay khân păng nhhơr lĕ ndơ ƀư brah gŭch ma Brah Yêhôva tĭng nâm nau nchih jêh tâm ndrom samƀŭt nau vay Y-Môis, jêh ri mprơ tâm nau hâk răm tĭng nâm nau Y-Đavit hŏ tâm nal jêh.

Nau Mprơ Ơm 135:21

Tâm rnê hom ma Brah Yêhôva bơh Siôn Jêng Nơm gŭ ta Yêrusalem! Halêluya!

Nau Mprơ Ơm 68:16

Ơ lĕ yôk geh âk ntŭk dŭt prêh klơ, mâm ƀư khân may uănh tâm rmot Yôk Brah Ndu săch jêh ƀư ntŭk Păng gŭ? Nanê̆, Brah Yêhôva mra gŭ ta nây n'ho ro.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Mprơ Ơm 9:11

Mprơ tâm rnê hom ma Brah Yêhôva jêng Nơm gŭ tâm ƀon Siôn! Mbơh hom nau kan Păng ta nklang phung ƀon lan.

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh

Yôsuê 23:1

Tơlah Brah Yêhôva ăn nau mpăn rlêk ma phung Israel jŏ jêh, mâu hôm geh phung rlăng gŭ văr jŭm khân păng, jêh ri tơlah Y-Yôsuê lĕ ranh, gŭ rêh jŏ năm jêh,