I Nau Rêh Jêng 22:9 - Nau Brah Ndu Ngơi 2023

⁹ Aơ, bu mra deh ma may du huê kon bu klâu, păng jêng du huê bunuyh đăp mpăn. Gâp mra ăn ma păng nau đăp mpăn, phung rlăng gŭ jŭm păng mâu mra hôm ôh ƀư rkhŭk păng; yor ri, amoh păng jêng Y-Salômôn. Tâm rô̆ păng, Gâp mra ăn phung Israel đăp mpăn, gŭ păn thơ.

I Nau Rêh Jêng 22:9 ပူးပေါင်းရင်းမြစ်များ

I Phung Hađăch 1:13

Hăn hom mpơl măt tanăp hađăch Đavit jêh ri lah pô aơ: ‘Hơi hađăch, kôranh gâp! Mâu di hĕ hađăch lĕ sơm ton đah oh mon bu ur may pô aơ: “Kon bu klâu may jêng Y-Salômôn nanê̆ mra chiă uănh thoi ntrok may jêh ri păng mra gŭ ta sưng hađăch gâp?” Pônây, mâm dĭng Y-Adônija ƀư đŏng hađăch?’

I Phung Hađăch 2:15

Păng ngơi: “Nanê̆ ay hŏ gĭt pô aơ ƀon bri hađăch aơ jêng ndơ gâp, jêh ri lĕ rngôch phung Israel gŭ kâp gâp da dê chiă uănh. Ƀiălah ƀon bri hađăch hŏ jêng ndơ oh gâp, yorlah nây jêng nau mĭn ŭch tă bơh Brah Yêhôva.

I Phung Hađăch 3:7

Aƀaơ aơ, hơi Brah Yêhôva jêng Brah Ndu gâp, Kôranh Brah nơm hŏ ƀư ăn ma oh mon May gŭ ta sưng hađăch chiă uănh thoi ntrok Y-Đavit, mbơ̆ gâp, nđâp lah gâp jêng knŏng du huê kon se jê̆ mâu gĭt ôh mâm nau mât uănh bri dak.

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Phung Hađăch 4:24

Yorlah Y-Salômôn chiă uănh lĕ nkual mpeh nhâp nar dak krong Ơphrat jêh ri phung hađăch lĕ nkual nây, ntơm bơh Tipsa tât ma Gaxa, pôri lam puăn mpeh geh da dê nau đăp mpăn.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

I Phung Hađăch 5:4

Ƀiălah aƀaơ ri, Yêhôva Brah Ndu gâp, ăn jêh ma gâp dơi đăp mpăn gŭ jŭm, mâu hôm geh ôh phung rlăng, mâu đŏng hôm geh nau mhĭk tât.

I Phung Hađăch 8:56

“Mât ton ma Brah Yêhôva, Nơm ăn jêh ma phung ƀon lan Israel Păng geh nau rlu tĭng nâm lĕ rngôch nau Păng hŏ ntăm jêh! Tâm lĕ rngôch nau ton ueh Păng hŏ ntăm jêh ma Y-Môis, oh mon Păng, mâu geh ôh du bâr ngơi mâu hoch.

I Nau Rêh Jêng 17:11

Jêh nây tơlah tât jêh nar may mra khĭt hăn gŭ ndrel ma phung chô yau may, Gâp mra njêng noi deh may, jêng du huê tâm phung kon bu klâu may, n'hao chiă uănh ntrok may; Gâp mra ƀư nâp ktang ma ƀon bri hađăch păng.

I Nau Rêh Jêng 22:18

“Mâu di hĕ Yêhôva Brah Ndu khân may gŭ ndrel ma khân may? Păng ăn jêh ma khân may nau đăp mpăn puăn mpeh. Yorlah Păng jao jêh phung gŭ ta n'gor tâm ti gâp, jêh ri n'gor aơ hŏ lăp jêh tanăp Brah Yêhôva jêh ri phung ƀon lan Păng.

II Nau Rêh Jêng 6:15

Ma đah oh mon May jêng Y-Đavit, mbơ̆ gâp; Kôranh Brah djôt prăp nau May hŏ ton ma păng. Nanê̆ ngăn, moh ntil bâr May lah jêh, ma ti May hŏ ƀư lôch jêh di nâm bu hŏ geh nar aơ.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 72:1

Ơ Brah Ndu, dăn ăn nau di May ma hađăch, Jêh ri ăn nau sŏng srăng May ma kon bu klâu hađăch.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Êsai 45:7

Gâp jêng Nơm njêng nau ang jêh ri nau ngo, Ƀư nau đăp mpăn jêh ri njêng nau tât; Gâp nơm yơh, Brah Yêhôva, jêng Nơm ƀư lĕ rngôch nau aơ.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Phung Kôranh Phat Dôih 6:24

Y-Gidêôn ndâk ta nây du nơng ƀư brah ma Brah Yêhôva jêh ri ntơ amoh jêng Brah Yêhôva Salôm. Nơng ƀư brah nây hôm e ta Ôphra, jêng ndơ phung Abiêser, kŏ tât ta nar aơ.