I Nau Rêh Jêng 22:6 - Nau Brah Ndu Ngơi 2023

⁶ Nôk nây, Y-Đavit kuăl kon bu klâu păng jêng Y-Salômôn jêh ri ntĭnh ma păng gay ăn păng ndâk du mlâm ngih ma Brah Yêhôva Israel.

I Nau Rêh Jêng 22:6 ပူးပေါင်းရင်းမြစ်များ

Nau Ntơm 12:20

Pharaôn đă tahan păng njŭn Y-Abram jêh ri ur păng nđâp ma lĕ rngôch drăp ndơ păng geh du luh bơh n'gor nây.

II Samuel 7:1

Tơlah hađăch hŏ gŭ tâm ngih păng nơm, Brah Yêhôva hŏ rklaih jêh hađăch tă bơh lĕ rngôch phung rlăng gŭ văr jŭm păng jêh ri ăn ma păng geh nau đăp mpăn,

I Phung Hađăch 2:1

Tơlah dăch tât nar Y-Đavit khĭt, păng ntĭm nti ma Y-Salômôn, kon bu klâu păng pô aơ:

I Nau Rêh Jêng 17:1

Tơlah Y-Đavit gŭ jêh tâm nau mpăn rlêk ta ngih păng nơm, păng ngơi đah nơm mbơh lor Y-Nathan: “Aơ, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Yêhôva gŭ tâm ngih bok.”

I Nau Rêh Jêng 28:2

Hađăch Đavit dâk jêh ri ngơi: “Hơi phung oh nâu jêh ri phung ƀon lan gâp, iăt hom! Gâp geh nau mĭn ndâk du mlâm ngih brah gay dơm Hip Nau Tâm Rnglăp Brah Yêhôva, jêh ri jêng rnơl chrong jâng ma Brah Ndu he. Gâp lĕ ndrăp nkra jêh ndơ dŏng prăp ndâk ngih.

Nau Kơp Bunuyh 27:23

Y-Môis pah ti păng ta klơ Y-Yôsuê jêh ri jao nau kan ma păng di nâm nau Brah Yêhôva ntĭnh jêh ma Y-Môis.

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

Nau Vay Nkah Tay 31:14

Brah Yêhôva lah ma Y-Môis: “Aơ, nar may mra khĭt hŏ dăch jêh. Kuăl hom Y-Yôsuê jêh nây lĕ bar hê mra tâm mpơl măt ta Ngih Bok Nau Tâm Rƀŭn gay Gâp ntăm ma păng.” Pôri Y-Môis jêh ri Y-Yôsuê tâm mpơl măt ta Ngih Bok Nau Tâm Rƀŭn.

Nau Vay Nkah Tay 31:23

Brah Yêhôva ntĭnh ma Y-Yôsuê, kon bu klâu Y-Nun pô aơ: “Ăn dăng ktang jêh janh nanh hom, yorlah may mra njŭn leo phung kon Israel lăp tâm n'gor Gâp hŏ ton jêh ăn ma khân păng. Bi Gâp, Gâp mra gŭ ndrel ma may.”

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

II Timôthê 4:1

Tanăp Brah Ndu jêh ri Brah Yêsu Krist, jêng Nơm mra phat dôih phung rêh jêh ri phung khĭt, jêh ri yor nau Păng tâm mpơl tât jêh ri ƀon bri hađăch Păng, gâp mbơh ăn ma may: