I Nau Rêh Jêng 22:5 - Nau Brah Ndu Ngơi 2023

⁵ Y-Đavit lah: “Y-Salômôn, kon bu klâu gâp, hôm ndăm jêh ri ê hŏ blau kan, ƀiălah ngih brah mra ndâk ma Brah Yêhôva toyh ngăn ngên, chrêk rmah jêh ri lư n'găr lam bri dak. Pônây, gâp mra ndrăp ma păng.” Yor ri, Y-Đavit ndrăp âk ngăn ndơ dŏng êlor păng khĭt.

I Nau Rêh Jêng 22:5 ပူးပေါင်းရင်းမြစ်များ

I Phung Hađăch 3:7

Aƀaơ aơ, hơi Brah Yêhôva jêng Brah Ndu gâp, Kôranh Brah nơm hŏ ƀư ăn ma oh mon May gŭ ta sưng hađăch chiă uănh thoi ntrok Y-Đavit, mbơ̆ gâp, nđâp lah gâp jêng knŏng du huê kon se jê̆ mâu gĭt ôh mâm nau mât uănh bri dak.

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

II Nau Rêh Jêng 13:7

Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.

II Nau Rêh Jêng 2:4

Nar aơ, gâp ntơm ndâk du mlâm ngih brah ma amoh Yêhôva Brah Ndu gâp, prăp êng ngih brah nây jêng kloh ueh ma Păng, gay gŭch ndơ ƀâu kah panăp Păng, nhhơ piăng let nhhơr ƀaƀơ, nhhơr ndơ ƀư brah gŭch ăp kêng ôi jêh ri kêng mhaơ, tâm nar lĕ saƀat, nar rƀŭn khay mhe, mâu lah lĕ nar rƀŭn Yêhôva Brah Ndu ma hên. Nây jêng lĕ du nau vay rƀŭn n'ho ro ma phung Israel.

II Nau Rêh Jêng 2:5

Gâp ntơm ndâk ngih brah jêng toyh ueh ngăn ngên, yorlah Brah Ndu hên jêng toyh lơn ma lĕ rngôch brah.

II Nau Rêh Jêng 2:8

Ăt njuăl đŏng ăn ma gâp tơm si sêdar, tơm si chiprơ jêh ri tơm si rte bơh bri Liban. Yorlah gâp gĭt ma phung oh mon may blau kăl tơm si tâm bri Liban. Phung oh mon gâp mra tâm rnglăp ndrel ma phung oh mon may

II Nau Rêh Jêng 7:21

Nđâp lah ngih brah aơ toyh ueh ngăn ngên, ƀiălah nôk lĕ rngôch bunuyh hăn rgăn păng ăt bu mra hih rhâl jêh ri ôp pô aơ: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

Êsra 3:12

Âk phung kôranh ƀư brah, phung Lêvi, kôranh ƀon, jêng phung bu ranh hŏ saơ ngih brah kăl e ri, khân păng nhĭm nter dôl nôk saơ mbon ngih brah mhe bu hŏ ndâk njêng jêh, nôk nây geh âk đŏng phung êng troh nter yorlah răm rhơn.

Nau Hôr 4:3

Lah hôm kon se jê̆, gâp jêng kon bu klâu ma mbơ̆ gâp, Knŏng du huê kon dul dĭng mê̆ gâp rŏng hâu ngăn.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 64:11

Ngih brah hên kloh ueh, Jêng ntŭk phung chô yau hên tâm rnê ma May Bu su jêh ma ŭnh; Lĕ rngôch ndơ khlay hên bu ƀư rai da dê jêh.

Êsêkiêl 7:20

Đơ ndơ nkrơ̆ săk ƀư ăn ma nau sưr khân păng jêh ri khân păng dŏng ndơ nây ƀư lĕ rup brah mhĭk jêh ri ndơ tâm rmot. Yor nây, Gâp hŏ ƀư ăn ndơ nây jêng ndơ ƀơ̆ ƀơch ma khân păng!

Ndrom Samƀŭt bơh Agê 2:3

‘Mbu tâm khân may jêng bunuyh hôm e hŏ tă saơ nau chrêk rmah ngih brah aơ ntơm saơm? Jêh ri aƀaơ, mâm khân may saơ păng? Mâu di bơh jêng tâm dâng măt khân may, păng mâu hôm đŏng geh du ntil ndơ?’

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Luka 21:5

Geh ƀaƀă bunuyh ngơi ma ngih brah dơi ƀư ueh ma lŭ ueh jêh ri ndơ nhhơr, Brah Yêsu lah:

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 3:30

Păng khư geh nau tâm n'hao prêh, bi gâp ăn trŭnh tâm dâng.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.