I Nau Rêh Jêng 22:2 - Nau Brah Ndu Ngơi 2023

² Y-Đavit ntĭnh rgum lĕ phung bu năch gŭ tâm n'gor Israel, jêh ri păng ntĭnh ma phung châm trah lŭ gay ndâk ngih Brah Ndu.

I Nau Rêh Jêng 22:2 ပူးပေါင်းရင်းမြစ်များ

II Samuel 5:11

Y-Hiram, hađăch ƀon Tyre, prơh phung mbơh hăn tât ma Y-Đavit, djôt leo tơm si sêdar, jêh ri phung trah si, phung tơng châm lŭ gay rdâk ngih hađăch ma Y-Đavit.

I Phung Hađăch 6:7

Tơlah ƀư ngih, bu sŏk dŏng lŭ hŏ trah ơm jêh ta ntu lŭ, pôri dôl bu ndâk ngih mâu tăng nteh ôh me nôp, nteh sung mâu lah ăp ndơ dŏng ma loih.

II Phung Hađăch 12:12

phung ndâk lŭ jêh ri phung châm lŭ, pah kan nau nkra tay ngih Brah Yêhôva. Khân păng dŏng đŏng prăk nây rvăt tơm si jêh ri lŭ chah gay nkra tay lĕ ntŭk bluh sat ngih Brah Yêhôva, jêh ri moh ntil nau kan nkra tay ngih.

II Phung Hađăch 22:6

jêng phung trah si, phung ndâk jêh ri phung ndâk lŭ. Khân păng dŏng đŏng prăk nây rvăt tơm si jêh ri lŭ trah jêh gay nkra ngih brah.

I Nau Rêh Jêng 14:1

Y-Hiram, hađăch ƀon Tyre, prơh phung mbơh djôt leo phung ndâk lŭ, phung trah si nđâp âk tơm si sêdar tât gay rdâk ma hađăch Đavit du ngih hađăch.

I Nau Rêh Jêng 29:1

Y-Đavit lah ma lĕ rngôch phung tâm rƀŭn: “Y-Salômôn, kon gâp, knŏng êng păng Brah Ndu hŏ săch jêh, hôm ndăm jêh ri hom pưt nau gĭt mĭn, jêh ri kan jêng toyh; yorlah ngih brah nây mâu di ndâk ma bunuyh ôh, ƀiălah mra prăp ma Yêhôva Brah Ndu.

II Nau Rêh Jêng 2:16

Bi hên mra kăl tơm si ta klơ yôk Liban tĭng nâm may ŭch, kât nsum jêng nâm bu rkĭt njŭn tât ta Jôpa tĭng trong dak mƀŭt; jêh nây may mra rdeng păng tât ta Yêrusalem.”

II Nau Rêh Jêng 2:17

Y-Salômôn kơp lĕ rngôch phung bu năch gŭ tâm bri dak Israel, tĭng nâm nau kơp Y-Đavit, mbơ̆ păng, lĕ rngôch geh du rsen prăm rmưn pe rbăn prao rhiăng nuyh.

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Êphêsô 2:12

Kah gĭt hom rnôk nây, gŭ ta neh ntu aơ, khân may mâu geh Brah Krist ôh; mâu geh nau dơi jêng phung ƀon lan Israel ôh, jêng bu năch ma nau tâm rnglăp bơh nau ton, mâu geh nau kâp gân, mâu geh Brah Ndu ôh.