I Nau Rêh Jêng 22:19 - Nau Brah Ndu Ngơi 2023

¹⁹ Pôri aƀaơ, ma lĕ nuih n'hâm jêh ri lĕ mĭn khân may joi hom Yêhôva Brah Ndu khân may. Ntơm ndâk hom ngih brah kloh ueh ma Yêhôva Brah Ndu, gay ma Hip Nau Tâm Rnglăp Brah Yêhôva jêh ri lĕ ndơ dŏng kloh ueh Brah Ndu dơm tâm ngih brah ndâk jêh ma amoh Brah Yêhôva.”

I Nau Rêh Jêng 22:19 ပူးပေါင်းရင်းမြစ်များ

I Phung Hađăch 5:3

“May hŏ gĭt nanê̆ ngăn ma mbơ̆ gâp Y-Đavit mâu dơi ndâk ôh du mlâm ngih ma amoh Yêhôva Brah Ndu păng, yorlah nau păng tâm lơh đah phung rlăng gŭ jŭm păng, kŏ tât Brah Yêhôva dơm jêh phung rlăng nây tâm dâng jâng păng.

I Phung Hađăch 8:21

Ta aơ, gâp hŏ rơm ndrăp jêh du ntŭk gay n'gân Hip Nau Tâm Rnglăp, tâm nây geh nau tâm rnglăp Brah Yêhôva, jêng tâm rnglăp Păng hŏ njêng jêh đah phung chô yau he, dôl njŭn leo khân păng luh bơh neh Êjipt.”

I Phung Hađăch 8:6

Phung kôranh ƀư brah tung Hip Nau Tâm Rnglăp Brah Yêhôva n'gân tâm ntŭk ta trôm dŭt ngih brah, jêng Ntŭk Dŭt Kloh Ueh, tâm dâng nting năr chêrubim.

I Nau Rêh Jêng 16:10

Tâm rnê hom ma amoh kloh ueh Păng; Ăn nuih n'hâm phung joi Brah Yêhôva, răm maak hom!

I Nau Rêh Jêng 16:11

Joi hom Brah Yêhôva jêh ri nau ktang Păng, Joi hom muh măt Păng ƀaƀơ!

I Nau Rêh Jêng 22:16

phung blau ma mah, prăk, kông, jêh ri loih jêng âk ir mâu dơi kơp ôh. Dâk pah kan hom! Brah Yêhôva mra gŭ n'hanh may.”

I Nau Rêh Jêng 22:7

Y-Đavit lah ma Y-Salômôn: “Hơi kon, gâp geh nau mĭn ŭch ndâk du mlâm ngih brah ma amoh Yêhôva Brah Ndu gâp.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

II Nau Rêh Jêng 5:7

Phung kôranh ƀư brah djôt leo Hip Nau Tâm Rnglăp Brah Yêhôva lăp tâm ntŭk prăp ăn Hip ta jrô tâm trôm ngih brah, tâm dâng nting năr chêrubim.

II Nau Rêh Jêng 6:11

Ta nây, gâp hŏ dơm jêh Hip geh nau tâm rnglăp Brah Yêhôva ƀư jêh đah phung ƀon lan Israel.”

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 14:2

Brah Yêhôva klơ trôk uănh ma phung kon bunuyh Gay uănh nơm geh nau blau mĭn, Tĭng joi Brah Ndu lĕ.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Ngluh Êjipt 25:8

Khân păng mra ƀư ma Gâp du Ngih Brah Kloh Ueh gay Gâp gŭ tâm nklang khân păng.

Êsai 60:1

Dâk hom jêh ri sol ang hom! Yorlah nau ang may tât jêh, Jêh ri nau chrêk rmah Brah Yêhôva sol ang jêh ta klơ may.

Yêrêmi 29:13

Khân may mra joi Gâp jêh ri dơi mâp, lah khân may tĭng joi Gâp ma lĕ nuih n'hâm.”

Daniel 9:3

Gâp rle muh măt ma Kôranh Brah jêng Brah Ndu ŭch tĭng joi, mbơh sơm, vơl dăn ma nau ât sông sa, put bok ƀau jêh ri srih buh klơ bôk.

Ndrom Samƀŭt bơh Agê 1:5

Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Ndrom Samƀŭt bơh Agê 1:8

Hăn hao hom klơ yôk djôt nsĭt tơm si jêh ri ndâk ngih brah, gay ma Gâp geh nau maak nuih n'hâm ma păng jêh ri Gâp mra geh nau tâm rnê,’ Brah Yêhôva lah pônây.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 22:16

Aƀaơ ri, moh ndơ may gŭ kâp? Dâk hom, kuăl mbơh sơm ma amoh Kôranh Brah gay dơn nau ƀaptem jêh ri ƀư kloh nau tih may.’

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.