I Nau Rêh Jêng 22:13 - Nau Brah Ndu Ngơi 2023

¹³ Tơlah may njrăng tĭng lĕ nau vay dăp jêh ri lĕ nau vay ƀư bơh Brah Yêhôva hŏ ngơi jêh ma Y-Môis ntăm ma phung Israel, may mra geh nau dơi. Dăng ktang hom jêh ri nâp nuih n'hâm! Lơi klach ôh, lơi rdja nuih ôh!

I Nau Rêh Jêng 22:13 ပူးပေါင်းရင်းမြစ်များ

I Phung Hađăch 2:2

“Gâp lĕ dăch dâk hăn trong lĕ rngôch bunuyh klơ neh ntu hăn. Pônây, Ăn may jêng ktang jêh ri mpơl may nơm jêng du huê bunuyh kôranh!

I Phung Hađăch 2:3

Djôt prăp hom moh nau Yêhôva Brah Ndu ŭch ma may djôt prăp, chuat tâm trong Păng, djôt prăp lĕ nau vay dăp, lĕ nau vay ntăm jêh ri lĕ nau vay ƀư, jêh ri nau Păng nti tĭng nâm hŏ nchih jêh tâm nau vay Y-Môis, gay ăn may geh nau dơi jêng tâm lĕ rngôch kan may ƀư jêh ri ta lĕ rngôch ntŭk may hăn.

I Nau Rêh Jêng 28:10

Aƀaơ aơ, njrăng hom, yorlah Brah Yêhôva săch jêh may ăn may ndâk du mlâm ngih brah prăp ma ntŭk kloh ueh Păng. Dăng ktang hom, jêh ri ƀư nau nây!”

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

I Nau Rêh Jêng 28:7

Tơlah păng ton thoi djôt prăp lĕ nau vay ntăm jêh ri nau Gâp ntrŭnh nâm bu nar aơ, Gâp mra ƀư ăn ƀon bri hađăch păng nâp n'ho ro.’

II Nau Rêh Jêng 14:6

Păng ndâk njêng âk ƀon mpêr nâp ngăn tâm bri Yuđa, yorlah n'gor bri nây geh nau đăp mpăn. Tâm rnôk nây mâu geh ôh nau tâm lơh, yorlah Brah Yêhôva hŏ ăn jêh ma khân păng rlu đăp mpăn.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

II Nau Rêh Jêng 32:7

“Ƀư ktang hom jêh ri nâp nuih n'hâm! Lơi ta klach, lơi ta krit kir tanăp măt hađăch Asiri jêh ri mpôl phung tahan âk râk tĭng păng, yorlah Nơm gŭ ndrel he dơi lơn đah nơm gŭ ndrel păng;

Nau Mprơ Ơm 1:3

Bunuyh nây mra jêng nâm bu tơm si tăm dăch n'hor dak, Luh kao play di yan di khay, N'ha păng mâu blau nhop kro ôh. Lĕ nau păng ƀư dơi jêng da dê.

Nau Mprơ Ơm 119:6

Tơlah gâp gơih mĭn ma lĕ nau vay May ntăm. Pôri gâp mâu mra bêk ôh.

Nau Mprơ Ơm 72:1

Ơ Brah Ndu, dăn ăn nau di May ma hađăch, Jêh ri ăn nau sŏng srăng May ma kon bu klâu hađăch.

Ndrom Samƀŭt bơh Agê 2:4

Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

Mathay 3:15

Brah Yêsu plơ̆ lah: “Aƀaơ aơ ƀư hom, yorlah phung he ŭch ƀư lôch lĕ rngôch nau sŏng srăng.” Pôri, Y-Yôhan tông nau Păng lah.

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Galati 6:2

Kơl tâm anh hom nau jâk jêr ndrăng khân may; khân may mra ƀư lôch nau vay Brah Krist.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

II Timôthê 2:1

Pôri hơi kon, rnơm hom nau yô̆ tâm Brah Yêsu Krist gay ma ƀư ktang ma may nơm.

Yakơ 2:8

Tơlah nanê̆ khân may tông ma nau vay Hađăch, tĭng nâm Nau Brah Ndu Ngơi: “Rŏng hom ma phung chiau meng nâm bu khân may nơm lĕ” khân may gŭ ngao di.

Yôsuê 1:18

Mbu tâm rdâng đah nau may ntăm jêh ri mâu tông ôh lĕ nau may ngơi, bu mra nkhĭt lơi nơm nây. Knŏng dăn may janh ktang jêh ri nănh nuih n'hâm.”