I Nau Rêh Jêng 22:12 - Nau Brah Ndu Ngơi 2023

¹² Dăn ma Brah Yêhôva ăn ma may nau gĭt mĭn jêh ri nau gĭt rbăng gay may chiă uănh phung Israel jêh ri djôt prăp nau vay Yêhôva Brah Ndu may.

I Nau Rêh Jêng 22:12 ပူးပေါင်းရင်းမြစ်များ

I Phung Hađăch 2:3

Djôt prăp hom moh nau Yêhôva Brah Ndu ŭch ma may djôt prăp, chuat tâm trong Păng, djôt prăp lĕ nau vay dăp, lĕ nau vay ntăm jêh ri lĕ nau vay ƀư, jêh ri nau Păng nti tĭng nâm hŏ nchih jêh tâm nau vay Y-Môis, gay ăn may geh nau dơi jêng tâm lĕ rngôch kan may ƀư jêh ri ta lĕ rngôch ntŭk may hăn.

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

Nau Mprơ Ơm 119:34

Dăn May ăn ma gâp nau gĭt rbăng gay gâp djôt prăp Jêh ri lĕ nuih n'hâm djôt prăp nau vay May.

Nau Mprơ Ơm 72:1

Ơ Brah Ndu, dăn ăn nau di May ma hađăch, Jêh ri ăn nau sŏng srăng May ma kon bu klâu hađăch.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Nau Vay Nkah Tay 4:6

Pôri, ăn khân may djôt prăp jêh ri ƀư tĭng nâm lĕ nau ntăm ƀư jêh ri nau vay, yor tă bơh nau nây phung ƀon lan mra saơ nau blau mĭn jêh ri nau gĭt rbăng khân may. Lah tăng lĕ nau vay dăp aơ khân păng mra lah: ‘Knŏng geh phung ndŭl mpôl toyh aơ nanê̆ jêng du phung ƀon lan blau mĭn jêh ri gĭt rbăng!’

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.