I Nau Rêh Jêng 21:5 - Nau Brah Ndu Ngơi 2023

⁵ Y-Jôap mbơh ma Y-Đavit lĕ rngôch phung ƀon lan kơt aơ: Tâm lĕ n'gor Israel geh du rkeh ma du rsen bunuyh dơi djôt đao; tâm Yuđa geh puăn rsen pơh rmưn dơi djôt đao.

I Nau Rêh Jêng 21:5 ပူးပေါင်းရင်းမြစ်များ

II Samuel 24:9

Y-Jôap mbơh ma hađăch rnoh kơp phung ƀon lan hŏ dơi kơp: Tâm phung Israel geh pham rsen bunuyh janh ktang dơi djôt đao, jêh ri tâm phung Yuđa geh prăm rsen nuyh.

I Nau Rêh Jêng 21:4

Ƀiălah nau ngơi hađăch dơi lơn đah nau ngơi Y-Jôap. Yor ri, Y-Jôap dâk hăn lam n'gor Israel jêh nây plơ̆ sĭt ma Yêrusalem.

I Nau Rêh Jêng 27:23

Y-Đavit mâu kơp ôh phung Israel tâm dâng bar jât năm, yorlah Brah Yêhôva ton jêh, Păng mra ƀư ăn phung Israel jêng bĭk rơ̆ nâm bu mănh klơ trôk.

I Nau Rêh Jêng 27:24

Y-Jôap, kon H'Sêruya, ntơm kơp rnoh bunuyh ƀiălah mâu dơi lôch ôh. Yorlah kan nây nau Brah Ndu ji nuih tât ma phung Israel, jêh ri păng mâu nchih ôh amoh kơp tâm ndrom samƀŭt nau rêh jêng ma hađăch Đavit.