I Nau Rêh Jêng 21:26 - Nau Brah Ndu Ngơi 2023

²⁶ Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

I Nau Rêh Jêng 21:26 ပူးပေါင်းရင်းမြစ်များ

I Phung Hađăch 18:24

Jêh ma nây, kuăl mbơh sơm hom amoh brah khân may! Bi gâp, gâp mra kuăl Brah Yêhôva. Mbu brah plơ̆ sĭt lah ma ŭnh, păng nây yơh jêng Brah Ndu.” Lĕ rngôch phung ƀon lan plơ̆ lah da dê: “Nau ngơi nây di ngăn jêh.”

I Phung Hađăch 18:38

Ŭnh Brah Yêhôva trŭnh bơh klơ, su ndơ ƀư brah gŭch, long, lŭ, ndruyh neh, jêh ri djrêp lơi dak tâm n'hor.

I Nau Rêh Jêng 21:27

Brah Yêhôva ntăm ma tông mpăr ntrŭp đao tâm ndrop.

II Nau Rêh Jêng 3:1

Y-Salômôn ntơm ndâk ngih Brah Yêhôva, tâm Yêrusalem klơ yôk Môria, jêng ntŭk Brah Yêhôva hŏ tâm mpơl jêh ma Y-Đavit, mbơ̆ păng. Nĕ jêng ntŭk Y-Đavit hŏ nchŏng jêh gay ndâk tâm ntŭk mprah ba Y-Ôrnan, bunuyh Jêbusit.

II Nau Rêh Jêng 7:1

Tơlah Y-Salômôn mbơh sơm lôch jêh, ŭnh tă bơh trôk su ndơ ƀư brah gŭch jêh ri mpa ƀư brah. Nau chrêk rmah Brah Yêhôva bêng ngih brah.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Kan Lêvi 9:24

Du chiông ŭnh luh tă bơh tanăp Brah Yêhôva jêh ri su lĕ ndơ ƀư brah gŭch jêh ri ngi ta klơ nơng ƀư brah. Tơlah lĕ rngôch phung ƀon lan saơ nau nây, lĕ rngôch bunuyh ƀon lan nter răm maak jêh ri chon mon ta neh.

Nau Kơp Bunuyh 16:50

Y-Arôn plơ̆ sĭt ma Y-Môis ta mpông Ngih Bok Nau Tâm Rƀŭn jêh ri nau tât mhĭk dơi nsrŭng.

Phung Kôranh Phat Dôih 13:20

Tơlah chiông ŭnh tă bơh nơng ƀư brah hao leo klơ trôk tông mpăr Brah Yêhôva tâm ban đŏng hao tâm chiông ŭnh tă bơh nơng nây. Saơ pônây, Y-Manôa jêh ri ur păng uănh nau nây khân păng păn muh măt ta neh.

Phung Kôranh Phat Dôih 6:21

Nôk nây, tông mpăr Brah Yêhôva djôt mâng jra ta ti, nđĭl chiông mâng ta puăch jêh ri ta piăng let mâu geh ndrui. Geh ŭnh hit tă bơh lŭ su puăch jêh ri piăng let mâu geh ndrui. Jêh nây tông mpăr Brah Yêhôva du roh tanăp măt păng.