I Nau Rêh Jêng 21:23 - Nau Brah Ndu Ngơi 2023

²³ Y-Ôrnan lah ma Y-Đavit: “Dăn hađăch sŏk hom ntŭk mprah ba! Dăn kôranh gâp ƀư hom moh nau may mĭn ueh. Aơ, gâp ăn ndrôk ma hađăch dŏng ƀư ma ndơ ƀư brah gŭch, ndơ mprah ba ƀư long, bi ba ƀlê prăp ndơ ƀư brah rnih môi; gâp ăn lĕ ndơ nây.”

I Nau Rêh Jêng 21:23 ပူးပေါင်းရင်းမြစ်များ

I Phung Hađăch 19:21

Luh bơh Y-Êli, Y-Êlisê hăn sĭt ngih păng gay nhŭp du gu ndrôk sreh khân păng, jêh ri sŏk kai ƀư long gay gâm puăch ăn lĕ rngôch bunuyh sa. Jêh nây Y-Êlisê dâk hăn tĭng ndô̆ Y-Êli jêh ri pah kan ma păng.

I Nau Rêh Jêng 21:22

Y-Đavit lah ma Y-Ôrnan: “Ăn hom ma gâp ntŭk mprah ba aơ. Tăch hom di rnoh khlay gay gâp dơi ndâk du nơng ƀư brah ma Brah Yêhôva gay ma nau mhĭk nsrŭng, mâu hôm ăn tât ta phung ƀon lan.”

I Nau Rêh Jêng 21:24

Hađăch Đavit lah ma Y-Ôrnan: “Mâu ôh, gâp ŭch rvăt păng di rnoh khlay; yorlah gâp mâu ŭch sŏk ôh ndơ may nhhơr ma Brah Yêhôva, mâu đŏng nhhơr ôh du ndơ ƀư brah gŭch mâu huach ôh ndơ rvăt.”

Yêrêmi 32:8

Y-Hanamel, kon bu klâu kônh gâp, tông bâr Brah Yêhôva văch ma gâp tâm nhuang ntŭk phung tahan gak, jêh ri lah: ‘Gâp dăn ma may rvăt tay mir gâp ta ƀon Anathôt, tâm bri Benjamin, yorlah may geh nau dơi chuai jêh ri dơi jêng tâm mir nây; dăn may rvăt ăn ma may nơm.’ Rnôk nây, gâp gĭt nau nây jêng nau Brah Yêhôva ngơi!

I Samuel 6:14

Ndeh nây tât tâm mir Y-Yôsuê, bunuyh Bet-Sêmes, jêh ri nsrŭng tay ta nây. Ta ntŭk nây geh du mlâm lŭ toyh, khân păng rlah tơm si ndeh ƀư long, jêh ri khân păng sŏk bar mlâm ndrôk me ƀư ndơ ƀư brah gŭch nhhơr ma Brah Yêhôva.