I Nau Rêh Jêng 21:17 - Nau Brah Ndu Ngơi 2023

¹⁷ Y-Đavit lah ma Brah Ndu: “Mâu di hĕ gâp ntĭnh jêh ăn kơp rnoh bunuyh? Ơ, gâp nơm ƀư jêh nau tih jêh ri ƀư nau mhĭk, ƀiălah moh phung biăp aơ mâu geh ƀư tih ôh? Hơi Yêhôva Brah Ndu gâp! Gâp dăn ma ti Kôranh Brah rmal ma gâp jêh ri ma ngih mbơ̆ gâp, ƀiălah lơi ƀư mhĭk ma phung ƀon lan May.”

I Nau Rêh Jêng 21:17 ပူးပေါင်းရင်းမြစ်များ

Nau Ntơm 44:33

Pôri aƀaơ, dăn ma may ăn oh mon may dơi ƀư dĭk may ntrok ăn ndăm jê̆, jêh ri ăn ndăm jê̆ hăn sĭt ndrel phung nâu păng.

II Samuel 12:10

Aƀaơ, yorlah may mưch rmot Gâp, jêh ri ntŭng ur Y-Uri, bunuyh Hitit, njêng ur may, pôri đao mâu mra rlu ôh ƀư roh-rai tât ma ngih may.’

II Samuel 24:1

Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

II Samuel 7:8

Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

I Nau Rêh Jêng 21:8

Y-Đavit lah ma Brah Ndu: “Gâp hŏ ƀư tih toyh ngăn, dôl gâp ƀư nau nây. Ƀiălah aƀaơ ri, dăn ma Kôranh Brah lơi klăp ndăng lĕ nau kue bơh oh mon May; yorlah gâp ƀư jêh ma nau rluk ngăn.”

Nau Mprơ Ơm 44:11

May ăn hên jêng tâm ban ma biăp bu djôt hăn ƀư puăch Jêh ri ăn hên nchah rai pru pra tâm lĕ bri dak.

Nau Mprơ Ơm 51:14

Ơ Brah Ndu, tâm rklaih gâp bơh nau ƀư tih nkhŭt mham Ơ Brah Ndu ma nau tâm rklaih gâp, Mpiăt gâp mra mprơ tâm rnê ma nau sŏng srăng May.

Nau Mprơ Ơm 51:4

Gâp hŏ ƀư tih jêh đah May, knŏng đah du huê May dơm Jêh ri ƀư nau mhĭk tâm dâng măt May. Gay ma May tâm mpơl nau sŏng srăng tơlah May ngơi Jêh ri nau kloh ueh tơlah May phat dôih.

Nau Mprơ Ơm 74:1

Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsêkiêl 16:63

Ay mra kah gĭt ma nau bêk prêng, jêh ri yor nau bêk prêng ngăn ay mâu hôm dơi hă mbung ngơi du ntil nau đŏng ôh tơlah Gâp yô̆ an nau tih ay ƀư jêh,” Kôranh Brah Yêhôva lah pônây.

Yônais 1:12

Păng plơ̆ lah pô aơ: “Sŏk hom gâp jêh ri mƀăr gâp tâm nklang dak mƀŭt rnôk nây dak mƀŭt mra gŭ rngân ma khân may, yorlah gâp gĭt yor gâp yơh phŭt toyh chuănh aơ tât ma khân may.”

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

Yôsuê 22:18

Ƀiălah tâm nar aơ khân may chalơi tay Brah Yêhôva ƀơh? Tơlah nar aơ khân may tâm rdâng đah Brah Yêhôva, nar ôi taơ Păng mra ji nuih ngăn yơh ma lĕ phung Israel tâm rƀŭn.

I Yôhan 3:16

Tă bơh nau aơ, he gĭt năl jêh nau rŏng: Nây jêng Păng sân săk jêh nau rêh yor ma he. Pôri, ăn he sân săk nau rêh he yor ma phung oh nâu.